عايش جوا برطمان مخلل ؟!!

عمرك حسيت انك عايش جوا برطمان مخلل !!
يعنى لا عارف تعبر عن الى جواك و حابس نفسك جوا نفسك و كأنك بتدوب جوا البرطمان و شايف الدنيا من خلال ازازه .. خايف تخرج محدش يتقبلك على حقيقتك و طبيعتك الى فيك ؟! :”\   و خايف تفضل مكانك لاحسن محدش يحس بيك :\\ تقول الكلمة و ترجع فيها احسن حد يزعل منك 😐 تصاحب ناس و تحبهم و تبعد فجأة عشان خايف انهم الى يبعدوا الاول !!

عمر حد وقف حلمك و قالك لا مش هتقدر و منعك تحاول حتى !! :ّ\
نفسك تسافر لوحدك و تخرج من غير ما حديكلمك و يقولك ليه او فين او مع مين و تكسر كل القيود , تسافر لاى مكان من غيرر حدود فرحة قلبك و بس هى الى توريك الطريق ؟!!
عمرك حسيت انك زى التراب ممكن لو من اقل هوا تطير ولا حد يحس بيك ؟!!
ماتنساش انت انسان و لازم تحس بكل ده فى يوم من الايام .. بس المهم منستسلمش للاحساس ده و نحاربه بكل قواتنا و نخرج تانى للحياه فيما يرضي الله

   اخرج للدنيا و عيش حياتك بس افتكر دايما ان فى رب شايفك و مطلع على الى بتعمله فحاول ترضيه و انت هترضي صدقنى 🙂