أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





يوميات شاب مصرى روش

المشهد الأول · يدخل أبو طارق إلى حجرة ولده طارق علشان يصحيه يروح الجامعة ويخبط على ظهرهه بالراحه كده أب بقي انتو فا ..



02-08-2009 11:46 صباحا
MNS
مرشح للاشراف
rating
الأوسمة:1
وسام التواصل
وسام التواصل
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس : ذكر
تاريخ الميلاد : 25-1-1994
قوة السمعة : 244
 offline 





color="#0000ff">المشهد الأول




· يدخل أبو طارق إلى حجرة ولده طارق علشان يصحيه يروح الجامعة ويخبط على ظهرهه بالراحه كده أب بقي انتو فاهمين.

الوالد : طارق ... طارق .... قوم يا حبيبى فيفتح الولد عيناً واحدة ينظر بها إلى أبيه فى استغراب


طارق : إيه يا بابا فيه إيه ؟




الوالد :قوم يا حبيبى عشان تلحق تروح كليتك ؟




طارق : يا بابا كلية إيه اللى بتصحينى عشانها وش الفجر


الوالد : وش الفجر إيه بس... يا بنى الساعة داخلة على عشرة ...



قوم يا حبيبى عشان تلحق محاضراتك



طارق : يابابا نفض


الوالد : أعمل إيه



طارق : يعنى كبر يا بابا



الوالد : الله اكبر

طارق : لا يا بابا مش قصدى ... أن بقولك كبر دماغك يعنى



الولد : يا ابنى قوم متتعبنيش .... مش انت عندك محاضرات مهمة النهاردة ؟



طارق : يا بابا مهمة إيه بس ... ده كله فى الكلتشة


الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة


طارق : يا بابا ... فكك من كلام الستينات ده.... أنا مش قادر أفك رموز وشى



الوالد : يا بنى قوم أخوك بيقول ان المحاضرات النهاردة عندك مهمة



طارق : يابابا سيبك منه ... ده واد بيهيس



الوالد : يعنى إيه .... يعني كلامه صح ولا غلط ؟



طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار



الوالد : يا بنى انت بتتكلم كده ليه ؟


طارق : يعنى بكلمك بالسيم يعنى .... بص يا بابا عشان خاطر ربنا ... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية


الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك



طارق : و الله يابابا أنا مأفور خالص و مش قادر ... سيبنى


الوالد : يا بنى كلمنى زى ما بكلمك ... إيه اللى انت بتقوله ده



طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .



الوالد : مصلحتك ؟ يا بنى انت بقالك ثلاث سنين فى سنة ثانية



طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت


الوالد : (وقد بدأ يتغاظ ) طيب قوم يا معفن ... خد لك دوش و افطر و روح الكلية


طارق : بابا.. اقفل النور و خد الباب وراك .... و أما أقوم نبقى نشوف موضوع الدش ده


الوالد ( بصوت مرتفع ) : أنت حتقوم و لا حقومك بالجزمة



طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح



يخرج الأب و يدخل أخوه وائل فينظر إليه شذراً



طارق : لازم تديها جاز على الصبح .... شعللتها ؟ ... ماشى



وائل : هو اللى بيسألنى



طارق : قوله معرفش ... قوله معندوش زفت محاضرات

وائل : أكذب يعنى ؟



طارق : (يضحك بسخرية ).... لأ إنت متعرفش تكدب ... تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟



وائل : ( و قد اصفر وجهه ) لا يا طارق اوعى ....


طارق : طيب يا حلو .... روح هاتلى سجارة من علبة أبوك أعمل بيها دماغ الصباحية


وائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى .



طارق : طيب يا إتم .... اختفى من قدامى دلوقت



يخرج وائل ، و يبدأ طارق فى تدخين إحدى السجائر و هو بعد ما زال على السرير


ثم ينظر بجواره على الكمودينو و يتناول التليفون و يتصل بأحد زملائه


طارق : ألو ... أيوه يا هيما .... انت لسة مِكَّحول ... ما تقوم ياواد خليك نشيط


هيما : يا بنى حد يتصل بحد دلوقت مفيش زوق .... الساعة لسة عشرة و نص


طارق : فوق بقى .... إيه النظام ؟ الحياة أخبارها إيه النهاردة ؟


هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون .....

طارق : طيب نتقابل الساعة واحدة .... متحلقليش


هيما : حتعمل إيه دلوقت

طارق : أنا حاخلع من البيت دلوقت و اخرج أصيع لحد ما نتقابل ، عشان أبويا عاملى فيها أبو الغضب ... و لو فضلت موجود حيعملى فيها بروسلى و يضربنى .



هيما : الحمد لله يا عم... أنا أبويا ميت


طارق : يا بختك ... استكانيس براحتك ..... طول عمرك محظوظ .... شاو

يغلق الخط ... و يدخل أخوه وائل


وائل : اوعى يا طارق تقول لابوك .... لحسن يرحلنى


طارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح على


وائل : ( باستجداء ) اوعى يا طارق

طارق : طيب روح هاتلى الجل بتاعك ... عشان الجل بتاعى بياكل فى دماغى زى مية النار


وائل : احنا حنبدأ استغلال .... و بعدين انت اللى مابتغسلش دماغك لحد ما باظت


طارق : خلص يا عم الأمور ... روح هاتلى الجل .... إنجز


وائل : يا طارق ما انت عندك إزازة لسة مفتحتهاش



طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز

وائل : ( يصرخ و هو يجرى خارج الحجرة ) يا نهار اسود ... دا المكوة على القميص



يأخذ طارق نفساً من السيجارة و قبل أن يخرجه من صدره يدخل والده



الوالد : إنت لسة نايم ؟


طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )


الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟


طارق : ينظر إلى والده و قد احمرت عيناه و انتفخ وجهه


الوالد : انت بتبص كده ليه يا واد انت .... جتك البلا فى منظرك ... و يخرج الوالد


طارق : يخرج نفسه الذى كتمه حتى كاد أن يموت ، و يسعل بشده

يدخل وائل أخوه فيجده على هذه الحال


وائل : إيه مالك ؟ حتفطس ولا إيه


طارق : روح هاتلى كباية مية أبوك كان حيموتنى .... كنت حسافر


يخرج وائل فيستلقى طارق على السرير يسترجع أنفاسه و يغمض عينيه ... و بعد قليل يرتفع صوت شخيره .
خخخخخخخخخخخخخخخخخخخخخ


قولولى رايكم لو عجبتجم هكمل انهارده ان شاء الله.

عزيزي القارئ ضع رداً لنعرف هل نحن علي صواب أم خطأ
ونرجو الابلاغ عن أي رابط لا يعمل




تم تحرير الموضوع بواسطة :MNS
بتاريخ:01-01-1970 02:00 صباحا

توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day
ربما يعجبك هذا أيضا


02-08-2009 02:19 مساء
مشاهدة مشاركة منفردة [1]
Mona Galal
إدراة المنتدي
rating
معلومات الكاتب ▼
تاريخ الإنضمام : 2008-08-27
رقم العضوية : 4
المشاركات : 6616
الدولة : مصر- Egypt
الجنس : أنثى
تاريخ الميلاد : 17-5-1994
الدعوات : 8
قوة السمعة : 815
موقعي : زيارة موقعي
التعليم : جامعي
الهواية : الانترنت
 offline 
look/images/icons/boxed.gif يوميات شاب مصرى روش
لو هى حاله كل الشباب المصريين كده يبقى عليه العوض
و يعنى ايه استكانيس براحتك
و ده كده الصبح امال الظهر ؟.
شكرا محمد على الموضوع


02-08-2009 03:42 مساء
مشاهدة مشاركة منفردة [2]
MNS
مرشح للاشراف
rating
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس : ذكر
تاريخ الميلاد : 25-1-1994
قوة السمعة : 244
 offline 
look/images/icons/i1.gif يوميات شاب مصرى روش
لا طبعا مش كل الشباب كده بس فعلا شباب مصر معظمهم اتغير خالص من غير كلام من بعد ما ظهر اشخاص يدعون للفساد زى تامر حسنى وعمرو دياب وغيرهم كتير هنقول ايه بس دول سبب الفساد بجد كل المغنيين معدش فى فن حقيقى الفن بقى مجرد مظهر بس مش صوت كل واحد يطلع يقول كلمتين تعبانين ويقول فن ويقلدوا الاجانب ويقولوا هو ده الاحسن بنقلد فى الخيابه بس يعنى ولعيبه كره القدم برضه بعضهم مش محترم بجد اسف انى قلبت الموضوع خالص بس نخلينا فى الموضوع ده معمول على انه هزار وترفيه بس .
شكرا منى على المرور والرد الجميل.
توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day


02-08-2009 03:48 مساء
مشاهدة مشاركة منفردة [3]
سامو زين
مرشح للاشراف
rating
معلومات الكاتب ▼
تاريخ الإنضمام : 2009-06-17
رقم العضوية : 6705
المشاركات : 1739
الجنس : ذكر
الدعوات : 1
قوة السمعة : 9
 offline 
look/images/icons/i1.gif يوميات شاب مصرى روش
جميلة جدا والله انا خايف ابقى كدة
توقيع :سامو زين
[color=#ff00bf][/color] 22ov6


02-08-2009 03:54 مساء
مشاهدة مشاركة منفردة [4]
MNS
مرشح للاشراف
rating
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس : ذكر
تاريخ الميلاد : 25-1-1994
قوة السمعة : 244
 offline 
look/images/icons/thumbup.gif يوميات شاب مصرى روش
ههههه لا طبعا الحمد لله انها عجبتك وشكرا على المرور والرد الجميل وان شاء الله هنزل المشهد الثانى.
توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day


04-08-2009 04:53 مساء
مشاهدة مشاركة منفردة [5]
^^shimaa^^
مرشح للاشراف
rating
معلومات الكاتب ▼
تاريخ الإنضمام : 2009-06-16
رقم العضوية : 6670
المشاركات : 3683
الدولة : Egypt
الجنس : أنثى
قوة السمعة : 12
 offline 
look/images/icons/i1.gif يوميات شاب مصرى روش
ههههه
حلوة اوى
تموت من الضحك
شكرا محمد


منمن
استكانيس
يعنى استريح

تقريبا
على حسب علمى

صح ولا ايه؟؟
توقيع :^^shimaa^^
[font=Arial]
[/font][font=Arial] [/font]



المواضيع المتشابهه
عنوان الموضوع الكاتب الردود الزوار آخر رد
يوميات ثائر بيحب هبه فلول rose
2 2658 Galal Hasanin
يوميات نورة Galal Hasanin
0 1807 Galal Hasanin
يوميات احمد الصعيدى ومنى الاستايل ^^shimaa^^
17 4768 mai awad hasan
يوميات ساره وابراهيم ساره طارق
1 1709 ساره طارق
يوميات ساره وابراهيم 2 ساره طارق
2 1640 رحمة

الكلمات الدلالية
لا يوجد كلمات دلالية ..


 







الساعة الآن 12:12 صباحا