أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





ساره وابراهيم3

وصلنا ليوم كتب الكتابوطبعا ده كان اجمل يوم فى حياتهم للمره الاولى ابراهيم هيشوف ساره من غير حجاب وهى هتعد معاه لوحدها من ..



25-09-2009 04:18 مساء


وصلنا ليوم كتب الكتاب
وطبعا ده كان اجمل يوم فى حياتهم
للمره الاولى ابراهيم هيشوف ساره من غير حجاب وهى هتعد معاه لوحدها من غير عزول وهيبقى كل شئ مباح وتتحدث العينين ويملى القلب ما عجز عن الاشهار به من قبل
طبعا ساره كانت اجمل الجميلات فى اليوم ده وكانت مستنيه انهم يرجعوا من المسجد بعد العقد





وكانت فى البيت حفله رائعه وطبعا ساره نجمه الحفله ومعاها اصحابها وقرايبها والكل فرحان وسعيد من قلبه الا بعض قلوب وعيون الحاسدين
وطبعا جه الفارس الزوج اللى منتظراه وكانت ساره فى اليوم ده ليها بريق مميز وجمال مش عادى كأنه اول مره يشوفها
وطبعا قعدوا لوحدهم
ابراهيم:عارفه انا لو اعرف انك حلوه اوى كده مكنتش خطبتك
ساره:ياسلام
ابراهيم:مش قصدى كنت هكتب الكتاب على طول عشان دايما اشوف القمر قدامى
ساره:ده كله عشان شوفتنى من غير حجاب
ابراهيم: لا عشان مفيش غفير قاعد معانا
ساره:ههههههههههه
ابراهيم: ربنا يديم عليكى ضحكتك اللى ان شاء الله هتنور حياتى وعمرى كله
ساره:تسلملى ويخليك ليه يارب
ابراهيم:ممكن اطلب طلب بالمناسبه دى
ساره :عارفه
ابراهيم: طب ايه؟؟؟
ساره: بحبك والله العظيم بحبك
ابراهيم:الله اكبر ابو الهول نطق
ساره:ياسلام ماانت عارف انى بموت فيك
ابراهيم:دى حاجه اكيده
ساره: والله
ابراهيم:نتكلم جد شويه
ساره: ياريت
ابراهيم: بصى يا بنت الحلال انا اخترتك بقلبى وعقلى عشان تكونى شريكه حياتى وعمرى والليله تعتبر اول يوم انا وانت هنبدأفيه حياتنا فعايزين حياتنا نبنيها على طاعه الله واننا منعملش حاجه تغضبه عشان ربنا يكرمنا ويباركلنا ويرزقنا بالذريه الصالحه
ساره: ان شاء الله احنا مع بعض على طاعه ربنا وربنا يشهد علينا وانا اوعدك انى هكون مثال للزوجه المخلصه الامينه والام المتعلمه المثقفه اللى هتربى ولادها على اللى رباها عليه ابوهم
ابراهيم:طالما نيتنا خير يبقى ربنا عمره ما هيخذلنا ابدا
ساره:ربنا يخلينا لبعض ونعين بعض دايما على الطاعه
وكان احلى كلام اتكلموه وطبعا الكلام كتير وكله وعود واحلام وامانى نفسهم يحققوها مع بعض وتصور لحياه الحب اللى نفسهم يعيشوها

فى اليوم ده وضعوا اساس قيام بيت مسلم سعيد قوامه طاعه ربنا والسير على نهج النبى صلى الله عليه وسلم
وكانت الفتره دى من اجمل فترات حياتهم وكانت فتره مستقره جدا مفيهاش مشاكل وحتى لوفى بتتحل بسرعه وبخفه من الجهتين وتتحول المشاكل الى حب اكبر واكبر

