ياللي مش فاهمين غنانا
ياللي معنتوش معانا
ياللي اللحن ف كلامنا
معدش بيطرب سمعكم
وانتوا كنتو زمان
تحكولنا مشاكلكو وآلامكو ووجعكم
……………………………
اللهفة في عيونا
كانت تلقي الف كلمة حب
شايلاها في عيونكم
والساعات والدقايق
واللي فوقهم من سنين
كله راح
مواضيع تهمك
في لحظة وداعكم
…………………………..
اتكسر جوانا شيئ
واتقطع بينا الطريئ
والحروف اتغيرت
والمعاني معدتش بتاعتكم
فين كلامكم والحكاوي
الف خسارة عالغناوي
فين بحوركم والشواطئ
تايهة مني
بس برجع ويا نفسي
القي نفسي
حاير فوق شراعكم
…………………..
جلال حسانين
