أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





الثقب الأسود والثقب الأبيض

تنويه هام : الموضوع ده عن الثق الاسود والثقب الابيض والبعض ممكن يكون عارفه وفى مصادر مؤكده ليه بس الفارق هو أنه تم صياغ ..



20-11-2012 12:24 مساء
MNS
menu_open
مرشح للاشراف
rating
الأوسمة:1
وسام التواصل
وسام التواصل
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس : ذكر
تاريخ الميلاد : 25-1-1994
يتابعهم : 0
يتابعونه : 0
قوة السمعة : 244
 offline 

تنويه هام : الموضوع ده عن الثق الاسود والثقب الابيض والبعض ممكن يكون عارفه وفى مصادر مؤكده ليه بس الفارق هو أنه
تم صياغته بطريقه جديده بمجهود خاص لى ولصديق لى سويا 
وأرجو أن ينال اعجابكم يارب
وقت تحضير الموضوع وصياغته استغرق ما يعادل 5 ساعات
 

356009009





 
منفسكش تسافر بالزمن وتروح المستقبل كده وتشوف العالم هيبقى شكله ايه هل هيبقى متطور جدا ولا متخلف ...
واهو بالمره تعرف كيلو الطماطم هيبقى بكام هل هيفضل ب 10 جنيه ولا هيبقى ب7000 جنيه ^_^
...طب منفسكش ترجع للماضى كده وتطل على جدك وتسأل عليه و
تشوف صحته عامله ايه ^_^
او ترجع لايام الفراعنه وتقولهم ان الاهرامات بتاعتكم عامله شغل زى الفل فى القرن الواحد وعشرين بعد الميلاد وان احفادكم طالع عين اللى جابوهم
-----------------------------------------------
كل ده كان بيحلم بيه آينشتين .. مش بيحلم يعرف كيلو الطماطم هيبقى بكام لا...كان بيحلم بالسفر عبر الزمن وقرفنا بنظرية النسبيه بتاعته.

ماتيجوا نطلع سوا كده فى رحله للزمن نعرف الموضوع ايه بس ركزوا معايا اوى اوى لان الموضوع صعب ومليان نظريات علميه

سنة 1905 نشر العالم آينشتين نظرية النسبيه بتاعته وكانت ناقله كبيره جدا فى الفيزيا والرياضيات
واعتمد فى النظريه بتاعته على مصطلح عجيب وهو "الزمكان" وده معناه ببساطه السفر عبر الزمان والمكان 


ربما يعجبك هذا أيضا


واضاف للابعاد الثلاثه المعروفه اللى هما الطول والعرض والارتفاع اضاف ليهم بُعد رابع وهو الزمن

وقالهم فى النظرية بتاعته ان الزمن بُعد رئيسى فى الحياة ... فى الرياضة والفيزيا وفى كل القياسات الجادة
وكانت مفاجأة مذهله للناس والعلماء وفى علماء كانوا مخالفينه فى الرأى وطلعوا بنظرية اسمها السببيه وقالوله ايه الكلام ده ياعم انت بتخرف ولا ايه هو انت متعرفش ياسى آينشتين ان العالم كله بيعتبر وحدة واحدة .. يعنى لو واحد رجع للماضى زى مابتقول وعمل تغيير ولو بسيط فده هيعمل تغيرات تانيه كتير ممكن تغير التاريخ كله وساعتها هيبقى التاريخ ملخبط خالص وده طبعا مينفعش يحصل ياعم انت.

المهم ياسيدى فى علماء طلعوا قالوله ان كلامه ده مجرد اوهام...بس آينشتين كمل فى النظريه بتاعته ومعبرش حد ومش بس فضل يدرس السفر عبر الزمن لا ده كمان درس السفر عبر الزمكان يعنى السفر عبر الزمان والمكان.

وعلشان نفهم الكلام اللى هيتقال ده عايزكم تنسوا الحته بتاعت السفر عبر الزمن دى وتعالو نفهم الحته بتاعت السفر عبر الفضاء.

