logo

أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





30-06-2009 02:08 مساءً
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس :
تاريخ الميلاد : 25-1-1994
قوة السمعة : 244

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت







مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه


مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك


واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد


في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ


واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد


مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته


مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."


مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب


توأم بيقول لأخوه التوأم وهو متنرفز إنت كنت فين ياعم أمك حمتنى مرتين


تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه


ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد


واحد فشار اوي جاله واحد صحبه قعد يقوله امبارح جالي ابو لهب و حنظله و كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا على طرابيزه واحده صحبه كان هيتجنن المهم نزل من عنده لقى ابن الراجل قاله صحيح الكلام ده قاله كلام ايه يا عمو قاله ابوك امبارح جاله ابو لهب و حنظله وكانو بيتغدو مع بعض؟ قاله بصراحه يا عمو مش عارف بس انا امبارح لقيت موكب من كام ناقه كده وكان مكتوب عليهم ملاكي قريش


مرة واحد راح للبقال اقاله هات ببريزه حلاوه طحنيه قاله ما فيش قاله ادينى اى حاجه قاله ما فيش ، قاله يا عم هات اى حاجه، البقال جاب القالب وبيقطع حته علشان يديهاله قالو انت لسه هتشيل منها


مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟


مرة واحد غبي راح للدكتور علشان يكشف علي ابنه.. الدكتور دخل مع الواد اوضة الكشف.. و بعدها بربع ساعة طلع الدكتور و فال للراجل ابنك مات.. راح طلع الواد الصغير و قال لابوه.... بابا بابا انا لس مامتش يابا.. راح ابوه قاله اسكت يا ولد انت هتعرف اكتر من الدكتور


مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ

مره واحد اتصل بصاحبه فى التليفون.... ورد عليه ابنه الصغير بصوت واطى: الو بابا فين يا حبيبى... رد عليه: مشغول يا عمو.... طيب ماما فين: قاله ماما كمان مشغوله. يا عمو.... قاله: طيب مشغولين فى ايه يا حبيبى... مع البوليس يا عمو.... وبيعمل ايه البوليس عندكم...... اصلى مستخبى منهم وبيدوروا عليا...


مره واحد جاب لممته دواء يخليها ترجع 20 سنه وره فتانى يوم راح لها و قال : اه الحلاوه دى و مين العيل الصغير ده قالت: يانهارى أصل أبوك شرب الدواه كله


سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله


واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك


واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس


مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه


بخيل راح عشان يتجوز ابو العروسة بيقولوا احنا عايزين مهر عشر تلاف جنية البخيل قاله: ايه عشر تلاف جنية ده انا معروض عليا بالفين وحامل كمان؟؟؟


واحد بخيل اوي لما اتجوز سافر قضي شهر العسل لوحده


مرة واحد بخيل حلم انه اشترى فاكهة ولحمة لبيته ولما صحى حكى لمراتة قالتله ايه البعزقة دى


واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها


مره واحد شحات ماشى على واحد عجلاتى بقول له اعطنى مما اعطاك الله قاله خد لك لفه


واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها


مرة اتنين بخلاء خلفوا عيل حطوة فى البنك


واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع


واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية


مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي


مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط

واحد بيقول لصاحبه :امبار ح خليت مراتي تركع علي رجليها....قله صحبه ليه؟...قاله كانت بتقولي اطلع من تحت السرير


مرة واحد ماكنش بيغير على مراتة فراحت لجارتها وقالتلها جوزى مبيغرش عليا قالت..خدى شبشب ابو حمادة حوتية ع الباب وفعلا حطتة جة جوزها قالها شبشب مين دة قالتلة.. ابو حمادة قالها رجعيهولو ليكون عايز ينزل استغربت وراحت قالت لجارتها ولا عمل حاجة قالتلها خدى بدلة ابو حمادة حوتيها ع السرير شافها جوزها وقالها رجعيها لابو حمادة راحت لجارتها وقالتلها خدى ابو حمادة نفسة حتية فى الدولاب فلما جية جوزها قالتلة انا عايزة اشترى فستان قالها منا لسة جايبلك فستان قالتلة طب تعالى نعد ، فتح الدولاب وقالها أدي 1-2-3 تعالى كدة يا ابو حمادة شوية -4-5 ...


واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم

مرة حماة أرادت اختباره اجواز بناتها فاخذت الأول وعملت نفسها اتزحلقت في البحر فنزل وراها وانقذها، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك
توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day
ربما يعجبك هذا أيضا


look/images/icons/thumbup.gif نكت جميييييييييييييله
  30-06-2009 02:44 مساءً   [1]
معلومات الكاتب ▼
تاريخ الإنضمام : 2009-06-16
رقم العضوية : 6670
المشاركات : 3683
الدولة : Egypt
الجنس :
قوة السمعة : 12
:lol::lol::lol:
:lol::lol:
:lol:
حلوووييين اووووووووووووى
ودمهم خفييف
شكراا محمد
توقيع :^^shimaa^^



look/images/icons/biggrin2.gif نكت جميييييييييييييله
  30-06-2009 03:54 مساءً   [2]
معلومات الكاتب ▼
تاريخ الإنضمام : 2009-06-18
رقم العضوية : 7099
المشاركات : 1937
الدولة : ام الدنيا
الجنس :
قوة السمعة : 1
جميله جدا يا محمد
تسلم ايدك


look/images/icons/i1.gif نكت جميييييييييييييله
  30-06-2009 04:10 مساءً   [3]
معلومات الكاتب ▼
تاريخ الإنضمام : 2009-06-22
رقم العضوية : 7876
المشاركات : 1044
الجنس :
قوة السمعة : 1
شكرا يا محمد على الموضوع الجميل و النكت الحلوة دى ، ضحكتنا و الله

خلينى أشارك معاك بنكته فى الموضوع

مرة واحد إنجليزى و واحد أمريكى و واحد عراقى اتحكم عليهم بالجلد 100 جلدة فى السعودية و جه الدور على الانجليزى فالجلاد قال له لك عندى أمنيه قبل ما أجلدك قال له أمنيى إنك تربط مخدة على ظهرى ، ربط الجلاد مخدة على ظهره و دأ يجلده طبعاً المخدة ما استحملتش و اتقطعت و الجلد كله نزل على الانجليزى . وبعدين جه الدور على الأمريكى و الجلاد قال له نفس الكلام فالأمريكى قال له نفسى تربط مخدتين على ظهرى و الجلاد ربط المخدتين على ظهره و نزل عليه جلد و حصل معاه زى ما حصل للانجليزى. و جه الدور على العراقى و الجلاد المرة دى قال له احنا أخوات و أشقاء عرب لك عندى أمنيتين بدل واحدة فالعراقى قال له
اجلدنى بدل ال 100 جلدة 200 الجلاد استغرب قوى و قال له طيب و ايه أمنيتك التانية
قال له اربط الأمريكانى على ظهرى
توقيع :محمد النعمانى
Roro44-Ramadan-33
230
راسلنى بالبريد رسائلى الخاصة لا تعمل


look/images/icons/thumbup.gif نكت جميييييييييييييله
  30-06-2009 04:48 مساءً   [4]
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس :
تاريخ الميلاد : 25-1-1994
قوة السمعة : 244
ههههههههههههه شكرا ياستاذ محمد على النكته الاكثر من رائعه وبجد حلوه قوى والله
وشكراعلى المساهمه الجميله
شكرا شيماء ولف على الزياره والرد الجميل.
توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day


look/images/icons/i1.gif نكت جميييييييييييييله
  30-06-2009 04:52 مساءً   [5]
معلومات الكاتب ▼
تاريخ الإنضمام : 2009-06-18
رقم العضوية : 7099
المشاركات : 1937
الدولة : ام الدنيا
الجنس :
قوة السمعة : 1
نكته في غايه الروعه والجمال
وشكرا مستر محمد

اضافة رد جديد اضافة موضوع جديد
الصفحة 2 من 2 < 1 2 >




المواضيع المتشابهه
عنوان الموضوع الكاتب الردود الزوار آخر رد
تحضير كونكت ابتدائي 2024 بعد تعديل المناهج مراسل كويك لووك
0 180 مراسل كويك لووك
تحميل كتاب المدرسة كونكت connect 5 الخامس الابتدائي 2023 الترم الاول مراسل كويك لووك
0 497 مراسل كويك لووك
منهج كونكت connect4 رابعة ابتدائى الترم الاول 2022 مراسل كويك لووك
0 810 مراسل كويك لووك
ملزمة كلمات كونكت 2ب 2022 الترم الاول مراسل كويك لووك
0 682 مراسل كويك لووك
أغنيه رابح صقر ضعفي محبة نكتوبه b*asem taha
0 1081 b*asem taha

الكلمات الدلالية
لا يوجد كلمات دلالية ..









الساعة الآن 02:36 AM