شكرا يا عماد على الموضوع الجميل و الخطير جدااا
بالنسبة لي انا مش بحب اجزم على حاجة في المستقبل لانى بساطة مش عارفة الظروف ساعتها و تفكيري نفسه هيكون ازاى
لكن بالنسبة للوضع الحالى فانا مفتكرش ابدا انى اقبل اكون زوجة تانية و لا يكون ليا زوج متزوج باخري و لكن كمان محبش لو كنت غير متزوجة انى اكون عالة على حد او انى اسمع شفقة او اسمع كلام يسيئ لي لمجرد عدم الزواج و لكده لازم اكون ناجحة جدا في دراستى و كمان عملي و موضوع عدم الزواج او تأخره تكون مشكلة و تتحول لخوف و عدم ثقة في النفس
و كلمة عانس اعتقد انها ابتدت تقل نظرا للتغريات الجذرية في كتير من حياتنا فالبنت دلوقتى معدتش زي زمان انها لازم تتجوز من خامسة ابتدائي و لو اتاخرت عن كده تبقي مشكلة و يتبص لها بطريقة مش حلوة
بالعكس دلوقتى في ناس كتير بيأجلوا فكرة الارتباط لبعد التعليم و النجاح في الدراسة و احيانا النجاح في العمل كمان
و مرة تانية شكرا يا عماد على طرحك للمناقشة الممتعة دي و منتظرين رأي باقي الاعضاء و رايك انتى شخصيا