وامسح أرقام كل اللي باعوك .. ملهومش لزوم

وامسح أرقام كل اللي باعوك .. ملهومش لزوم
واكفر بالخنقه اللي ف قلبك وانساها وقوم
والبس أشيك طقم ف عينك واخرج م البيت
واقلع أحزانك واتمشي .. اتمشي لوحدك لو حبيت
قلب ف موبايلك هتلاقي واحد واحشك وبقاله كتير
كلمه علطول وقتها قوله .. بطمن بس ان انت بخير
هتحس ان انت بقيت مرتاح .. هتحن لواحد م اللي سابوك
امسك نفسك ! كان ماضي وراح ..
اقعد ف مكان هادي لوحدك بص علي الناس اللي قصادك
لساك مخنوق ؟! طب بص لفوق اسمع مزيكا وأغنيه
غمض عينك حتي شويه .. لساك زعلان ؟!
غمض تاني .. هتشوف الدنيا ف فيلم كبير
ومحدش بيدوم للتاني .. اهرب من نفسك ولنفسك
اتنفس جامد .. خد نفسك فتح عينك
متشال الخير من ربنا ليك أحسنلك تبدأ م الاول
وسنه حلوه بقا عليك