ليه الدكاتره بيلبسوا اخضر في العمليات فى جميع أنحاء العالم ؟!!! يعنى ليه مثلا مش أبيض ولا أحمر ولا إسود ؟؟!!1 ليه الأخضر بالذات !!!
كان الدكاتره متعودين زمان يلبسوا أبيض لإنه بيعتبر لون النظافه ولذلك تلاقى الممرضين كلهم بيلبسوا أبيض دليل على نضافتهم
لكن بدأوا في أوائل القرن العشرين التحول من اللبس الأبيض للأخضر أو الأزرق وذلك بعد ظهور مقالات وأبحاث من أطباء نفسيين متخصصين في الألوان عن إن اللونين الازرق والأخضر بيقوموا بعمل مهم جدا وبخاصة اللون الاخضر
ايه هى الحاجات اللى بيقوموا بيها اللونبن دوول بقى ؟؟!!!
1 - بيجدد نظر ورؤية الدكتور من اللون الأحمر "اللى هو لون الدم " لإن الدكتور من كتر ما هو بيشوف على طول اللون الأحمر والبمبى احساس المخ بيهم بيضعف وبيهملهم وبيبقى صعب عليه يميز التفاصيل البسيطه من كتر النظر فاللون الاخضر هو عكس اللون الاحمر في عجله الالوان فلما يبص على أخضر أو أرزق من وقت للتاني بيجدد الرؤية من تانى فبيعيد إحساسه بالألوان
2 - الحاجة التانيه هى .....لما تكرر النظر للون الأحمر كتيير أوى وتيجي تبص على الأبيض يحصل حاجه اسمها اشباح الألوان الخضرا وده يشبه اللي بيحصل لما تركز على نقطه بعد الفلاش .