أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





شركة لعبة ‫#‏بوكيمون_جو‬ Pokémon Go مستفيده إيه من كل ده واللعبة ببلاش

شركة لعبة ‫#rlm;بوكيمون_جو‬ Pokeacute;mon Go مستفيده إيه من كل ده واللعبة ببلاش ؟! وإزاي نستفيد إحنا من نجاحها ده كأص ..



13-07-2016 05:20 مساء
Mona Galal
menu_open عضوية موثقة
إدراة المنتدي
rating
الأوسمة:1
شعلة المنتدي
شعلة المنتدي
معلومات الكاتب ▼
تاريخ الإنضمام : 2008-08-27
رقم العضوية : 4
المشاركات : 6613
الدولة : مصر- Egypt
الجنس : أنثى
تاريخ الميلاد : 17-5-1994
الدعوات : 8
يتابعهم : 0
يتابعونه : 8
مشاركات مكتبة الميديا: 19
قوة السمعة : 815
موقعي : زيارة موقعي
التعليم : جامعي
الهواية : الانترنت
 offline 






maxresdefault-26-1rea8x42gt895ndvswjuhtgpdta3flnqt263hb2zbj38

شركة لعبة ‫#‏بوكيمون_جو‬ Pokémon Go مستفيده إيه من كل ده واللعبة ببلاش ؟! وإزاي نستفيد إحنا من نجاحها ده كأصحاب ‫#‏مشاريع‬ ؟! wink_3

أكتر سؤاليين بيتسألوا اليومين الي فاتوا خاصة من لعيبة البوكيمون جو ومن الغير متخصصين في الـ eBusiness .. مبدأيا ع السريع كده للمايعرفش يعني إيه بوكيمون جو ...

هي لعبة اطلقتها وسوقت لها يوم الأربع الي فات 5 يوليو 2016 ((يعني من 7 أيام بالظبط من تاريخ كتابة التدوينة ديه biggrin2 !!!)) شركة نينتندو اليبانية للألعاب صاحبة كارتون بوكيمون الشهير وسوبر ماريو الي كنا بنلعبه على Game Boy في اوائل التسعينات والي فضلت تقاوم سنين معرفش ليه إنتاج ألعاب على التليفونات بشخصياتها الشهيرة ، لكنها أخيرا تداركت الخطأ الفادح ده واطلقت لعبة بوكيمون جو بالتعاون مع شركة نيانتيك Niantic التابعة لشركة ألفابيت الشركة الأم لجوجل.
(أيون الموضوع كبير biggrin2 بس أتقل حبتين على نظرية المؤامرة والجانب السياسي والديني الله يخليك عشان تاخد حاجة نضيفة من ناحية البيزنس الي عايز اكلمك فيها .. وهفتيلك فيهم في أخر سطر لأني مصري زيك ومايصحش كدة إني مافتيش :* )

اللعبة بتعتمد على تقنية الواقع المعزز augmented reality الي بيدمج الواقع بالخيال مع نظام المعلومات الجغرافية GPS والإنترنت. بتثبت اللعبة على موبايلك وبتبدا تطارد وتصطاد كائنات البوكيمون المختلفة من الشوارع اه لازم تنزل تمشي في الشارع وانت بتلعب biggrin2
البوكيمون بيجرجرك وراه وانت ماشي باصص في شاشة الموبيل بتدور عليه ولما تلاقيه بترمي كرة افتراضية بتظهرلك على شاشة كاميرا الموبايل عليه وكلما اصطدت عدد أكبر كلما فرصتك في الفورز تكبر ويزيد مستواك في اللعبة. وممكن بقى تصطاد كائنات البوكيمون وتدربها وتقاتل بيها كائنات تانية وممكن تتاجر بيها كمان أي والله biggrin2