بص ياعم...بعد ماعلم الفلك تطور فى النص التانى من القرت ال19 ظهر مصطلح جديد اللى هو السنة الضوئيه وده معناه المسافه اللى بيقطعها الضوء فى سنة مع العلم ان سرعة الضوء 186 الف ميل /الثانية
يعنى ما يعادل .. 25 مليار و 862رمليون و 801 ألف و 818 كيلومتر

هاااااااار اسود ايه الارقام دى كلها عموما ماعلينا
والسنه الضوئيه بتستخدم كوحدة فلكيه لقياس بعد النجوم عننا ...يعنى معنى الكلام ده ايه؟؟
ان لو اقرب نجم بيبعد عننا سنة ضوئيه واحده
فوصولنا ليه هيحتاج لسفينة فضائيه خاصة تمشى بسرعه الضوء لمدة سنة كامله من غير ماتقف والكلام ده طبعا مستحيل منطقياً ورياضياً.

بس خد عندك بقى المفاجئة دى

احنا ممكن نسافر للنجم ده وفى زمن اقل بكتير ومن غير مانحتاج سرعة الضوء حتى 
ازاى ياعم انت؟؟
عايز تعرف ازاى؟؟
يبقى لازم تعرف الثقوب السوداء

لما الراجل آينشتين اخترع مصطلح الزمكان فى النظريه بتاعته قالنا على معلومه علميه جديده وسماها "تمدد الزمن"...بمعنى؟؟؟
بمعنى ان لو فى رائد فضاء سافر فى مركبه فضائيه لنجم يبعد سنة ضوئيه وبعدين رجع تانى للارض هيلاقى ان السنتيين دوول (اللى هما السنة اللى راح فيها والسنة اللى رجع فيها) بقوا نص قرن على الارض والسبب ان عقارب الساعه هترتبط بالزمن اللى السفينه بتنطلق فيه يعنى هتمشى بنفس السرعه فى حين ان الساعه الثابته على الارض هتتوافق مع سرعة دوران الارض حول نفسها وحول الشمس.

طبعا انت دماغك بتدوى وتجيب دلوقتى ^_^
بس نصيحه اخويه متتعبش نفسك فى التفكير لان العلماء اثبتوها علميا ورياضيا من اكتر من 100 سنة فاتو smile

بس نظرية آينشتين دى اشارت لمصطلح تانى اهم بكتير فى السفر عبر الفضاء وهى الثقوب السوداء
واول واحد يستخدم مصطلح الثقوب السوداء ده هو الفلكي الامريكي (جون هويلر )
سنة 1969علشان يوصف بيها نظرية بتعود الى 1793 
لما نشر الجيولوجى جون ميشيل (رئيس جامعة كامبيردج)
ان بعض النجوم ليها كثافة عالية جدا فده بيديلها قوة جذب عاليه جدا وده بيخليها اشبه بالفراغات السودا لاى حد بيحاول يرصد الكون

بعد كده جت النسبيه وآينشتين قال فيها ان الضوء مش بيمشى فى خطوط مستقيمه ولا حاجه زى مانتوا فاهمين لاده الضوء بينحنى لما بيمر على نجم عالى الكثافه ولما كثافة النجم تبلغ اقصاها الفضاء بيتحدب حوالين نفسه فبيجذب الضوء ليه بعنف علشان ميفلتش منه ويبلعه النجم.





وعلشان هو بيمتص الضوء فمبيوصلش لينا فالبتالى مش بنشوفه وكل اللى بنشوفه ثقب اسود حجمه بيختلف من مكان لمكان وخلاص .

لو مش فاهم ايه اللى حصل...هقولك تفهمها ازاى
ادخل على الحوض بتاع المطبخ بتاعكم واملاه مايه وقوم شايل السداده بتاعت الحوض واتفرج عليه وهو بيشفط المايه... اهى العمليه دى شبه الثقب الاسود لما ييجى يجذب الضوء والحاجات اللى بتعدى من عليه.

والثقوب السودا دى حيرت العالم اوى وفضلوا يفكروا فيها لحد ما اكتشفوا نظريه جديده بتقول ان اللى بيجذبه الثقب الاسود بياخده يمشيه فى نفق كده لحد مايخرجوا من نهايته على حاجه اسمها الثقب الابيض بيطلعه بقى على مكان تانى او عالم تانى والنظريه دى كانت قنبله فى كل الاوساط لانها معناها ان الثقوب السودا دى ممكن تنقلنا لمكان وزمان تانى فى الكون والمكان ده ممكن يبعد الاف او ملايين السنيين الضوئية.

