شكرا ليكم على الردود الجميله وشكرا الحياه انتى برضه وحشانى واكيد وحشاهم اوى وعلى فكره انا دخلت قبل كده وسبت لكى رساله خاصه لكن رسايلك كانت مليانه كنت عايزه اقلك انى دخلت تجاره زيك وادعيلى جامد لان امتحانى 81

 امين يارب مشكور اخى على المرور

 كل سنه وحضرتك طيب يا ليدر مع انها متأخره اوووووووووى لكن معلش كان عندى ظروف جامده اوى

 هههههههههههههه جميل جدا يا هانا فعلا ضحكنى

 مشكوره حياه على مواضيعك المميزه والاكثر من روعه

فقدرتك على البكاء "نعمة " ..

يحسدك عليها أولئك الذين تبكيـــهم.. ولا يشعرون.!

 مشكوره الحياه كل ده حصل معايا واكيد حصل مع ناس كتير جدا

 كلمات جميله جدا حياه مشكوره على الموضوع المؤثر

 والله مستعده ارد  على كل كلامك ده بس زى مانا قلت قبل كده الموضوع واخد اكبر من حجمه بكتير وانا هارد عليك وانت هاترد عليا وفى الاخر ما فيش حد فينا هايقتنع برأى التانى وعشان كده انا مش شايفه ان ليها لازمه انى اردوعلى العموم اختلاف الرأى لا يفسد فى الود قضيه 

 معلش انا فعلا اتأخرت فى الرد اوى لكن انا عندى ظروف فى البيت وكده 

اولا يا استاذ مصطفى انا كنت حابه فى الأول ان انا ارد على موضوع الاغتيالات اللى انت ذكرتها فى الاول عن الرئيس جمال ومحمد السادات الله يرحمهم وجاريتك فى الكلام عشان اعرف انت فعلا عارف عنهم وقريت عنهم ولا زى ما الناس بتقول بتقول وخلاص وفعلا عرفت انك مش عارف عنهم اى حاجه لانهم اساسا ما كانش منهم محاولة اغتيال للرئيس جمال والرئيس محمد السادات اللى اغتاله واقرو بكده هم جماعه الجهاد مش الاخوان 

اما بالنسبه لعمليات التخريب اللى انت بتقول عليها من بعد مانا اتولدت وماسمعتش انا حاجه عنها فلاحظ ان كل امثلتك على الجماعه الاسلاميه مش الاخوان وده اللى انا كنت بحاول افهمهولك ان فى جماعات كتير لكن مش كل جماعه بتكون اخوان مسلمين وده يدل فعلا انك مش فاهم انت بتتكلم فى ايه 

اما بالنسبه للمواقع القبطيه المزعومه كلنا عارفين ان فى حمله نشطه لمهاجمة الاخوان وفى حاجات هم مش عملوها فاللى انت بتقوله ده مش جديد انك تذكره من النت او من صحائف مادام خلاف الواقع لانها مش منظمه اجراميه زى ما حضرتك موضحها ولو حاولت اصلا تشوف افكارهم او تقرا عن مبادئهم هاتلاقى انهم ضد اى حرب او فتنه سواء بين المسلمين او المسحيين وارجع اقول لحضرتك انك اساسا مش بتدور على انك تعرف مبادئهم ده انت بتدور لهم على اى حاجه تدينهم قال الله تعالى ( يا ايها الذين ءامنو اذا جاءكم فاسق بنبإ فتبينو أن تصيبو قوما بجهالة فتصبحو على ما فعلتم نادمين) وأظن الايه موضحه اللى انا عايزه اقوله 

اما بالنسبه لتعليقك على الشخص زميلك فأظن ان الموضوع موجود فى منتدى نظره حواريه عامه ولو مش عايزنى ارد عليه من الاساس ما كنتش تكتبه هنا 

وفى النهايه انت مخطأ اصلا فى تفكيرك عنهم وعن مبادئهم ولو كنت عايز تعرفهم اصلا كنت حاولت تقرا عن مبادئهم مش تقرا عن اللى يدينهم 

 الاسئله صعبه اوى على فكره

 هو فى حاجه اسمها بنت تصاحب ولد اصلا؟؟؟؟؟؟؟؟؟؟ انا استغربت جدا لما قريت عنوان الموضوع واستغربت اكتر لما قريت الموضوع والردود لاننا مش فى بلد غربيه صبيان يصاحبو بنات ده خارج عن الدين وعن التقاليد

والله سبحانه وتعالى يقول(قل للمؤمنين يغضو من ابصارهم )

وقال تعالى (وقل للمؤمنات يغضضن من ابصارهن)

واذا كان ده مش كلام ده مجرد نظر اللى هو اقل حاجه فازاى يكون فى صداقه مابينهم؟ وكمان توصل لدرجة يقولها سره وتقوله سرها لا حول ولا قوة الا بالله 

اما عن مجال الدراسه او العمل والاحتكاك بالجنس الاخر فده بتكون مجرد زماله يعنى ما تخرجش على حدود العمل او الدراسه وده لاضيق المواقف مش حتى يتكلم معاهل فى اى حاجه ويقول اصلها زميلتى او صاحبتى لا طبعا ما ينفعش واذا كان اهل المدن الموضوع ده ظهر عندهم بطريقه واضحه فأنا بحمد ربنا وبفتخر انى من قريه ولسه محافظين على التقاليد الجميله دى