اللعبة نفسها وأغلب الكلام ده متوفرة بشكل مجاني لأنظمة أندرويد و iOS. لكن اللعبة بتتيح عمليات شراء ضمن التطبيق لزيادة الطاقة أو الحصول على إضافات وده أبسط حاجة من الحاجات الي بتدخل فلوس للشركة لكن بيقولك القصة ديه بتدخل تقريباً إيرادات يومية تُقدر بحوالي 1.6 مليون دولار يوميًا biggrin2 على حسب موقع عالم التقنية ...
كمان تقدر مؤسسة "سينسور تاور" المعنية بتحليل نتائج الشركات على الإنترنت أن 7.5 ملايين شخص قاموا بتحميل "بوكيمون" حتى يوم الاتنين الي فات مما يعني تصدرها قائمة الألعاب والتطبيقات المجانية الأكثر تحميلاً في متجر تطبيقات آيتونز الخاص بأبل في الولايات المتحدة الأمريكية غير وصلها إلى 5% من كل أجهزة أندرويد في أمريكا. بحسب "رويترز"

كمان وصلت قيمة شركة نيتندو السوقية في سوق طوكيو للأسهم يوم الخميس الي فات يعني بعد اقل من يومين من طرحها !!! إلى 28 مليار دولار أي أعلى 9 مليارات دولار من فترة قبل إطلاق اللعبة. . حسب ما ذكر موقع "عالم التقنية". biggrin2 ولسة !!! ده كل ده في أول أسبوع بس والمفروض انها نزلت في 3 دول فقط وهي الولايات المتحدة واستراليا ونيوزيلندا والباقي كله ومنهم مصر بينزل اللعبه عن طريق التحايل من لينك خاص ...

,وبعدين تيجي مرحلة المنتجات ولعبة eCommerce بدأ المستخدمون فى البحث عن أجهزة وأدوات تمكنهم من مطاردة البوكيمون بشكل أدق وأفضل، ومع توفر مزايا لدمج اللعبة بالساعات الذكية سواء ساعة أبل ووتش أو ساعات أندرويد، أقبل المستخدمون بشكل متزايد على شراء ساعة بوكيمون جو بلس رغم إعلان الشركة عنها فى سبتمبر الماضى، إذ تصدر اهتزازات عند وجود بوكيمون فى المنطقة المحيطة بمرتديها. تتوفر الساعة الذكية بوكيمون جو بلس بسعر 35 دولارا، لكن تسبب الإقبال المتزايد عليها إلى نفادها بشكل تام من الأسواق، مما دفع المستخدمون إلى التوجه لموقع إيباى للحصول عليها بـ6 أضعاف سعرها الأصلى والحصول عليها بسعر يصل إلى أكثر من 200 دولار للاستمتاع باللعبة ومطاردة البوكيمون طوال الوقت دون الحاجة إلى الهاتف. وفقا للموقع البريطانى "بيزنس انسايدر" biggrin2 صباح الفل

ده غير الترويج الرهيب لمنتجات الشركة الأصلية من العاب جيمز والبومات ولعب اطفال والمنتجات الجديدة الخاصة باللعبه زي التيشرت والكوبايه الي ممكن تلبسهم وانت بتدور على بوكيمون عشان تقابل الناس الي بتدور زيك وتهيصوا وتبقى هيصه biggrin2 ووعدت “نينتندو” بإطلاق أربع ألعاب أخرى على الهواتف المحمولة خلال العام المالي الحالي، وقالت إنها تتوقع أن تساهم ألعاب الهواتف المحمولة في زيادة كبيرة لأرباح الشركة. واديني في المكسب ياعم الحج biggrin2 ارزاااااق !!!

شوف بقى الراجل الغلبان CEO بتاع الشركة صاحبة اللعبة بيقولك إيه biggrin2 !

وقال جون هانك، الرئيس التنفيذي للشركة المنتجة للعبة “بوكيمون جو“، ” إن هدفنا الأساس هو تصميم منصة مختلفة لاكتساب الخبرات الحياتية". وإنه كان يتوقع أن تحقق اللعبة نجاحا كبيرًا، لكنه لم يتوقع هذا الهوس الجنوني، الذي تسبب في تحويلها إلى “ظاهرة” حول العالم.

