logo

أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .






look/images/icons/i1.gif من يملك الجرأه يجيبني
  20-09-2008 03:17 مساءً  
معلومات الكاتب ▼
تاريخ الإنضمام : 2008-08-27
رقم العضوية : 5
المشاركات : 2138
الجنس :
الدعوات : 1
قوة السمعة : 37
اللهم ارضى عنا وادخلنا جنتك ياارحم الراحمين
(( لماذا يصعب علينا قول الحقيقة )))
بينما لا يوجد أسهل من قول الباطل؟؟؟؟؟
بقينا بنخاف نقول الحق فى زمن سمته الاساسية النفاق
. . . لماذا نشعر بالنعاس ونحن نصلي . . .
ولكننا نستيقظ فجأة ونشعر بالنشاط فور انتهائنا من الصلاة ؟؟؟؟؟
شيطان بيستغل ضعف قلوبنا وايمانا وبيحاول يشتت تركيزنا عن الصلاة لاننا فيه ناس بتعملها من سبيل تقضية الواجب مش عن اقتناع بالفرض وحب لطاعه الله
لماذا نسهر الليل كل يوم من اجل مباراة في كرة قدم او مشاهدة فيلم او مجالسة صديق
ولا نسهر بقراءة القران او الصلاة
نفس اجابة السؤال اللى تحت بالاضافه الى اننا سبنا قلوبنا ايمانها يضعف
لماذا نستيقظ مبكرا من من اجل العمل
ولا نستيقظ من اجل صلاة الفجر
بقت عاده ومبنلاقيش اغلب الاهالى بيعملوها او بيوجهونا لده والاخطر ان فيه ناس بتبقى سهرانة وسامعه الفجر ومبتقومش تصلى بالعكس حتى مبتسيبش اللى فى ايدها وتردد الاذان
لماذا نخشي مراقبة الناس
و لا نخشي مراقبة الله

علشان بنتصور اننا ربنا هيغفر لينا من غير مانتوب وندعيه وكمان لاننا بنعتقد ان ربنا مش هيعاقبنا فى ساعتها ومش هيفضحنا انما الناس بتفضح(اللهم انى اخشاك فارضى عنى)
لماذا ننفق الاموال الكثيرة للمتع و الرحلات مع انها زائلة
ونبخل بالصدقات علي الفقراء مع انها باقية
هتلاقى اغلب الناس هتقوللك ساعه لقلبك وساعه لربك واللى يعوزه البيت يحرم على الجامع مع ان دى صح بس فى حالة الاساسيات مش الكماليات
. . . لماذا يصعب علينا الكلام عن الله تعالى وأمور الدين . .
ويسهل علينا الكلام عن باقي الأشياء ؟؟؟؟؟
اولا لان اغلبنا معندوش خبرة فى الكلام الدينى وثانيا لان الناس هتلاقى اغلبها بيقوللك ياعم انا مش ناقص وجع دماغ

. . لماذا نقول أننا نحب الله
ونحن نعصيه . . ؟؟ ونقول أننا نكره الشيطان
ونحن مطيعين له ومطأطئين رؤسنا لجنده
حب الله فى قلوبنا امر مفروغ منه كلنا بنحب ربنا انما بنعصيه لاننا ضعاف والشيطان بيغلبنا اللهم قوينا على شياطين الانس والجن



لماذا نحس بالملل عند قراءة مقال . . . ديني
ونشعر بالفضول عند قراءة مقال عن أي شيء آخر ؟؟؟؟؟ مبقيناش بنحب نتامل ونفكر بقينا بنحب نضيع وقت وخلاص

لماذا نمسح الرسائل الإلكترونية . . . التي تتحدث عن الأمور الدينية . . .
ونقوم بإعادة إرسال الرسائل العادية ؟؟؟؟؟ علشان الرسايل الدينية محدش بيقراها وبيمسحوها من قبل مايفتحوها انما الرسايل العادية هتثير الفضول ياترى اللى باعتلى عايزنى فى ايه
لماذا نحب سماع الأغاني بسياراتنا. . . . . . . ؟؟
! ! ! ونكره سماع القرآن فيها . . .
علشان الموضه كده ومحدش بقى عنده استعداد يتقال عليه متخلف ومتشدد واعوذ بالله من التفكير ده
لماذا نرى أن المساجد أصبحت مهجورة
. . . . . وأن المقاهي والإستراحات والملاهي أصبحت عامرة ؟؟؟؟؟
الناس بقت بتحب تضيع وقتها وخلاص واعداء ربنا عرفوا يسيطروا على عقولنا صح بحيث بقينا ببنظر للحاجه المفيده على انها مضرة والعكس مع ان الدين يسر مش عسر وكمان فيه قلة قليلة من الشيوخ واهل الدين غليظة بتنفر الناس

لماذا لا نحب الذي ينصحنا ويريد لنا الجنة. . ! ؟؟؟ ونبتعد عنه
ونحب الذي يقودنا إلى الهلاك ونتقرب منه وإذا فقدناه نبحث عنه ؟؟؟
مش عارفة اجمع كلام فى النقطة دى بالظبط مع ان ليا راى فيها بس هستشهد بمثل شعبى واسفة لان مكانه مش هنا بس زى مابيتقال القط مبيحبش الا خناقه
لماذا نذكر عيوب الناس
وننسى عيوبنا
محدش بيحب يشوف نفسه وحش او فيه عيب وفيه ناس بتعتقد انها لما تركز على عيوب الناس الناس مش هتاخد بالها من عيوبها هى
لماذا نبكي من اغنية صد وهجر ولوعة
ولا نبكي من خشية الله
قلوبنا او بمعنى اصح قلوب معظمنا بقت حجر
لماذا نغضب إذا أنتهكت حرماتنا ولو بكلمة. . ؟؟
! ! ! ولا نغضب من إنتهاكنا لحرمات الله . . . . . . . . ! !


علشان اتعودنا على كده وبينا وبين نفسنا بقينا بنقول اخرتنا ايه مظاهرات وكلام مفيش اسهل منه انما فعل مفيش وكمان ده احنا حتى معملناش بكتاب ربنا وكلماته اللى بتقول واعدوا لهم ماستطعتم من قوة صدق الله العظيم
فكر بالأمر

هل ستفكر فيما قرأت ملياً ؟؟ فكرت فيه وانا بقراه بالفعل
هل ستحاول أن تغيّر حالك . . ؟؟
أم
ستكون امعة وتقف ببغاءاً تردد وتتبع غيرك ولا تعرف ان تقود أحداً حتى نفسك
انا فعلا بحاول وبتوكل على ربنا وربنا المعين

وهل سترسل هذه الرسالة لأصدقائك ؟؟؟؟؟ أم أنك ستتجاهلها وتعاملها كأي رسالة دينية أخرى ؟؟؟؟؟
نعم هرسلها لاصدقائى وجزانى وجزاك الله خيرا




الساعة الآن 05:58 PM