الصدر ضــــايق....
الصدر ضايق .. والجفن .. سد عالي
................. يحبس وراه اسرار.. واحزان .. و ادموع
أجلس مع اخواني .. و كنَي لحالي
................. أتصنًع البسمات.. و القلب موجوع
وانا كذا..!! من سبعة أيام حالي
................. من بعد ذاك اللي هجرته من اسبوع
له اربع اسنينٍ و هو رآس مالي
................. ويمشي معي دايم على السمع .. و الطوع
يا كان يعشقني و يعشق ظلالي
................. وهو في موق العين و القلب مطبوع
أذكر .. مواقف بيننا .. في خيالي !!
................. ثم آتبسًم .. و أكتم الدمع .. و اللوع
مليت .. من تمثيل .. دور المثالي
................. اللي يشوف الشوق .. و الحب .. ممنوع
يااااا خوي انا ما نيب .. رجًال آلي
................. هيكل من الفولاذ و الصلب مصنوع!
صحيح اكابر.. لو الاحزان فالي
................. و أتظاهر الشًبعه.. وانا ميتٍ جوع
لكن.. اذا حنٍيت لانسان غالي
................. طبعآ..... بحس بحالة الضيق و الروع
تبغى الحقيقة عاد ؟؟.. ما كنت ابالي
................. كنت احسب انه يشبه الغير فالنوع
ويوم ان فقدته قلت.. شـللي جرا لي ؟؟
................. وصار القلب يخفقَ وبصوت مسموع
و شفت الليالي غير .. ذيك الليالي
................. شفت المجرًة .. لكن البدر .. منزوع !!
أحيان .. أعزز في لقاه إحتمالي..
................. و أحيان .... احس ان الامل صار مقطوع
منقول مع التعديل
منقول مع التعديل