وأضاف في تصريح لمجلة “بيزنس إنسايدر” الأمريكية، أن الهدف من اللعبة هو التشجيع على الخروج واكتساب خبرات حياتية جديدة، وأشار إلى أن فريق اللعبة كان لديه ثلاثة أهداف واضحة من ورائها، وهما:

1- ممارسة التمارين، حيث قال إن هناك العديد من التطبيقات الرياضية التي تم طرحها على المتاجر الإلكترونية، إلا أنها تجعلك تشعر وكأنك “بطل أوليمبي فاشل”، إلا أن “بوكيمون جو” صُممت لتجعل لديك الحافز الداخلي على الحركة والسير لمسافات طويلة، لتحصل على “البوكيمون” في النهاية، وهو نوع من التحفيز بدلًا من إضافة مزيدٍ من الضغط عليك.

2- رؤية العالم بعيون جديدة، حيث أن من أهداف اللعبة هو إعطاء اللاعب دفعة بسيطة نحو الأشياء غير المثيرة للاهتمام، وذلك من خلال تحويل بعض المعالم في الواقع، وعدد من المعالم التاريخية إلى نقاط لتجميع “البوكيمون”، ومن خلال ذلك ستتمكن من رؤية بعض المعالم الموجودة حولك بطريقة مختلفة.

3- المشاركة مع الآخرين، حيث تحتاج اللعبة في بعض المستويات إلى تكوين فريق من اللاعبين في نفس المنطقة، للسيطرة على أماكن “البوكيمون”، وهو ما يساهم في زيادة الرقعة الاجتماعية لكل لاعب، والتعرف على أشخاص جدد، حيث يقول “هانك” إن اللعبة ستجعل حياتك أفضل بطرق بسيطة، كما أنها ستجعل الناس يقضون أوقاتهم سويًا.

مصدقينك طبعاً يا عم الحج ناس طيبين قوي يا خال biggrin2 !

وخد ديه بقى أضاف جون هانك: “بدأنا نفكر في التعاون بين Niantic وشركة بوكيمون نينتيندو، وعقد شراكة مع جوجل مقابل حصة مالية، للحصول على الخرائط الخاصة بها، وأصبح كل شيء على ما يرام في نهاية العام 2015.

هي الأضافة الي أضافها ديه بقى هي الي فيها الزتونة عارف يعني إيه جوجل شريك بحصة في اللعبة يامعلم عارف يعني إيه جوجل تشاركك يعني انت كدة بكلك على بعضك بكل منتجات انتجتها او هتنتجها بقية حياتك عديت الفلنكات عدم الامؤخذة biggrin2

خد بقى الأنأح تخيل بقى كده معايه لو الشركة ديه فكرت تبيع اعلانات تظهر للمستخدمين جنب البوكيمونات او اتفقت بمقابل مادي مع براندات او مولات او شركات ومطاعم وسوبرماركتس وكفيهات كبيرة انها تخبي البوكيمونات عندهم بمقابل مادي فالزباين يجوا لهم يدوروا واكيد هيشتروا biggrin2

المهم في الأخر بقى أحنا كأصحاب مشاريع في البيزنس بتاعنا نستفيد إزاي من القصة ديه ؟

أربط فورا تسويقك بـ بوكيمون جو بأي شكل أعمل محتوى على صفحة شركتك عن الموضوع استخدم الهاشتاج بتاعها الي اتصدر مواقع التواصل الاجتماعي وكلمة "بوكيمون" بالإنجليزي حققت أعلى بحث على "تويتر"، وعدد التغريدات الي فيها اسم اللعبة وصلت أكثر من 100 تغريدة في الدقيقة الواحدة. وفي أكتر من هاشتاج باالإنجليزي ‪#‎pokemon‬ ‪#‎playpokemon‬ ‪#‎pokemongo‬ ونسبة التغريد تقريبا 30% من نسبة عدد مستخدمي "تويتر". !!!

