عجبي عليك يااابن آدم ياكبير الدار
قومت الدنيا وماقعدت لما قالوا حمار
هو اسمي شتيمه ولا جنسي داعــــار
خلقني ربي وخلقك ولا حدش له خيار
وانامهمازادالحمل فوقي صابر ع المشوار
لافي يوم اقول اشمعني اخويا واخد منه تار
ولا يوم ابص لرزق غيري وأطق منه وأغار
ولا ارفع في يوم عيني علي جارتي واصون الجار
ولامهر ادفع لحمارتي ولاشبه وسوار
ولا شقه اجمع في ثمنها ولا اجهز داار
ولا حرمي حامل تتوحم علي الكافيار
ولا بنتي تخرج عن طوعي وتجيب العار
ولا ابني يدمن ويهلوس ويقع ينهار
عايش في حالي متهني وليه افكار
باكل وبشرب وبنهق ومفيش اسرار
وعندي ابن آدم يخدمني ليل ونهااار
ان جعت يشتري برسيمي باأعلي الاسعار
وفي مرضي يفضل يعالجني ويدعي الستار
خادم امين من غير راتب ولا حتي ايجار
دلوقتي عرفت يااابن آآآآآآآآآآآآآآآآآآآدم
مين فين اللي حماااااااااااااار؟؟؟.....