أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





اشهر جمل بيقولوها الاب والام فى مصر

[IMG]http://i128.photobucket.com/albums/p165/3ola4/dividers/flowers/df1.gif[/IMG] * امشى جاتك مشش فى ركبك . * جتها ..



04-10-2008 08:46 مساء





align="center">
df1

* امشى جاتك مشش فى ركبك .


* جتها نيلة الى عايزة خلف تيجى تتفرج .


*ذاكر ياموكوس مش فالح غير فى الهيافه والكلام الفاضى.


* ربنا يرزقك بعيل يوريك اللي ورتهوني.


* هات كيس عيش وانت راجع.


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك .


* وطي المدعوق ده شويه .


* انت فاكرنا نايمين على ودانا ؟


*لما ما ترضاش تاكل في البيت:طبعا مانت اتعودت علي اكل بره .


*ياريتك تحفظ دروسك زى مانت حافظ الاغانى.


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انتى كل يوم تصاحبي واحدة جديدة ؟.


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* المسلسل مش هينفعك ...قوم .


*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لمـا يــــــخدك .


* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي سدرك ودخل التيشرت في بنطلون البيجامه وانته نايم .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط .


* احمد ربنا الاكل الى مش عجبك ده فى ناس مش لقينه .


* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.


* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )


df1

عزيزي القارئ ضع رداً لنعرف هل نحن علي صواب أم خطأ
ونرجو الابلاغ عن أي رابط لا يعمل


ربما يعجبك هذا أيضا


04-10-2008 11:57 مساء
مشاهدة مشاركة منفردة [1]
NOVY
مميز
rating
معلومات الكاتب ▼
تاريخ الإنضمام : 2008-09-26
رقم العضوية : 229
المشاركات : 99
الجنس : أنثى
قوة السمعة : 0
 offline 
look/images/icons/king.gif اشهر جمل بيقولوها الاب والام فى مصر
ظريفة جدا يا نونا و الله كلام يموت من الضحك بس افتكريه علشان لما تكبري متقوليش لاطفالك كده laugh laugh


05-10-2008 12:07 صباحا
مشاهدة مشاركة منفردة [2]
محمد الحصري
مرشح للاشراف
rating
معلومات الكاتب ▼
تاريخ الإنضمام : 2008-09-16
رقم العضوية : 72
المشاركات : 2077
الدولة : مصر
الجنس : ذكر
قوة السمعة : 220
 offline 
look/images/icons/tooth.gif اشهر جمل بيقولوها الاب والام فى مصر
انا بيتقلي 7 حاجات بس من دول
مش هقولهوملك
توقيع :محمد الحصري
30196


05-10-2008 01:17 مساء
مشاهدة مشاركة منفردة [3]
MNS
مرشح للاشراف
rating
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس : ذكر
تاريخ الميلاد : 25-1-1994
قوة السمعة : 244
 offline 
look/images/icons/cry.gif اشهر جمل بيقولوها الاب والام فى مصر
معلش يامحمد انا كان بيتقالى 9دلوقتى بيتقالى 5
توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day


05-10-2008 03:46 مساء
مشاهدة مشاركة منفردة [4]
nonna
مرشح للاشراف
rating
معلومات الكاتب ▼
تاريخ الإنضمام : 2008-08-27
رقم العضوية : 5
المشاركات : 2138
الجنس : أنثى
الدعوات : 1
قوة السمعة : 37
 offline 
look/images/icons/i1.gif اشهر جمل بيقولوها الاب والام فى مصر
مش عارفه ليه انا مخمنه الحاجات اللى بتتقال ليك يامحمد وشكرا ليكم جميعا على المرور اللى شرفنى


08-10-2008 01:50 مساء
مشاهدة مشاركة منفردة [5]
عيد
فعال
rating
معلومات الكاتب ▼
تاريخ الإنضمام : 2008-10-05
رقم العضوية : 324
المشاركات : 47
الدولة : السعوديه
الجنس : ذكر
الدعوات : 1
قوة السمعة : 0
 offline 
look/images/icons/i1.gif اشهر جمل بيقولوها الاب والام فى مصر
يعطيكي العافيه على المشاركه المتمزه
(أوعا حد يضحك عليك ويقولك جرب السيجارة دي) صراحه الجمله هذي رهيبه




الكلمات الدلالية
لا يوجد كلمات دلالية ..


 







الساعة الآن 11:51 مساء


وسوم المنتدى