***جرح يتكرر و ألم يتبع و حزن لا ينتهي و عامل واحد مشترك هو حب لا ينضب****
صدقتهم
ليه اخترت الفراق لما اديتك كل الأمان
لما اتعاهدنا نفضل سوا طول الزمان
لما اتواعدنا بحبنا نهزم خوفنا و ضعفنا
نكسر ألمنا و همنا نفرح سوا و نحزن سوا
و في الجنة يجمعنا ربنا
**************************
******************
فاكر لما قلت أنا مش زيهم
عمري مهصدق كدبهم
هفضل جمبك و بحناني هتنسى جرحهم
هتفكر في حبي و مش هتفتكر تاني حقدهم
**************************
******************
طب فاكر لما قلتلك انت بس اللي بقيت هنا
انت كل عمري و الأمل اللي بعتهولي ربنا
رديت عليا و قلتلي انسى اللي فات بكره ده من حقنا
هنفضل سوا و بالحب هنكمل حلمنا
بنبنا الحلم و انتظرنا الفرحة اللي هتجمعنا كلنا
**************************
******************
بس صحيت على كلمة منك قلتلي
ابعد بعيد دنتا ياما خدعتني
صدقتهم و في لحظة رحت و كدبتني
صدقتهم و مهانش عليك لا فراقي و لا دمعتي
**************************
******************
قبل متهد اللي بينا كنت قولي انتا ظلمتني ؟؟
كنت عاتبني قبل متحكم و تقول ليه خنتني
كنت تفكر ليه هجرح أغلى حد في دنيتي
ليه هضيع من ايديا اللي ياما فرج كربتي
**************************
******************
كنت افتكرلي اي حاجه مش تنكر كل اللي كان
كنت جرب تسمع اكتر حد حبك و شاف فيك كل الحنان
ليه على قلبه و تأسى و تختارله الهجر و الحرمان
خايف في يوم تعرف ان جرح الحب غالي عمر مينسيه الزمان