 الله يخليكى يا سمر

متضايقه اوى

 شكرا ليكى الحياه وفعلا جايه فى وقتها بالظبط

 شكرا يا سمر وده رأيى برضه

2222222222

 تعبانه وحاسه ان دراعى اتكسر

 الرضا مش بالكلام بس يا سمر الرضا بيكون بالفعل كمان يعنى تكونى من قلبك راضيه ده الكلام اللى والدى قالهولى لما نتيجتى ظهرت وقلت نفس كلامك 

مستحيل انسى احلى ايام فى حياتى(الثانويه)

 الجمعه على هانا

 4444444444444444

الله يخليكى ما تقوليش كده

 لا اله الا الله

 شكرا بشمهندس على كلامك انت 

وانا بدعو سمر عزو تشارك بعد محمد

 فى 30 يوم لانه بيطلع فى اليوم الواحد متر واحد

 سبحان الله العظيم 

اول مره اعرف ده مشكوره يا ابله رحمه

 وانا بتشرف بدعوتك يا بشمهندس 

رأى الصريح عن المنتدى انه منتدى محترم بجد لمست فى جميع انواع الاحترام المتبادل بين الاعضاء او فى المواضيع التى لا تخرج عن الحدود المطلوبه ومجرد بس انه منتدى تعليمى فده كفايه اوى لان التعليم اساس صناعة اى دوله وممكن فى اى منتدى تانى يكون فى افلام او هكرات او صور مش كويسه لكن بفضل الله المنتدى هنا ما فيهوش حاجه من دى وانا لما بدخل منتديات تانيه بشوف تعامل اعضاء مع بعض بطريقه غير لائقه تماما لكن المنتدى هنا ما شاء الله عليه واول حاجه لفتت انتباهى اول ما دخلت المنتدى لاول مره شعار المنتدى (رضاك يرضينا ورضا الله اغلى امانينا) وانا شايفه ان الشعار ده ما فيش بعده شعار والمنتدى متكامل والحمد لله من حيث اقسامه فلواقعدت اقول رأى فيه لبكره مش هايكفينى

اما عن احساسى ايه لما ادخل المنتدى بحس انى داخله جنه من المعلومات وبجد استفدت من المنتدى حاجات كتير انا ما كنتش عارفاه وعرفت اخواتى هنا ولما بيغيبو بحس انى مشتاقه ليهم جداااااا وبقدر هنا فى المنتدى انى اضحك من قلبى مس زى الحياة الحقيقيه من الاخر بحس ان المنتدى كون تانى بس احلى كون

الصراحه كل الاعضاء بنتظر مواضيعهم 

اما الاعضاء المؤثرين فى المنتدى طبعا ليدر وابله رحمه وحضرتك ومصطفى رفعت وسمر وشيمو وهانا والحياةويارب ماكنش نسيت حد وطبعا وسام قبل كده 

وشكرا على الموضوع بجد تحفه وتسلم

 شكرا الحياه على اهتمامك بالموضوع 

شكرا ابله رحمه على اهتمامك بالموضوع واسعدنى جدااااااااا ردك

 الله يخليكى يا قمر انتى احلى

 شكرا استاذ زياد على مرورك والطله الجميله ............... التسامح نعمه لا يحس بها الا فاقدها

 شكرا ابله رحمه على ردك الجميل واحنا كمان والله بنحبك جدا 

 صور رائعه تسلمى

 متضايقه

 مستحيل انساكى يا سمر

 موضوع رائع ابله رحمه وشكرا ليكى

بالنسبه لينا فى الازهر وبفضل الله مافيش اختلاط يعنى كلية البنات لوحدها وكلية البنين لوحدها وده مطمنى جداااااااا لكن انا لما كنت فى الثانوى كنت بروح دروس سواء فى البلد او بره البلد وكنت بتعامل مع زملاتى الصبيان فى مجال الدرس لان اكتر الدروس كنت بروحها مع صبيان وكنت بكون انا البنت الوحيده والحمد لله شباب زى الورد وما شاء الله عليهم وكانو بيخافو عليا جدا وبيحاولو يخلو معاد الدروس مش بالليل عشانى فكان لازم اتعامل معاهم عشان تصوير المذكرات او تغيير مواعيد الدروس وكلام من ده وانا كنت بتعامل مع اتنين منهم بس واحد كان بيتصل بيا يعرفنىالجديد لكن والله ادام اهلى وهو كمان لما كنت بتصل كنت بطلب اخته الاول حتى لو هو رد عليا ولو اخته مش موجوده كنت بكلمه هو وخلاص لكن برضه ادام اهلى وساعات اخلى اخويا هو اللى يتصل كده يعنى اما زميلى التانى كنت بتعامل معاه فى مكان الدرس يعنى هو اللى بيجى بتفاهم معايا على اى حاجه هم محتاحينها لكن ده بيكون ادام المدرسين ومش بنكون لوحدنا ابدا الا مره وكنت بقفل فى الكلام عشان ده ما ينفعش وهو كمان عارف ان حاجه زى دى غلط والحمد لله انطبعت عنهم بفكره حلوه وعارفه انى لما هاقابل زميلى ده بعد كده صدفه هاكون عارفه انه محترم عشان ما تعداش حدود الزماله وكده فانا شايفه ان التعامل بين الزملاء له حدود ويكون ادام الاهل او المدرسين ومش يتكلمو فى حاجه خارجه عن كده 

(ملحوظه ما حدش فيهم خد رقم موبايلى كانو بيتصلو بالبيت وساعات والدى يرد عليهم او امى او كده)

 ما كيفية صلاة الاستخاره؟