والله ياعبد الرحمن انا بحترم رايك وكلامك تماما بس انت اسمحلى عندك نوع من التعصب اولا انا جبت الموضوع كنوع من النقل وموجود ثانيا انا ومحمد الحصرى وكل الزمالكاوية العاقلين الكويسين مش عاجبهم الموقف ده ولا حتى عاجبهم اى موقف وتجاوز من اى زمالكاوى هو لامتى احنا هنفضل بس نحب نطلع غلطات الفريق المنافس لازم بقى نبطل تعصب ونحكم عقولنا علشان نرتقى بالرياضة لان الاصل والهدف من الرياضه الاخلاق وتحسينها يعنى لازم نبقى موضوعين جدا ونحاكم ونوجه الغلطان بغض النظر هو ينتمى لمين انما يبقى اساس دفاعنا او هجومنا انه يبقى من الفريق المنافس او من فريقى فده تعصب بكل الطرق اه احنا بشر ومفيش حد معصوم من الغلط بس فيه ناس لازم تبقى قدوة لانها مثل اعلى لناس كتير او على الاقل الناس دول بيحبوهم ياجماعه الغرض من الموضوع اننا نشوف الغلطات ونوجه الغلطان ونحاكمه مش ندبحه وبعدين حتى لو الموضوع شخصى بين جوزيه والمصور فالمصور ده بيمثل الصحافه يعنى نوع من السلطة وبعدين انت مش معايا ياعبد الرحمن ان حتى لو شخص عادى رفع الشوز فى وش شخص تانى بغض النظر هما مين مش عيب. وبعدين قال يعنى ان الصحافه مهاجمتش بتوع الزمالك واحنا نفسنا معجبناش اى موقف غلط مرورك بيسعدنى ياعبد الرحمن وانا بحترم عقليتك جدا بس اعتب عليك انه برغم ان كلامك والراى اللى انت ناقله وموافق عليه راى محترم (اختلاف الراى لايفسد للود قضية) بس فيه نوع من الهجوم العنصرى والدفاع عن الغلطان حتى لو من سبيل ده بينتمى لفريقى بكرر شكرى ليك على مرورك وردك على الموضوع وتقبل احترامى وتحياتى
مهزله مانويل جوزيه وحسام البدرى