واكييد طبعا انت بتسأل نفسك دلوقتى وبتقول...الاه لما احنا ممكن نسافر من خلال الثقب الاسود ده ليه رواد الفضاء مبيعملوش رحلات ليه طالما هما اكتشفوا كده.
بس الاجابه بسيطه اوى ....ان التقدم العملى والصناعى اللى احنا فيه ميكفوش اننا نعمل سفينه فضائيه قويه جدا تقدر توصل للثقب الاسود وتخترقه لانها هتحتاج طاقه كبيييييييره جدااااا العلماء قدروها بمليون ضعف الطاقه اللى بتستخدمها امريكا فى سنة كامله ..وده اول سبب

السبب التانى..ان العماء ميقدروش يحددوا المكان اللى السفينة دى هتروحله لو عبرت من الثقب الاسود فالبرغم من انهم اكتشفوا ثقوب بيضا كتير الا انهم ميقدروش يحددوا هما مخرج اى من الثقوب السودا دى

السبب التالت...ان حتى لو عملنا سفينة وسافرت عبر الثقب الاسود الاتصال بيها مستحيل لان طبيعى اى اشارة هتطلع من السفينة هيشفطها الثقب الاسود...اذا كان الضوء نفسه مسلمش منه
وحتى ياسيدى لو دخلت وعدت وجييت تبعت اشارة هتحتاج الاف او ملايين السنيين الضوئيه.
يعنى تخيل معايا كده لما يوصلو يقولو "احنا عدينا من الثقب الاسود ده ووصلنا بالسلامه الحمدلله"
الجمله دى عشان توصلنا ممكن تاخدلها ملايين السنيين الضوئيه يعنى الله اعلم جايز تكون القيامه قامت ولا حاجه ^_^
وحتى لو خرجت واحنا عارفين هى خرجت فيين لو جمعنا كل المناظير اللى عندنا وافترضنا انها بتبعد عننا بحوالى مليون سنة ضوئيه فعلشان نشوفها لازم نستنى مليون سنة ضوئيه !!! ياخى  مانشالله عنهم ماسافرو smile)

ففى بعض العلماء قالو ماهى ممكن ترجع من ثقب اسود قريب ليها برضه وترجع فى وقت اقل فعلماء تانيين رفضوا وقالو لا واحنا نضمن منيين والافشخانات دى كلها وفى الوقت اللى هما عمالين يتناقشو فيه عن الموضوع ده اكتشف مجموعه من العلماء اكتشاف قلب كل الموازيين
اكتشفوا حاجه اسمها ديدان الفضاء

العلماء دوول قالو ان الكون فى حاجه اسمها انفاق زمنيه دوديه والانفاق دى جايه من اسمها يعنى شبه الدوده كده 
وان اى حاجه بتعدى من خلالها بتكتسب طاقه سالبه بتخليها تخرج منها فى زمن قبل اللى دخلت فيه او بمعنى اصح بتخليها تسافر للماضى

يبقى حيث كده بقى ان السفر عبر الزمن حقيقه علميه فعلا مش خيال زى ما الناس فاهمه وفى نظريات بتثبت كده اهى !!
وفى بعض علماء بيؤمنوا فعلا بفكرة رؤية الماضى دى وخصوصا علماء الفلك لانهم احيانا ممكن يكونوا بيدرسوا نجم بيبعد عننا 100 سنة ضوئيه فهما بيبقوا عارفين ان هما بيدرسوا الواقع اللى كان عليه النجم ده من 100 سنة ضوئيه مش الواقع بتاعه دلوقتى لان ممكن يكون النجم ده معدش موجود من اصله فده معناه انه بيدرس الماضى بتاعه مش الحاضر

ولما العلماء اكتشفواا انفاق الزمن الدوديه دى حصل جدل عنيف بينهم وبين علماء تانيين ورجعوا تناقشوا تانى فى نظرية السببيه اللى قولناها فوق لو تفتكر ^_^
واللى قالت ان مستحيل حد يرجع للماضى لانه ممكن يغير فيه فالبتالى ممكن يغير التاريخ بس طلع نظريه تانيه قالت لا لو حد سافر للماضى هيسافر كمشاهد بس مش كمشارك يعنى هترجع للماضى تتفرج عليه كده كأنك قاعد بتتفرج على فيلم قديم لاسماعين ياسين ^_^

وحتى مش هتتفرج عليه بصورته الماديه لا هتشوفه بصوره ضوئيه للاحداث اللى حصلت فيه 
وبعدين السفر من خلال الانفاق الدوديه امر نظرى لان انت عشان تسافر من خلالها لازم تمشى فيها بسرعه تزيد عن سرعة الضوء وده مستحيل طبعاً.

