الفضل لله أولاً و آخراً و شكراً جزيلاً على الصورة الجميلة دى يا منة و الحمد لله انى قدرت أحل المشكلة

شكرا لحضرتك بجد الموضوع حلو جدا ومفيد

وانا عندى مشكله
الجهاز عندى تقييييل وبطيئ جداا
اعمل ايه؟؟؟

المشكلة دى بتواجه كل مستخدم حاسب آلى يا شيماء و دى نتيجة حاجات كتير
1- وجود فيروس على الكمبيوتر
2- عدم وجود مساحة كافية على السى وده ممكن يسبب بطء الجهاز
3- مواصفات الجهاز نفسه عايزة تتحدث زى تزويد الرامات مثلاً
4- استخدام نسخة الويندوز لفترة طويلة تمتد لأشهر مثلاً و حلها تغيير نسخة الويندوز وده أفضل حل لعلاج مشكلة البطء والتقل فى الجهاز
5- مروحة البروسيسور ممكن تكون بطيئة و مش بتلف بالسرعة الكافية لتبريد البروسيسور فتبطء الجهاز

يا ترى انتى بقا مشكلتك انهى فى دول يا شيماء ؟؟؟؟

وجود فيروس على الكمبيوتر

لا معتقدش كل شويه بعمل سكان


2- عدم وجود مساحة كافية على السى وده ممكن يسبب بطء الجهاز
لا فى مساحة كبيرة فاضيه
3- مواصفات الجهاز نفسه عايزة تتحدث زى تزويد الرامات مثلاً
مش عارفة
اعرف ازاى؟

4- استخدام نسخة الويندوز لفترة طويلة تمتد لأشهر مثلاً و حلها تغيير نسخة الويندوز وده أفضل حل لعلاج مشكلة البطء والتقل فى الجهاز
لا
لاننا كل شويه بنغير الويندوز
يعنى اخر مرة ممكن تكون من شهر
5- مروحة البروسيسور ممكن تكون بطيئة و مش بتلف بالسرعة الكافية لتبريد البروسيسور فتبطء الجهاز
لا
شغاله كويس

اضغطى بزر الماوس اليمين على ماى كمبيوتر و اختارى بروبيرتيز

my computer >> right click >> properties

هيظهر لك شاشة فيها مواصفات جهازك زى اللى فى الصورة و شوفى الرامات عندك اد ايه