منتديات كويك لووك
موضوع بعنوان :معلومات هامة عن امتحان القدرات فى كلية الفنون الجميلة
الكاتب :رحمة


/ إيه هو إمتحان القدرات؟

دة إمتحان بيقيس قدراتك فى كلية فنون جميلة لمعرفة قدرات التخيل والإبداع يعنى من الأخر بيعرف إيدك تمشى فى الكلية ولا لا ودة مش صعب نهائى بس عايز تدريب وتركيز مش أكتر ومش شرط تكون رسام بيكاسو يعنى


2/ إيه أنواعه؟


يعتبر إمتحان القدرات حاجتين عمارة وفنون ملهمش علاقة ببعض نهائى

3/إية نظام الامتحانين وهل لازم أمتحن الأتنين؟

إمتحان عمارة بيأهل لقسم عمارة وديكور لعلمى فقط
إمتحان فنون بيأهل لقسم جرافيك ونحت وتصوير وديكور لعلمى وادبى


ممكن تختار أى حاجة بس المهم لو عايز تضمن ادخل الأتنين لأنك بتروح قبل ما تعرف نتائج الكلية


4/ إزاى أقدم فى إمتحان القدرات؟


بص انت أول ما تخلص إمتحانات روح على كلية فنون جميلة واسال على كورسات لامتحان القدرات ودى فى حدود 150 تقريبا وتابع الجرانين وقت بوقت لحد ما يعلن الوزير مواعيد الامتحان بالحروف
طبعا مش شرط تكون ملتزم بحرف لو انت مش متدرب كويس ممكن تأجل
اول حاجة هتروح مكتب التنسيق دة فى جامعة القاهرة وهتركب مترو تنزل محطة جامعة القاهرة وهتلاقى مكروباصات بتقولك مكتب تنسيق بس ممكن تتمشاها عادى وتروح تدفع المصاريف وتاخد معاك صور شخصية وصورة رقم جلوسك وشهادة النجاح وهيدوك استمارة تروح توديها ف نفس اليوم لكلية الفنون الجميلة واسال عن الملازم بتاعت القدرات هناك او فى مكتب التنسيق يستحسن تجيب الاتنين

5/ ايه طيب نظام الامتحان بالنسبة لعمارة؟؟


امتحان عمارة ملوش علاقة بانك تكون رسام او لا لانه عبارة عن رسومات هندسية
بيجبلك سؤالين اول سؤال رسم بمنظور هندسى بيطلب منك ترسم بوابة مدرسة تجمع مبانى سكنية ودة رسم بالمسطرة واقلام رصاص 3b/ 6b واول ما الاجازة تيجى هنشرح على المنتدى ازاى ترسمه
ودة مثال بسيط

preview_html_73789141

تانى سؤال دة عبارة عن الثقافة المعمارية ومتتخضش من كلمة ثقافة دة عبارة عن سؤال كلامى ملوش علاقة باى رسم بيجبلك 4 صور وانت بتقول ايه الصور دى وبتكتب معلومات عنهم

مثلا صورة الاهرامات وانت تكتب كل اللى تعرفه
ودايما تلاقى الحاجات دى موجودة فى الملزمة اللى فى الكلية بس مش كلها



6/ طب ايه نظام امتحان قدرات فنون؟؟

امتحان فنون يعتبر زى امتحان عمارة بالظبط بس عايز تركيز
ومش محتاج تمرين الا قليل انا مذاكرتلوش الا يومين بس فى اخر يومين ونجحت فيه
عبارة عن 3 اسئلة
اول سؤال هيجبلك قلة وجنبها تفاحة او مانجة وانت ترسمها وتظلل
بس خلى بالك بيجبلك قلتين او انائين مختلفين وواحدة جنبها مانجة والتانية جنبها تفاحة بس ركز فى دى عشان مترسمش مثلا القلة بتاعت التفاحة وتحط جنبها مانجة لازم تركزززز

تانى سؤال هيقولك صمم كارت 14 فى 20 مثلا عن ترشيد المياة بالالوان
هتجيب الوان خشب معاك ودة زى رسم اولى حضانة سهل مش محتاج منك اى مجهود غير القدرة على تخيل بسيييييييييط

تالت سؤال ثقافة فنية بيجبلك يقولك اين يقع مثلا تمثال نهضة مصر وايه معلوماتك عنه
نفس نظام عمارة