ولو طبقنا نظرية النسبيه والنظريه اللى قبلها دى هنلاقى ان كتلة الجسم بتزيد مع زيادة السرعه لحد ما السرعه توصل لسرعه الضوء فالجسم كتلته هتبقى لانهائيه وبالتالى هيحتاج طاقة دفع لا نهائيه والاتنين مستحييييل فمتوجعوش فى قلبكم بقى لان السفر عبر الزمن كده بقى ممكن نظرياً ومستحيل عملياً.

الله بس برضه عايزين نتأكد هو ممكن فعلا ولا لأ !!


في بداية الثمانينات كان حلم العلماء الاول هو الوصول لمرحلة اعتبروها ذروة الاتصالات والانتقالات عبر الكون
وسموها( الانتقال الآني )
وده معناه التنقل من مكان لمكان بيبعد عنه مسافه كبيره فى نفس اللحظة 
زى بالظبط اللى شوفناه فى سلسلة افلام رحلة النجوم

المهم ياسيدى كان فى مجموعه من العلماء عايزين يعملوا تجربه يثبتوا فيها الانتقال الآنى ده فعملوا فعلا تجربه لاثبات النظريه بتاعتهم دى بس فى التجربه بتاعتهم دى مكنش التنقل لمسافه كبيره لا هو يادوبك كان لمسافة 90 سم....المهم عملوا ايه جابو ناقوس مفرغ من الهوا وجابو واحد تانى كمان وربطوهم ببعض عن طريق قناة من الياف زجاجيه متينه وكان بيحيط بيها مجال كهرومغناطيسى قوى جدا
وجابو عمله معدنيه ونفذوا عليها التجربه بتاعتهم لقوا انها بتنتقل من الناقوس الاول للناقوس التانى بعد ساعه و6 دقايق
يعنى بتختفى من الاولانى وتظهر فى التانى بعد ساعه و6دقايق فقالو ده ميعتبرش انتقال آنى 
ولما جربوا التجربه دى على اجسام تانيه كبيره شويه منفعتش...قالو يبقى التجربة بتاعتنا دى فاشلة

فبعد فترة فى التسعينات جه مجموعه علماء تانيين وقالو احنا هننفز التجربه دى تانى بس بطريقه مختلفه...ازاى يعنى؟؟
قالو احنا هنجيب العمله المعدنيه دى ونسخنها وقاسو درجة الحرارة بتاعتها بأجهزة دقيقه وحديثه وبعدين رجعوا قاسو معدل انخفاضها فى وسط مفرغ وبدأو التجربه بتاعتهم
فى البدايه لاحظوا برضه ان العمله بتختفى من ناقوس وتظهر فى التانى بعد ساعه و6 دقايق 
بس عملوا ايه جديد بقى
جابو العمله دى وقاسوا درجة حرارتها تانى بنفس الاجهزة وبعد ماقاسوا درجة حرارتها فجأة فضلو يصرخوا من الفرحه ويحضنوا بعض وفرحانين اوى...فرحانين ليه؟؟
لانهم لقوا ان الانخفاض اللى قاسوه طلع بيساوى 4 ثوانى وده معناه ان العمله المعدنيه دى زمن الانتقال ليها ماستغرقش الا 4 ثوانى بس
واتنقلت للمستقبل ساعة وست دقائق .. 
وده كان انتصار ساحق لنظرية السفر عبر الزمن

بس لما جم يجربوا نفس التجربه دى على اجسام تانيه مركبه يعنى اجسام بتحتوى على اكتر من نوع من الجزيئات بعكس العمله المعدنيه لانها بتحتوى على نوع واحد بس من الجزيئات وجدوا ان الاجسام دى ماتنقلتش لان جزيئاتها بتمتزج وتدوب مع بعضها بشكل عشئاوى فالبتالى التجربه منغعتش على الاجسام المركبه
وفضلنا فى حيرة برضه والزمن اخد نفس الوصف اللى وصفناه بيه انه ممكن ومستحيل فى نفس الوقت !
ممكن بدليل انه احيانا بيحصل ومستحيل لاننا مش قادرين نعرف الاسرار اللى بتحصل فى الانتقال عبر الزمن


