انا شايفه ان البنت عادى تدخل النت بس على حاجات مسموح بيها
زى ما الولد بيدخل ماحدش بيقولوه لا فطبعا البنت الى كويسه بيبان عليها حتى لو فى كتابتها
و البنت التانيه برضه بيبان
فليه نمنع البنت اذا استخدمت النت استخدام صحيح ؟

انت مع او ضدد نظام التعليم فى مصر ؟؟؟

أنا هجاوب على سئوال شيماء وسئول منى أذا سمحتم لى

أولا ايه المقصود بفتاة النت أو الفتاة التى تمارس الدخول على النت أو باى معنى آخر أنتم تريدونه

انا هتكلم بالعمية النهاردة أحنا عندنا منتدى محترم زى كويك لوك أيه المانع أن البنات يدخلوا فيه ويعرفوا

كل ما هو مفيد . أيه المانع أن البنت تدخلى على موقع جوجل علشان عاوزه تعمل بحث أو دراسة مثلا

وتدخل تدور فى المواقع والمنتديات أيه المشكلة أنا البنت تدخل عالم الأنتر نت من أساسة يعنى هى

فين المشكلة . ولكنى أنا ضدد البنت التى تدخل النتى كى تعبث بقلوب الأخرين وأن تسمح لنفسها أن

تدخل على كل ما ينهى عنه الأسلام وعادتنا وتقاليدنا . فكم من بنات كثيرات قد دمروا بسبب النت وكم

من متزوجات خرب بيوتهن بسبب علاقات محرمة عن طريق النت ولا أختص فقط البنات بل الشباب والرجال

أيضا. نرجع ونئول أنت أمام الخير والشر وبأيدك تختار أيهم أصلح

أما بالنسبة لسؤال منى عن التعليم فى مصر

واللهى يا منى أنا لست من يحكم على التعليم فى مصر لكن أنا لو تحدثت فسوف أتحدث عن الجامعات

فقط لأن دى آخر عهدى بالتعليم فاأنا مع الأنضباط وضدد التسيب

مع الحزم من الساده الدكاترة وضدد الا مبلاة

مع شؤن الطلاب فى بحث حالة الطالب وضد تأخير الباحث الأجتماعى عن تقديم التقرير

أنا مع أدارة الجامعة لتوفير مناخ جيد فى المعامل والمكتابات وضد الجهله الذين يمنعون الطلاب من

ممارسة أقل حقوقهم

ضدد أضهاد الدكتور لبعض الطلبة الممتازين

أما سؤالى فهو هل أنت مع ( البردعى ) لترشيح نفسة لرئاسة الجمهورية أم ضددها ؟

انا ضد ان البرادعي يرشح نفس
1/اول حاجة لانة راجل علم "عالم" وليس رجل سياسة بمعني انة لايتمتع بمكر ودهاء وذكاء السياسي
2/هو راجل كرس معظم حياة في اتجاة العلم بعيد عن وطنة ......حتي لو هنقول هو هيكون قريب من البسطاء ...معتقدش ان هيقدر يفهم الناس بقت ماشية ازاي



في النهاية دي حريتة الشخصية ودا اختيارة

أنا مع الدكتور العظيم البرادعى
هى مصر فعلا محتاجه لتغيير بس فى اولا حاجات لازم تتغير يعنى الئيس حسنى مبارك طبعا اكيد خايف يسيب الحكم علشان هيتعاقب وليه مخالفات كتير فلازم نطمن له حمايه وامان برضه وممكن انه يسافر لخارج مصر من اجل الحمايه بالنسبه له.والمسامحه على كل أخطائه .

