طز × طز #وزارة الدفاع #العباسية #مصر

طز × طز

*************

طز فيك أو طز فيَ

أو طز ف أي حد

يلعب بالمشاعر

قول يا شاعر

غني لي أو عليً

بس إياك والمشاعر

 **************************

طز فيك يابو كتافات

لما إبني راح ومات

وابني كان ع الشر ثاير

 ************************

طز فيك يابو جلابية

عرًوا قدامك صبية

وانت ساكت

والصبية من الحراير

 ********************************

طز في الاخوانجي اللي ناسي

الشهيد واللي اتسحل

والبنات اللي حلولها الضفاير

 ***************************

طز فيك يا أي مجلس

والدلع ليك برلمان

لا هو رجعلي اللي فاتني

والكتاتني

خلي الكل في التوهان وحاير

 *****************************

طز فيك يا أي قاضي

ياللي قدامك حقايق

والورق ينطق حقايق

وانت من فوق الحقايق

تأمر بنزول الستاير

 ************************

طز في أم الرياسة

كل شئ بقي فيه

تعاســـــــــــــة

واللي مترشح خباثة

واتقتل كل البشاير

***********************

طز في حكم العساكر

لما يتبلطج علينا

واما نمسك بلطجية

ونقولهم دول بلطجية

نلتقيهم في الطناش

واحنا واولادنا الخساير

جلال حسانين

تعليق 1
  1. rahma يقول

    وانا بنتك اصرخ بأعلى صوتى يا مصرمعاكى طز ومليون طز

    طز فى اللى سحل واللى قتل واللى ظلم

    طز فى فى البلاد بيحرق

    طز اللى باع ضميره وباع القضبة

    طزززززززززززززززززززز

    قصدة رائعة الجمال بصورة اكثر من معبرة

    الصورة تتكلم والحروف تنطق وتشهد بالواقع المؤلم

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

This website uses cookies to improve your experience. We'll assume you're ok with this, but you can opt-out if you wish. Accept Read More