فالعلماء جالهم احباط من الموضوع ودماغهم ضربت من كتر التفكير فيه لحد ماجه واحد تانى عبقرى اسمه ستيفن هوكنج
وده كانو مسمينه آينشتين التانى والراجل ده ياجماعه كانت قوته كلها فى عقله لان جسمه اتصاب بمرض نادر بيسبب ضمور العضلات وانكماشها فمكنش بيعرف يتحرك خالص لكن عقله وذكائه وافكاره حركت ناس كتير

الراجل ده عمل ايه؟؟
اكتشف انواع تانيه من الثقوب السودا وسماها الثقوب الاوليه واثبت انها بتشع نوع من الحرارة على الرغم من قوة الجذب الكبيره جدا
وعمل نظريات كتيره جدا بتأكد احتمالية السفر الزمكانى وانضم ليه علماء تانيين كتير زى
(كارل شفارتز شيلد) و ( مارتن كروسكال ) و ( كيب ثورن )
والعماء دوول بنظاريتهم ومعادلاتهم الرياضيه اكدوا ان السفر بالزمن ممكن 

بس خد بالكم ممكن نظريا لكن مستحيل عمليا
لان تجاربهم ونظاريتهم اكدتلهم انه ممكن
لكن مفيش الامكانيه لكده ومفيش اى وسيلة نقدر نتحرك بيها بسرعة اكبر من الضوء .

وفى الوقت اللى العلماء عمالين يكتشفوا فيه نظريات جديده الادباء والمؤلفين عمالين يكتبوا فى قصص خيال علمى والمخرجين عمالين يعملوا افلام عن الحقيقة الخارقة والغريبه اللى هى السفر عبر الزمن.

فى النهايه احب اشكركم انكم كملتوا الموضوع للاخر ويارب يكون عجبكم لان بصراحه انا دماغى صدعت بعد ماكتبته ^_^


 

•––––ılılı.ılılı M.NaSh'aT ılılı.ılılı––––•
 
 
 
 
 
 
 
 




:. كاتب الموضوع MNS ، المصدر: الثقب الأسود والثقب الأبيض .:


hgerf hgHs,] ,hgerf hgHfdq

 

عزيزي القارئ ضع رداً لنعرف هل نحن علي صواب أم خطأ
ونرجو الابلاغ عن أي رابط لا يعمل


تقييم الموضوع:
الرجاء تقييم الموضوع
توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day



20-11-2012 11:03 مساء
مشاهدة مشاركة منفردة [1]
تغريد
menu_open
فضى
rating
معلومات الكاتب ▼
تاريخ الإنضمام : 2009-05-20
رقم العضوية : 3944
المشاركات : 210
الجنس : أنثى
يتابعهم : 0
يتابعونه : 0
قوة السمعة : 13
 offline 
look/images/icons/i1.gif الثقب الأسود والثقب الأبيض
بحد الموضوع ده غريب ( السفر عبر الزمان ) الجمله نفسها غريبه

يعنى تخيل لو فعلا الواحد ممكن يسافر للماضى بغض النظر عن كل الموانع

حتى لو مشاهد    ------    الواحد ممكن يتجن 
الحياه كلها عباره عن فيلم 

فى اسئله ملهاش اجابه
الشخص اللى هيسافر هيعيش ازاى ؟
هيكونه حياه معنا  يعنى هيقدر يروح ويرجع ولا مجرد متفرج على الماضى ؟
--------------------------------------------------------------
طيب تخيل معيا كمان لو فى علماء فى المستقبل نجحوا فى السفر عمليا
هيكونوا دلوقتى عايشن معنا وبيتفرجوا علينا ؟؟؟؟!!!! 

