قصيدة أباطرة بورتو طرة

3

بورتو طرة


هاتو الدفاتر تنقرا

نسمع حكاوي اللي ف طره

والعادلي مكتوب ع الجبين

علامات كتير يا هل ترا

تقتل وليدي في العلن

يا فجركم مش في الدرا!

أخبار فقية مكذبة

تعتيم وتضليل ماجري

والكويري لو ينطق يقول

حتي الحقايق خنسرة

وشريف وزفة مهببة

يا رمز كل المسخرة

ونظيف حكومة مسبكة ومحبكة

وفلوس كتير متوفرة

وسرور ومجلسنا الحنون

والكوتة همز ولمز فون

قوانين بلاد متفصلة

وموافقة ايــــه بالمسطرة

عز وحديده بينتني

عازف لفرقة مشفرة

ساحت سياحة مصرنا

وجرانا فاشخ ضبته آلـ … عنترة

والمغربي يا غلبي ياني منهم

دبلون صنايع مقدرة

ووزير مالية زئبقي

ساب البلاد بالذمة راجل مش مرة !!!!

والشعب طيب مش غبي

يصبر أوي والضحكة طالعة مكسرة

وجمال ولوءة شرفم

أهلا وسهلا مرحبا بورتو طرة

وزعيم عصابتهم تمام

آل ايه يا ناس زعلان أوي م اللي جري

في الشرم سائت صحته

هاتوهولنا واحنا نروقه فــ القاهرة

قبل التنحي يقولهم

دا مفيش جيوب في المقبرة

يام الغلابة إضحكي

أو عيطي ملايين في حتة مقبرة ؟!

يمكن هيتحزب هناك ؟؟

ندوات وجلية موقرة

يا مصر يأم الشهيد

مبروك عليكي ثورتك

فين ضحتك يا أمنا يا منورة

تأليف والقاء : جلال حسانين

مهما طال الظلم لابد ييجي يوم أبيض علي كل مظلوم اسود علي كل ظالم

لسماع القصيدة

3 تعليقات
  1. Leader Masry يقول

    كفايانا ظلم كفايانا كبت ومبروك علينا كلنا بلدنا الحبيبة مصر أم الدنيا.

  2. Galal Hasanin يقول

    كفايانا ظلم كفايانا كبت ومبروك علينا كلنا بلدنا الحبيبة مصر أم الدنيا.

  3. rahma يقول

    كلمات تعبر حقيقة الخونةالظالمين

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

This website uses cookies to improve your experience. We'll assume you're ok with this, but you can opt-out if you wish. AcceptRead More

%d مدونون معجبون بهذه: