السلام عليكم ورحمة الله وبركاته،،
كريب بالفراخ
الاول نجيب البانية ونتبله ببصل وبهارات ـ انا بتبه ببصل عشان ياخد الطعم وارمى البصل نفسه
انما ممكن تقطع البصل عليه مع الطماطم والفلفل زى ماهنشوف دلواقتى ـ
وبعدين نقطعه بالعرض
ونقطع الطماطم والفلفل شرائح
ونشوح توم ع النار لغاية اما ريحته تطلع مش لازم يصفر
وننزل بالفراخ
وع طول بعدها الفلفل
ونحط ملح وفلفل اسود وزعتر
لغاية اما تستوى ونسبهم ع جنب
الكريب بقا
نجيب 1.5 كوب دقيق
1.5 كوب لبن
3 بيضات
ملح وفلفل اسود
نخلط البيض واللبن والملح والفلفل كويس
وننزل بالدقيق حبة حبة مع التقليب المستمر عشان مايكلكعش
وده قوامه
نجيب طاسة تيفال ولازم تيفال ونحط نقطة زيت ولما تسخن اوووى ننزل بكبشة من الخليط هتتفرض ع الطاسة كدا
ونوطى النار ولما يتحمر الوش ده نقلبه ع النحية التانية
ونطلعها
ونقطع نصف قطر منها بالسكية بحيث تبقى كدا
ونحط الفراخ
وعليها مسطردة
وكمان طحينة معمولة مش خام
ونلف كدا
وكمان كدا
واديها لفة تانى
واوك
ونحطها فى صينية ونسخنها فى الفرن عشان اكيد هتكون بردت على ما نعمل الكمية كلها
وبألف هنا
ملحوظة ال كوب ونص عمل 8 كريبات