-------------------------------------------
شكرا على الموضوع شيق جدا 
واحلى حاجه الاقفشات اللى فى النص 
توقيع :تغريد
%28142%29



21-11-2012 04:10 صباحا
مشاهدة مشاركة منفردة [2]
Galal Hasanin
menu_open عضوية موثقة
مدير المنتدي
rating
معلومات الكاتب ▼
تاريخ الإنضمام : 2008-08-27
رقم العضوية : 1
المشاركات : 11955
الدولة : Egypt
الجنس : ذكر
الدعوات : 23
يتابعهم : 4
يتابعونه : 26
الإجابات المقدمة: 3
مشاركات مكتبة الميديا: 113
قوة السمعة : 2816
موقعي : زيارة موقعي
التعليم : جامعي
الهواية : شعر
 offline 
look/images/icons/i1.gif الثقب الأسود والثقب الأبيض
بص بقي يا محمد من الآخر انا كنت ماشي حلو ومتابع لكن باين كدة اني وقعت في واحد من الثقوب السودا لحد ما فقدت
الزمن كله ههههno_1 فقلت اشكرك وارد عليك قبل ما افقد الوعي .....
بس بجد معلومات ممتازة واجمل ما فيها الطريقة المبسطة اللي اتقدمت بيها
الف الف شكر وتسلم الاياديyes
توقيع :Galal Hasanin
Mr. Galal Hasanin

Expert Teacher of English Language
El-Malek El-Kamel High School
Mansoura Secondary School for Girls
Mansoura
01004004263


27-11-2012 02:34 مساء
مشاهدة مشاركة منفردة [3]
MNS
menu_open
مرشح للاشراف
rating
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس : ذكر
تاريخ الميلاد : 25-1-1994
يتابعهم : 0
يتابعونه : 0
قوة السمعة : 244
 offline 
look/images/icons/i1.gif الثقب الأسود والثقب الأبيض
شكرا تغريد ومستر ليدر على الردود smile
وشرف لى أن الموضوع يعجبكم smile

توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day


07-12-2012 05:03 مساء
مشاهدة مشاركة منفردة [4]
rose
menu_open عضوية موثقة
شخصية هامة
rating
معلومات الكاتب ▼
تاريخ الإنضمام : 2008-08-27
رقم العضوية : 8
المشاركات : 3082
الدولة : Egypt
الجنس : أنثى
الدعوات : 2
يتابعهم : 0
يتابعونه : 0
قوة السمعة : 929
التعليم : ابتدائي
الهواية : شعر
 offline 
look/images/icons/i1.gif الثقب الأسود والثقب الأبيض
محمددددددددددددددد الموضوع اكتر من رائعععععع بجد ممتاز 
و اسلوبك حقيقي ممتاز ...تنفع دكتور جامعة مشهور ....مش بعيد نلاقي حصلت زويل باسلوبك و فهمك و تبسيطك للامور بالشكل ده
اما بقي بالنسبة للانتقال بالزمن فانا كنت متابعة معاك بس زي الليدر كده تهت في ثقب اسود صغنن كده في الاخر biggrin2 biggrin2 ....لا الفكرة نفسها صعب الواحد يستوعبها و يتخليها ...بس مش بعيد تحصل طفرة و تون مش مجرد نظريات و لكن تتحول لحقيقة ملموسة فعلا مين عارف ....
و شكرا اي محمد علىا الموضوع smile smile
توقيع :rose
Living in the past causes you to miss out on the present. Life is too short to let it pass you by.


07-12-2012 07:50 مساء
مشاهدة مشاركة منفردة [5]
MNS
menu_open
مرشح للاشراف
rating
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس : ذكر
تاريخ الميلاد : 25-1-1994
يتابعهم : 0
يتابعونه : 0
قوة السمعة : 244
 offline 
look/images/icons/i1.gif الثقب الأسود والثقب الأبيض
شكرا روز على الرد الجميل ده وبجد الرد ده شرف كبير ليه وده تعويض جهدى فى كتابه الموضوع biggrin2 biggrin2 
والحمد لله أن الموضوع عجبك
وان شاء الله كل شويه العلم بيتطور والعلماء بيفكروا يارب فى مصر يبقى فى نهضه علميه شويه ونبتدى نتطور smile
شكرا جدا روز على الرد الجميل smile

توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day




الكلمات الدلالية
الثقب ، الأسود ، والثقب ، الأبيض ،


 







الساعة الآن 02:23 صباحا


وسوم المنتدى