منتديات كويك لووك
(نسخة قابلة للطباعة من الموضوع)
https://www.quicklook4u.com/vb/t19255
أنقر هنا لمشاهدة الموضوع بهيئته الأصلية

اغلب الشعب المصري مريض نفسيا و بالادلة ؟؟ ..
Mona Galal 20-07-2014 09:34 صباحاً
اغلب الشعب المصري مريض نفسيا و بالادلة ؟؟ ..

large


انت متعرفيش ان فى نسبة كبييييرة جدا من الشعب المصرى مرضى نفسيين بس بتختلف قوة المرض من شخص للتانى ..تحبى أقولك أمثلة توضحلك انتشار الأمراض النفسية فى المجتمع ده ؟
كام واحد عرفته فى الشغل أو فى الحياة بصفة عامة بيتعامل معاك بطريقة وحشة كده من غير أى سبب وماتعدلش معاك غير لما قليت أدبك عليه و "ورتيه العين الحمرا" ..فكرى كده فى النسبة وقوليلى
كام واحد بيضحك على بنات الناس واحدة ورا التانية وبعد ما ياخد منها اللى هو عايزه يبقى عايز يسيبها (قال ايه علشان فرطت فى نفسها) !! طب مانت نفسك متأكد انها أول مرة بما انك اتجاوزت الحدود معاها وعارف كويس !!! شوف برضه النسبة من الناس دى كام
كام بنت بتعيش دور الانسانة المحترمة الكويسة وهى أصلا خارباها ومقضياها بالطول والعرض
كام أب بيدخل بيته ينزل ضرب فى أولاده من غير سبب لمجرد بس ان حد ضايقه فى الشغل مثلا
كام أم بتتحكم فى حياة أولادها ولاغية شخصيتهم خالص ومش عايزاهم يستقلوا بحياتهم ويبقوا بنى أدمين ( يستقلوا بحياتهم ويعتمدوا على نفسهم مش يقاطعوها علشان الناس متتلككش وتفسر كلامى غلط)
بص الأمثال كتيير والبوست ميكفيش أصلا ..والمشكلة ان الشعب المصرى ملوش فى حوار العلاج النفسى ده زى باقى الشعوب المتحضرة ..يعنى المريض بيفضل مريض ومبيتعالجش ويمكن حالته بتزيد كمان ..فياريت وبقولها تانى منحكمش على حد وخلاص من غير ما نعرف ظروفه
منتديات كويك لووك

Copyright © 2009-2024 PBBoard® Solutions. All Rights Reserved