نهارنا فل وصباحنا نادي
نهارنا فل رغم الذل
وجبيني الحزين
وصباحنا نادي وحلوة بلادي
والثمرة طارحة وفرحة
بتنشف دمع السنين
نغزل شراع الصبر بالترحال
نعزف آلام البعد بالموال
نصرخ نغني نقول
لبلادنا الحنين
أنا نفسي نرسي
وقبل ماانسي
بنحبك قوي
دانا عمري ماانسي
وانتي دايما كنتي همسة
حاسة بينا
لامسة حالنا
راسمة بسمة كل العاشقين
احنا اتولدنا في حضنها
ريحة هواها فــ جسمنا
والنيل بيجري فــ دمنا
يا ام الفراعنة
والصليب والمسلمين
معزة جيرانا في الأراضي
بتشوف رزقها
وطبقنا داير في الحواري
بالشهور
يوم فيه عسل
أو بامية سخنة مقمعة
حبة رضا
أو كام رغيف للطيبين
نعطش … نلاقي المية حلوة مسكرة
يلاعبنا شط النيل
ويا الصميت بالدقة
أو كام كوز درة
ألفين هنا وكمان شفا
وشويتين الشاي للسهرانين
تأليف جلال حسانين