احنا لازم نجرب العلم برضه فى الرئاسه وانا ضد ان مثلا واحد داخل كليه بمجموع غيرجيد يصبح رئيس اكيد مبيبقاش عنده فكر جيد احنا محتاجيين الاذكياء ونجرب مره العلم

سياسه الرئيس خلاص احنا شفناها ومش عاجبه الشعب المصرى ليه منغريش ولو مره بقى فى حياتنا؟؟

انا اهو قربت يبقى عندى 24 سنه لسه مخلص طب السنه دى مشوفتش رئيس غير حسنى مبارك
المشكله برضه ان البرادعى ازاى هيترشح الاول؟هو لسه مش فى حزب سياسى وغلط ان الواحد يتكلم بدون اساس اصلا.المفروض فى خطه معينه ليه بس ياترى فى ولا لا وهو مش عايز يعرف حد عليها ليها ليه لو فى؟


من الصعب ان البرادعى يوصل لقلوب الشعب المصرى لان معظم الشعب المصرى فقير مش كافى بالثقافه اذا هو مثلا اترشح ممكن الفقير بجهل وخوف من لا شىء يرشحه وخلاص دى مشكله شعب مصرى مش عارف يحدد هو عايز ايه ولا مين وجميع الاغنياء هيؤدوه علشان ضامنين انه مش هيؤذى ولا يضر حد منهم
الطبقه المتوسطه فقط اللى هتؤيد البرادعى.

مصر محتاجه اصلاح والاصلاح من شعب وحكومه مش حكومه بس ولا شعب بس فى مصر مفيش اى استقرار ولا نظام تعليم غير جيد مستشفيات رديئه .

معودين الشعب انه ميتكلمش عن حكومه واذا يتكلم يمدح وخلاص بدون اى علم

فى شخصيا لامعه بجد مصر بتقضى عليهم الواحد لازم يكون غير متعلم علشان يرضوا عنه ولا ايه؟
فى علماء لسه برضه فى مصر مش عارفيين يظهروا ممكن يسافروا للخارج يشتهروا .
هو ده هدف مصر القضاء على العلماء.

الطفل المصرى ثانى اذكى طفل فى العالم من رايى بعد لما بيتولد ويشوف عوامل التعريه من ردائه التعليم والمستشفيات .
والدى رحمه الله عليه توفى بسبب مرض الله يحمى الجميع دكتور قال يعمل عمليه وهو كان مريض جدا غير مسموح انه يعمل اى عمليه لانه للاسف كان الدكتور مكسوف يقولنا ان هو هيتوفى بعد 6 او 7 ايام وعمل العمليه لوالدى وخلاص اصيب بنزيف بعد العمليه وكان بالغرفه بتاعته فى المستشفى عادى بعد ما توجهت للممرضه كانت الساعه 6 الفجر راحت تجيب شاش وكلام من ده قولتلها هو الدكتور فين راحت تتصل عليه وصل الساعه 7 ونصف المستشفى بعد ما والدى رحمه الله عليه توفى الساعه 7 .
دكتور جه معملش اى حاجه حاولت اقابله بعدها اخد فلوس علشان العمليه وبهدل والدى علشان مجرد فلوس ورحت للعياده له الممرض قال فوت بكره هو مش فاضى اليوم سيبته نهائيا بس ربنا مش هيرحمه.
كل ده بسبب ردائه المستشفيات دكاتره بلا قلب فعلا .
المدارس مفيش اساتذه كويسين التلميذ يروح المدرسه يسمع الفاظ غير جيده وهى وزاره التربيه والتعليم.

اشكر كل من دخل الموضوع وتكلم بصراحة وفتح قلبه وعبر عما يجول بخاطره
وأول خطوة لتغيير أي شعب أن الفرد يعبر عن نفسه وآرائه وعلي الآخرين أن يحترموا وجهة نظره ..

بالنسبة لترشيح الدكتور البرادعي للرئاسة وهو رجل متمكن في مجاله العلمي فله الحق في ذلك من خلال القنوات الدستورية للدولة ... الرجل انا لا أعرفه عن قرب ولكن تساؤلي لماذا لم تزال الاسلحة النووية والمفاعلات في اسرائيل في عهد ادارته للمنظمة الدولية؟ وهذا مجرد تساؤل ....

أما بالنسبة للتغيير فهو مطلوب جدا حتي نصل الي الاصلاح...
وبمناسبة التغيير ضرورة لي موضوع سابق ارجو الاطلاع عليه .....

https://www.quicklook4u.com/vb/t2343-عجبي.html