وفي تقرير نشرته مجلة "فوربس"، أوضحت أن مؤسسة "سيميلار ويب" (Similar Web) المتخصصة في أبحاث السوق تشير إلى أن لعبة الجوال ربما تكون في طريقها لتجاوز "تويتر" في عدد المستخدمين النشطين يوميا على نظام تشغيل "أندرويد".
ووفقا لإحصائيات موقع "سيميلار ويب"، تصدر تطبيق "بوكيمون" في الوقت الذي يقضيه المستخدم العادي في ممارسة اللعبة بـ43:26 دقيقة يوميا...

أو دور على منتجاتهم وبيعها عندك أو أربط خدماتك باللعبة لو انت شركة سياحة مثلا قول عملائك يلا نسافر الغردقة ندور ع البوكيمون مع بعض biggrin2 او لو انت شركة تدريب قول لهم احضر الكورس وفي البريك هندور ع البوكيمون مع بعض او تعالى مطعمنا ده مليان بوكيمونات وغيره كتيررر ....

وفي لعيب برنس من اوائل الي جربوا اللعبة مع الشركة قبل نشرها عمل تطبيق دردشة خاص باللعبة اسمه Pokémon GoChat بيساعد اللعيبة تتواصل مع بعض بيقولك التطبيق ده نزله اكتر من 10% من الي نزلوا اللعبة متخيل العدد لكن عمنا ده ماكانش مخططها ولاعبها صح والتطبيق عمله مجاني ومتخيلش حجم الاقبال فالسرفرات الي هو شغال معاها مش مستحمله العدد ومازال بيخسر عشان يستمر من كتر الاقبال فركز في التخطيط للحاجة قبل ماتعملها وفكر كويس هتكسب منها ازاي ...

ومن الأخر كده أهم حاجة في تسويق في شغلك إنك تركب الترند على رأي المثل التسويقي الـ ‫#‏شريفشتكانات‬ الشهير "إن فاتك الترند اتمرمغ في ترابه"

بالنسبة بقى لنظرية المؤامرة والجانب السياسي والديني للأمر فالله أعلم من قال لا أعلم فقد أفتى كل الي اقدر اقوله لك اتقي الله في وقتك الي هو عمرك :* صباحو

شركة لعبة ‫#‏بوكيمون_جو‬ Pokémon Go مستفيده إيه من كل ده واللعبة ببلاش


ربما يعجبك هذا أيضا


%25D8%25A7%25D9%2581%25D8%25B6%25D9%2584%2B%25D9%2585%25D9%2588%25D9%2582%25D8%25B9%2B%25D8%25A8%25D9%2588%25D9%2583%25D9%258A%25D9%2585%25D9%2588%25D9%2586%2B%25D8%25AC%25D9%2588
شركة لعبة ‫#‏بوكيمون_جو‬ Pokémon Go مستفيده إيه من كل ده واللعبة ببلاش



شركة لعبة ‫#‏بوكيمون_جو‬ Pokémon Go مستفيده إيه من كل ده واللعبة ببلاش


شركة لعبة ‫#‏بوكيمون_جو‬ Pokémon Go مستفيده إيه من كل ده واللعبة ببلاش





av;m gufm ‫#‏f,;dl,k_[,‬ Pokémon Go lsjtd]i Ydi lk ;g ]i ,hggufm ffgha

 

عزيزي القارئ ضع رداً لنعرف هل نحن علي صواب أم خطأ
ونرجو الابلاغ عن أي رابط لا يعمل


تقييم الموضوع:
الرجاء تقييم الموضوع





الكلمات الدلالية
شركة ، لعبة ، ‫#‏بوكيمون_جو‬ ، Pokémon ، مستفيده ، واللعبة ، ببلاش ،


 







الساعة الآن 05:41 مساء


وسوم المنتدى