منتديات كويك لووك
(نسخة قابلة للطباعة من الموضوع)
https://www.quicklook4u.com/vb/t13809
أنقر هنا لمشاهدة الموضوع بهيئته الأصلية

الوداع
Galal Hasanin 07-12-2011 12:04 صباحاً
[frame=2]ضحك الزمان قال اللسان
حبيته
غاب القمر وطريق الحب
ضليته
والابتسام أصبح آلام
وف بعدنا تاه الكلام
سمعت قلبي بيناديني
زي الغريق
شقيت بحوري ورحت له
ملقيت طريق
حكم الزمان ع الحب يبقي
بعد النعيم بالهجر يشقي
بصيت لايامنا اللي فاتت
لقيتها جنة طيف وكلام
زي وردة ف جنة حلوة
ترويها دموع وشجن وآلام
والحقيقة اللي ف حياتي
إن اليوم بجمع آهاتي
صدقيني ف حبك انتي
حكيت ورويت
وف لون خدودك
تنقري أجمل حواديت
بس مكتوب ينجرح قلب الحزين
والدموع تاخد نصيبها من العنين
شجرتنا اللي نسيتيها
شكتنا للبستان
لقيت الذكري فيها
بهمسة شوق وحنان
لقيتها دبلانة
للحب عطشانة
والشمس عليها طالة
وهي سرحانة
حملت قلبي بين ايدية
وطرت بيه فوق السحاب
ينسي اللي فات
يرمي الآهات
وينسي ذكري لحب غاب
متقوليش يا حبيبي ...عود
ياما خلفتي ف حبي وعود
قلتي غلطة وقلبي صغير
غلطة خلت عمري اتغير
.............................
وداع
جلال حسانين

[/frame]
منتديات كويك لووك

Copyright © 2009-2024 PBBoard® Solutions. All Rights Reserved