منتديات كويك لووك
(نسخة قابلة للطباعة من الموضوع)
https://www.quicklook4u.com/vb/t13211
أنقر هنا لمشاهدة الموضوع بهيئته الأصلية

اصل الحكايه
mohoomed 28-08-2011 07:44 صباحاً
البدايه كنتعارف ان في عنيكي النهايه
كنت شايفك بدموع عنيكي بتغزلي توب الحكايه
ولما قلتي انك حبيتي
وانك قبلي ياما قاسيتي
كنت عارف انه فصل من الروايه
كلام مكتوب
ملهشي اي غايه
كنت عارف كل ده
كنت سامع في قلبي الندا
حازر من العيون
دا الموت تحت الجفون
وبرضه كملت الحكايه

نصحوني لو عشقتك هاعشق هوا
هاعشق جماد ملهوشِ شعور
هاعشق ورده في شكلها
وجوا منها جبال وصخور
قولت وماله
دالفراش مهما اتحرق
برضه بيحب النور
قالولي اني مهما مشيت في سكتك
هارجع لنقطة البدايه
وبرضه عاندت
وكملت الحكايه
قوليلي ليه دايما بنعشق جرحنا
ليه لو فرحنا نخاف ونهرب علي حزننا
ليه لو رسمنا الورد بنلونه بدمعنا
ليه في اخر المشوار بنخنق حلمنا
جاوبيني
مش عارفه ليه ؟؟
ولا حتا انا
بس اللي عارفه نهايتي
نهاية كل العشاق
وهازيد عليهم ايه
لكن
طول ما الامل موجود
طول ما عنيكي فيها طيف اشتياق
هاخدع في نفسي
واكمل الحكايه
حكاية موتي اللي مرسومه في عنيكي




منتديات كويك لووك

Copyright © 2009-2024 PBBoard® Solutions. All Rights Reserved