اكتر حاجة مخوفانى ان الجماعات دي بتستخدم الدين للسيطرة على الناس و للاسف الجهل بيكون السبب الاول في ان الناس تخاف تغضب ربها و تعمل اللي بينصحوهم بيه و ده اللي ممكن يحصل في كل الانتخابات الجاية و حتى الرئاسية و دي تكون الكارثة بعينها
انا مش مع فكرة السلفية ومش شايفة ان لها علاقة بالدين لاني بشوفها مجرد مظاهر في محاولة للتشبه بالصحابة و نسيوا الجوهر و ان ده اساس الاسلام اللي بجد
مش قادرين يفهموا ان الاسلام مش عباءة قصيرة و شروال ابيض واسع و لحية كثيفة و طقية ...الاسلام اعمق من كده كتيييير اوي
انا مش هعمل زي المتبرجات و المتحررين الي حد التطرف الفكري و اقول و البس اللي انا عايزاه بحجة انى جوايا كويس ...لا الاتنين مهمين المظهر و الجوهر لكن التستر في المظهر و حسن الكلام لاخفاء ما يحتويه ما في ضمير الانسان فدي المشكلة اللي السلفيين واقعين فيها
و يعدين لو هما حابين يقربوا من ربنا بمفهومهم ده فتمام مع ربنا محدش له حق التدخل لكن السؤال الاهم ليه السياسة و ليه الظهور المفاجئ هما مش حاسيين انهم غير مرغوب فيهم رغم كل ده !!!!!!!!!!!!!
ربنا يستر و شكرا على الموضوع و طرح الفكرة المميزة و يجعل اللي فيه الخير لصالح بلدنا