بعد مباراة الجزائر 14/11/2009
الله أكبر ع الجمال
واللعب والذوق والأدب
شتمونا ويسبوا الرجال
وخاصمهم الذوق والأدب
وسكوتنا مش ذل الرجال
والله دا سكوتنا أدب
وخديعة ومكر ومسخرة
قال ايه أتوبسنا انضرب
دي مصر دي بلد الأمان
ولا تعرف إرهاب أو شغب
والرد في الملعب يا خال
والسيرك ليهم إتنصب
عمورة فتًح في الشباك
وركنها باصرار مش غضب
وف لحظة كان فيها محال
يركنها متعب بالطلب
والفرحة تكمل في السودان
مش مصر دي لكل العرب
يارب النصر لمصر وتكمل الفرحة
بعد مهزلة السودان 18/11/2009
اللي حصلنا في السودان
دا هو الإرهاب والشغب
داللي حصلنا في السودان
يعف عنه أبو لهب
دا مش جمهور جاي للهتاف
دي كتيبة وكان ليها العجب
والله مش تشجيع دي كانت مجزرة
ومفيش مغيث وقت الطلب
لو كورة تبقي ف ألف داهية
بس دي مش كورة يا عرب
دي سياسة دخيلة قبيحة جدا
لأاي مصري هينضرب
ويقولوا ضبط النفس خير
ومصر دي أم العرب
الأم ليها الاحترام
ولازم نعاملها بأدب
واللي يبصلها برمش عين
يبقي يتحمل منها الغصب
الف مبروك للمنتخب المصري وجهازه الفني علي صورته المشرفة