logo

أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





06-07-2014 02:02 صباحاً
معلومات الكاتب ▼
تاريخ الإنضمام : 2008-08-27
رقم العضوية : 1
المشاركات : 12108
الدولة : Egypt
الجنس :
الدعوات : 28
مشاركات مكتبة الميديا: 1033
قوة السمعة : 2896
موقعي : زيارة موقعي
التعليم : جامعي
الهواية : شعر

السلام عليكم ورحمة الله
قرأت هذا التحليل علي غلاء الاسعار علي موقع التواصل الاجتماعي ووضعته بين أيديكم لتقولوا رأيكم

اقتبـاس ،، ○ نصيحة صغيرة للشباب المتحمس ع الفاضي ولكل واحد متفزلك ورافض رفع الدعم : ( البلد دى لو وقعت ملهاش قومة تانى خلاص )

○ فقبل ما تولول على رفع الأسعار ..وعشان البلد م ش مستحملة .. وحتى لا
ننساق خلف من لهم مصالح شخصية للوصول إلى الحكم علي حسابنا ونتيجة الشحن الغير مبرر لمن لا يريد ان يفهم حقيقة الوضع .. يجب أن تقرأ بتمعن لتفهم من أجلك ومن أجل مصر :

☆ الموازنة السنوية التى تعتمدها الدولة تذهب ثلاثة اربعاها للفوائد التى على القروض .. والربع الباقى بيتوجه لجميع نواحى ومجالات الحياة فى مصر ..
● وعشان الربع دة مبيكفيش أى حاجة بنضطر نقترض وبالتالى الديون والفوائد بتزيد سنة ورا سنة ورا سنة... وده احد اسباب خلع مرسي علي فكرة اننا رفضنا القرض من الصندوق الدولي اللي كان هيروح جيوبهم ويسبولنا الديون...!!

● الحكومة عرضت على الرئيس السيسي الموازنة بتاعة كل سنة وفيها الدعم السنوى والقروض بتاعة كل سنة، قال لهم "مقدرش اعتمد الموازنة بالشكل دة ، احنا كدة بنأجل مواجهة المشكلة والأجيال الجاية حاتدفع الثمن"

● الحكومة قالت للسيسي: "الناس عندها أمل ولو علينا الأسعار عشان نسد الديون ونحل المشكلة ، الناس مش حاتستحمل مننا"

● السيسي رفض الموازنة وقال لهم : "احنا مش حانعيش طول حياتنا نقترض ولا مادين ايدينا ، نيجى على نفسنا سنتين ونتحمل مع بعض ونسد ديوننا وبعدها نوجه الميزانية كلها لدعم البلد مش ربعها بس .. لايصح الا الصحيح"
ولو سمعت كلامكم حابقى ببص تحت رجلينا وبنضيع مستقبل البلد دى ..

● نستحمل كلنا سنتين تعب نسد ديوننا وبعدها الميزانية كلها حاتبقى ملك الشعب دة .. إنما حانفضل مادين ايدينا لحد امتى؟

● السيسي كان أسهل له يعتمد الموازنة الجديدة ويضحك ع الناس بدعم اكتر وقروض أكتر والناس حاتعمل له تمثال دهب ... بس حاييجى يوم علي مصر مش حاتقدر تسدد ديونها ودة حايبقى يوم قريب ودة اللى فاهمه الاخوان كويس وعشان كدة بيسخنوك عشان ترفض غلاء الأسعار

● بالنسبة للفقير العاجز عن المساهمة دة شغلانة الحكومة الفترة اللى جاية :

○ السيسي عمل حد أقصى للأجور والفائض نزل بيه لحمة وفراخ على بطاقة التموين
○ السيسي عمل صندوق تحيا مصر عشان يوجهه لدعم الفقراء قام رجال الأعمال رفضوا يدفعوا
○ السيسي فرض على رجال الأعمال ضريبة على ارباح البورصة عشان يجبرهم على المساهمة وينقل خير مصر من الغنى للفقير وهكذا ..

○ السيسي نفذ وعده بإن لو الإسعار تحركت وأصبحت عبء على الغلبان هينزل السلع الأساسية من جهاز خدمات القوات المسلحة بالأسعار المخفضة ...
وقد كان , الآن منافذ بيع السلع المخفضة منتشرة فى كل مكان ... ولا يستطيع أحد أن ينكرها ..

☆ ساعدوا الرئيس السيسي فى العمل والبناء بدل ما حاتتهد على دماغنا كلنا ومحدش حايكسب منها حاجة وكفاية تكرر زى البغبغان إشاعات الاخوان و6ابريل ..

☆ لا الرئيس السيسي حايفرض ضريبة على المصريين فى الخارج ، لأن مشروعه الرئيسى فى مصر ، ولا السيسي حايفرض ضريبة على السكن الإضافى الخاص الا اذا كان قيمته فوق الاتنين مليون جنيه "يعنى الغنى جدا بس هو اللى حايدفع"

● وجع ساعة ولا كل ساعة .. صبر سنتين بدلا من انتظار السقوط نحو الهاوية

☆ ثم لا تنسوا أن الرئيس السيسي كان صريحاً وصادقا مع الشعب قبل ان ننتخبه بالإجماع ... قال بالحرف الواحد :
《 أنا ماعنديش حاجة اديها لأحد .. المرحلة القادمة صعبة ولازم نتحملها مع بعض من أجل التغيير إلي الافضل ومن أجل المستقبل .. لازم نضحى شوية علشان الأجيال القادمة .. لازم نشتغل ... هتصحوا خمسة الصبح 》

○ لم يعدنا بمشروع وهمى للنهضة ثم يصرف المخزون الاحتياطى الذى كان فى البنك المركزى على اهله وعشيرته مثل العميل مرسي ويلهث بعد ذلك خلف البنك الدولى للاقتراض ..
ولم يوعد وعود وهمية بفدان ارض وعشرة آلاف جنية لكل مواطن مثل صباحي .






ولكنه كان واضحا وضوح الشمس ونزلنا جميعا واخترناه بالاجماع لأنه انسان صادق واضح وضوح الشمس ... فدعوه يعمل وتجب أن نتحمل معا قليلاً من أجل المستقبل .... ياريت الرسالة تكون وصلت...
انا لم اضع رأيي بعد ولكن أريد ان تشاركوا بآرائكم
توقيع :Galal Hasanin
Mr. Galal Hasanin
Expert Teacher of English Language
El-Malek El-Kamel High School
Mansoura Secondary High School
ربما يعجبك هذا أيضا

اضافة رد جديد اضافة موضوع جديد




الكلمات الدلالية
الأسعار ،









الساعة الآن 08:10 AM