السلام عليكم و رحمة الله و بركاته اولا احب ان اعتذر عن التأخير لكن كان عندي امتحان مهم بالكليه
اما بالحديث عن نفسي فانا طالبه بكليه السياحة و الفنادق قسم دراسات سياحية و هي كلية رائعة و القسم بتاعي بجد انا بحبه جدااا و هو مسئول عن توعية الطلاب بجميع مجالات السياحة و يمثل وجهة مصر امام جميع دول العالم و بيدرس كمان تاريخ مصر و السياحة على مستو ي العالم و انا بحب اوي اللغة الايطالية فيه و كمان الانجليزية و نفسي فكرة الناس عن الكليه دي تتغير لانها بجد كليه مهمة جدااا دلوقتى لمصر و السياحة دلوقتى بتمثل اكتر من 15% من الاقتصاد القومي للبلد و كمان مجالات الكليه دي كتيرة جدا
و كنت قبل الكلية في مدرسة العائلة المقدسة و كنت بدرس اللغة الفرنسية اضافة للمواد الاساسية و المدرسة دي بجد كانت من احلي المدارس اللي انا شفتها او سمعت عنها في حياتى كلها و بعد كده انتقلت لمدرسة الثانوية بنات
اما على الصعيد الاسري فانا اكبر اخواتى و ليا اختين و انا بعتبر اسرتى هم اصدقائي المفضلين ليا و دايما بحب اشكي لهم اي حاجة ممكن تكون مضايقانى و بجد انا الحمد لله ربنا رزقنى بام و اب رائعين جدا و انا هفضل طول حياتى ادين لهم بالكثير و ربنا يقدرنى و اسعددهم دايما ان شاء الله
و كفاية كده دلوقتى و لي عوده ان شاء الله مرة تانية قريبا جدا
...[[ المآيـك بيدك ]]...[[ خاطرك هنآ فأبدعنآ ]]... 