ودى ابسط امثلة


attachment

wol_errorThis image has been resized. Click this bar to view the full image. The original image is sized 1600x1200.
attachment

الامتحان وقته طويل جداااااااااا 4 ساعات واكتر كمان ولو رسمت بالرسم المريح دة هيتبقى معاك ساعة او نص ساعة اهم حاجة متكونش مستعجل ابدااااا
وطبعا هيتم شرح كل حاجة عن الامتحان وازاى تحل وترسم بعد انتهاء امتحان الثانوية العامة باذن الله
هنعمل هنا كورسات

وباذن الله متخافش من الامتحان لانه كويس وجميل بس عايز تركيز شوية ومش محتاج موهبة بيرفكت

7/ طب ايه مستقبل الكلية؟

الكلية دى بالنسبة لعمارة ممكن تاخدها تمرين لو عايز تدخل هندسة ولو مجموعك فرق على درجتين تلاتة اقل من هندسة قدم عمارة وبتاخد نفس الشهادة وبتبقى تبع نقابة المهندسين ومستقبلها احسن من هندسة معمارة لانك بتدرس جانب هندسى وتذوقى وفنى يعنى قدرات ذات طاقة دفع ثلاثية
بالنسبة لديكور لو مجموعك اقل من هندسة ب 15 درجة مثلا بتقدم ديكور وبتدرس نفس مواد عمارة بس عمارة داخليه وبتكون مهندس فنان ومش شرط دخولها موهبة بس ديكور اقل من عمارة فى انها متتبعش نقابة المهندسين للاسف مع انها كانت تتبع بس قريب باذن الله هتتبع النقابة ومستقبلها ممتاز جدااااااا برة مصر وجواها

عدد مهندسين العمارة اكتر من مهندسين ديكور احسبها انت مع نفسك
باقى اقسام فنون محتاجة موهبة اكتر من عمارة وديكور علشان فرص العمل تكون زيهم او اكتر انما عمارة وديكور مش محتاجين موهبة اوى
وديكور بيدرس مواد هندسية ومواد فنية زى عمارة فى حاجات
يعتبر قسم الديكور اسمه البديل عمارة داخلية
وقسم جرافيك مش مجرد رسومات بالكومبيوتر وخلاص انما هو عبارة عن رسم بالسيراميك مثلا وبالتطبيقات والادوات والخامات ومحتاج موهبة


8/ايه ترتيب الكليات من حيث الافضلية؟؟

أ/ عمارة- مجموعها اقل من هندسة بفروق بسيطةجدا -افضل من هندسة معمارى نظرا لدراسة الجانب الفنى.

ب/ديكور-مجموعها اقل من عمارة بقليل -دراستها مستمدة من عمارة ويمكن بالكورسات توفر فرص عمل عمارة لديكور يعنى تشتغل مهندس معمارى - علمى فقط ماعدا جامعة اسكندرية

ج/جرافيك- محتاجة موهبة وحب مجال - ادبى وعلمى

د/تصوير - محتاجة موهبة وحب مجال - ادبى وعلمى

ه/نحت - محتاجة موهبة 100% وحب مجال اكتر - ادبى وعلمى

والترتيب دة بالنسبة للطالب المتوسط الموهبة اغلب الناس انما لو واحد موهوب فى الجرافيك مثلا يبقى الترتيب بالنسباله مركز اول جرافيك وهكذا

9/ ازاى بعرف الاقسام فى الكلية؟

لعلمى:
عمارة وديكور قسمين مختلفين من اول سنة بيتم دراستهم اعدادى يعنى كلهم 5 سنين زى هندسة بالظبط وتنمح شهادة بكالريوس فنون جميلة قسم كذا وتقدر تشتغل فى اى مكتب او موقع هندسى بسهولة

ادبى:
بتدرس الاول اعدادى فنون يعنى بتدرس جرافيك ونحت وتصوير ووبعد اول سنة بيتم اختيار القسم سواء بتقدير او التقدم بطلب

جامعة الاسكندرية اصبحت تمنح قسم الديكور لادبى من اول سنة شرط ليها تنسيق اعلى من مجموع الكلية الادبى

جامعة حلوان بياخدوا علمى بس فنون فى ديكور وعمارة ليها تنسيق لوحده