نقلا عن احد شهود العيان على الحادث
موضوع سميراميس بدأ فجأة بدون اي انذار
واقفين عادي و كلنا ايد واحدة ضد الشرطة و مدرعتين مبهدلنا ضرب غاز و مش شايفين حاجة قدامنا
فجأة لقينا ناس كتير اوي بتهجم علي باب الفندق الرئيسي و و بتحاول تكسره و تقتحمه
حاولنا نخش و نهديهم لقينا معاهم اسلحة بأنواع كتير من فرد حي لصوت لمطاوي و سكاكين و راسهم و الف سيف تخش الفندق
مبقاش فيه اي حل غير ان احنا و الشرطة نتوحد و نبقي في صف واحد (للأسف) ضد العيال دي و فعلاً حصل
انا و و كام واحد كمان خدنا مبادرة و رفعنا ايدينا و روحنا نتفاوض معاهم عند المدرعات لأن الشرطة كانت خايفة تهجم في الاول
كانوا فاهمين ان ده كمين و خطة احنا عملينها عشان نستولي علي المدرعات.. المهم وصلنا لاتفاق بس طبعاً الشرطة كالمعتاد حركتها بسنة
فضلوا واقفين و فيه تردد بالهجوم ولا يفضلوا يتفرجوا علي اللي بيحصل و خلاص؟ المهم فعلاً مدرعة من اتنين قربت و ضربت ٥ قنابل
متواصل علي مدخل الفندق و الناس كلها جريت علي كوبري قصر النيل .. و بعد ٥ دقايق الناس كلها رجعت تاني علي الفندق ولا كأن حاجة حصلت
مدرعة قربت تاني و الضابط فضل ينبه في المايك بتاع المدرعة ان احنا نرجع ورا عشان يقتحم الفندق بالمدرعة
رجعنا كلنا ورا و المدرعة قربت و ضربت تاني بغباوة و فرقت الناس و قررنا ان احنا هنقف علي مخرج الفندق نستني الحرامية
و اي واحد بيطلع شايل اي حاجة مُتعلقة بالفندق يا اما بيتضرب يا اما بناخدها بكل ذوق و ادب و بنسلمها للشرطة
المسروقات كانت مليون حاجة زي مثلاً محل موباكو في الدور الارضي .. البار كله .. اجهزة الكمبيوتر الشاشات و الهارد ديسك
المتظاهرون يحبطون محاولة سرقة فندق سيمراميس من قبل مجهولين: قام عشرات المتظاهرين بالتصدى لمحاولات اقتحام فندق سميراميس