logo

أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .






look/images/icons/i1.gif برنامج الدين والحياة - الشيخ رمضان عبد المعز - حلقة الاحد20141
  11-03-2014 02:11 مساءً  
معلومات الكاتب ▼
تاريخ الإنضمام : 2008-08-27
رقم العضوية : 1
المشاركات : 12108
الدولة : Egypt
الجنس :
الدعوات : 28
مشاركات مكتبة الميديا: 1033
قوة السمعة : 2896
موقعي : زيارة موقعي
التعليم : جامعي
الهواية : شعر
اشكرك علي الفيديو لانه توعية لكل البنات وانا سمعت القصة بتاعة البنت والف حمد لله علي سلامتها
واحب اضيف كلامها باختصار:
الحكاية انها ركبت تاكسي الساعة 6 وربع المغرب من جامعة الدول رايحة بيتها في مدينة نصر المهم انها تأكدت ان التاكسي مركب نمر لمن مخدتش النمرة وسجلتها. لقت السواق عمل نيو تيرن من جامعة الدول ولما بتسأله ليه لفيت اتحجج لها ان وسط البلد زحمة وهياخد طريق صلاح سالم (ودي كانت اول غلطة انها هاودته). المهم كمل بيها لحد ش السودان وطلع كوبري اول مرة تشوفه أخره في الدائري (ودي كانت تاني غلطة) ودخل بيها تفريعة شمال مكتوب عليها اسكندرية الصحراوي 5 كيلو فالبنت ابتدت تقلق اكتر وهو لاحظ راح واقف ولفلها ورفع عليها مطوة وقالها "بصي ياحلوة انتي تسيبي كل حاجة معاك وتقلعي الدبلة وتنزلي " قعدت البنت تصوت في الاول لكن ولا حياة لمن تنادي وقعد يغزها بالمطوة ويهددها وترجته يسيب لها الموبايل عشان تكلم اهلها فلم يوافق المهم نزلت من العربية من غير ماتشوف لا نوع ولا تمر العربية (ودي كانت الغلطة الثالثة) لقت نفسها في مكان ضلمة واسكت هس ولا عارفة حاجة ... قعدت تصوت وتقول الحقوني لحد لما وقف لها ميكروباص واسواق طلع محترم وكلم بيتها واتفق انها هيركبها مواصلة لحد الجيزة وحد يخودها من هناك وكان في ست طيبة طلعت 15 جنيه كان كل اللي معاها علشان تركب وتروح ...

والدروس المستفادة من الليلة السودة دي علي حد تعبيرها هي :
1- قبل ماتركبي تاكسي اعرفي نمرته كويس ويفضل تبعتي رقمه لحد تعرفيه.
2- لو لقيتي السواق بيغير طريقه انزلي فورا قبل ماتسيبي المكان الزحمة.
3- اول ماتشكي فيه كلمي اول شخص تعرفيه وقوليله انتي فين بالضبط.
4- لو السواق ثبتك بمطوة سيبيله كل حاجة وانزلي
5- خلي معاكي موبايل احتياطي (من النوع القديم حتي).
6- لو لقيتي نفسك في حتة ماتعرفيهاش استنجدي بالناس.
7- دايما يكون معاكي حاجة تدافعي بيها عن نفسك.
8- صورك وفيديوهاتك الشخصية تشيليها من علي موبايلك قبل ماتكوني بطلة الانترنت.
9- في لسة ناس كويسة ممكن تساعدك ادعي ربنا يوقفهملك دايما.
10- خليكي عارفة ان اللي بيخطفك دا جبان فخليكي متماسكة قدامه.

وهي البنت رافعة شعار
احنا دلوقت عايشين في زمن
جريمة لكل مواطن



الساعة الآن 12:45 PM