ومرت الايام لحد ما جه يوم ساره كانت مستنياه بفارغ الصبر(عيد ميلاد ابراهيم)
وطبعا ساره عمرها ما نسيت اليوم ده وحجزت قاعه صغيره فى مطعم شيك وجهزت التورته اللى فيها صورته وجهزت كل حاجه وعزمت اصحابه واللى كان بيساعدها هو اعز اصدقاءه اللى كانت دايما ساره بتلجأله لما يكون فى مشكله
وطبعا ابراهيم مستنى ساره تقوله (كل سنه وانت طيب) بس هى عملت نفسها ناسيه وحتى مكلمتهوش يوميها على غير العاده بس كلمته بليل
ساره: ممكن اقولك حاجه
ابراهيم:على ما افتكرتى
ساره:هو انا اقدر انسى وحشتنى
ابراهيم: انتى متأكده ان دى الحاجه اللى انت عايزه تقوليها
ساره: مترغيش كتير عشان مفيش رصيد ممكن تنزل دلوقتى لابس ومتشيك عشانعندنا مشوار مهم
ابراهيم :ومتشيك
ساره: عشان احتمال اعرفك على ناس صحابى ونقعد شويه كده يعنى يلا بقى بسرعه اوكى
ابراهيم: حاضر هفوت عليكى سلام
وطبعا ساره كانت فى اليوم ده جميله جمال مش عادى بس هو مكنش مستغرب عشان كانت دايما حلوه فى نظره حتى لوكانت بلبس البيت
ومشيوا مع بعض وهو مستنى انها تقوله وهى عامله نفسها مش واخده بالها
لحد ما وصلوا للمكان اللى فيه الحفل ساره طلبت منه انها تدخل طبعا دخلو وهما داخلين بنوته صغيره اعطته بوكيه ورد استغرب
اداه لساره وقلها بحبك اوى
ساره: ممكن تقوله نطلع فوق
ابراهيم: انتى طلباتك كترت اوى النهارده حاضر
وهما طالعين طبعا النور مطفى واول ما وصلوا الكل بدأ يغنى اغنيه عيد الميلاد وبعدين النور اتفتح ولقى الجو رومنسى جدا والتورته اللى عليها صورته واصحابه حواليه
ساره: كل سنه وانت طيب يا حبيب قلبى وعقبال يارب مليون سنه
ابراهيم:انت احلى حاجه فى حياتى وانتى طيبه يا احلى واجمل وارق واطيب ساره مراتى حبيبتى فى الدنيا ويارب كل سنه نكون مع بعض.
وطبعا ساره مش هتعدى الموقف كده اخدت المايك وبدأت تغنى اغنيه(كل سنه وانت طيب) واى اغنيه حلو تخطر على بالها وكانت اسعد لحظات حياتها ورقصوا وغنوا وكان احلى عيد ميلاد فى حياتهم الاتنين.
طبعا كده الامور بدأت تطول وابراهيم عايز ياخد حبيبته فى العش السعيد لكن فى مشكله ان ساره لسه طالبه جامعيه
ابراهيم عقد اتفاق مع والد ساره ان ساره لو جابت امتياز هيتجوزوا وهتكمل السنه اللى ناقصه وهى فى بيت الزوجيه
ولو مش كده هيتحملوا السنه اللى فاضله ويقعدوا متجوزين مع ايقاف التنفيذ.
طبعا ساره كانت على قد المسؤليه وكانت بتسعى اها توصل للامتياز عشان يتحقق مرادها وتدخل العش السعيد
وكانت فى الفتره دى نشيطه جدا وابحاثها كتيره ونشيطه مبتفوتش دقيقه واتعلمت حسن تنظيم الوقت وطبعا مش بس هى لوحدها كمان ابراهيم بيعلى فى شغله ويطولر من اسلوبه ويحضر الماجستير ويعمل دراسات جديده عشان يحققوا اهدافهم سوا مع بعض.
وجه يوم النتيجه اللى الكل مستنيه وراحت ساره هى ومعاها ابراهيم يجيبوا النتيجه وكانت المفاجأه_____________-_____________
ساره مجابتش امتيازبس دى طلعت التانيه على الدفعه كمان
وانكتب اليوم ده من ضمن اسعد ايام حياتهم
وخلاص هيتحول ابراهيم الى(سى السيد) وتتحول ساره المسكينه الى(امينه)
لكن ده طبعا بعد السنه اللى فاضله من الكليه
وهنجوزهم الحلقه الجايه ان شاء الله






















:. كاتب الموضوع ساره طارق ، المصدر: ساره وابراهيم3 .:


shvi ,hfvhidl3



عزيزي القارئ ضع رداً لنعرف هل نحن علي صواب أم خطأ
ونرجو الابلاغ عن أي رابط لا يعمل


تقييم الموضوع:
الرجاء تقييم الموضوع
ربما يعجبك هذا أيضا



26-09-2009 12:21 مساء
مشاهدة مشاركة منفردة [1]
رحمة
menu_open عضوية موثقة
الإدارة
rating
معلومات الكاتب ▼
تاريخ الإنضمام : 2008-08-27
رقم العضوية : 6
المشاركات : 9822
الدولة : EG
الجنس : أنثى
الدعوات : 29
يتابعهم : 0
يتابعونه : 1
قوة السمعة : 1541
 offline 
look/images/icons/i1.gif ساره وابراهيم3
وانا اتابع معاكى القصة اول بأول اكمليها
توقيع :رحمة
quicklook4u-bffcd6e0bc



26-09-2009 12:39 مساء
مشاهدة مشاركة منفردة [2]
مستر أشرف فوده
menu_open
هيئة تدريس اللغة الانجليزية
rating
معلومات الكاتب ▼
تاريخ الإنضمام : 2009-05-29
رقم العضوية : 4374
المشاركات : 1139
الدولة : مصر
الجنس : ذكر
الدعوات : 1
يتابعهم : 0
يتابعونه : 0
قوة السمعة : 62
 offline 
look/images/icons/i1.gif ساره وابراهيم3
شكراً على الموضوع الروعه ( ساره عادل )
أنا مستنى الحلقه الجيه بس بسرعه
بس مافيش دلوقتى سى السيد
فى ست السيد

توقيع :مستر أشرف فوده
الفارس أشرف فوده
مدرس أول لغه إنجليزيه
معلم الأجيال و أستاذ الأوائل


26-09-2009 02:31 مساء
مشاهدة مشاركة منفردة [3]
ساره طارق
menu_open
مميز
rating
معلومات الكاتب ▼
تاريخ الإنضمام : 2009-07-17
رقم العضوية : 11563
المشاركات : 63
الجنس : أنثى
يتابعهم : 0
يتابعونه : 0
قوة السمعة : 0
 offline 
look/images/icons/i1.gif ساره وابراهيم3
اولا اشكركم للمتابعه
القصه دى كانت قصتى انا وانتهت مش عايزه اكملها بس هحاول
ثانيا(ساره طارق)



01-01-2010 01:30 صباحا
مشاهدة مشاركة منفردة [4]
mai awad hasan
menu_open
مرشح للاشراف
rating
معلومات الكاتب ▼
تاريخ الإنضمام : 2009-12-22
رقم العضوية : 22453
المشاركات : 1096
الدولة : مصر
الجنس : أنثى
يتابعهم : 0
يتابعونه : 0
قوة السمعة : 12
 offline 
look/images/icons/i1.gif ساره وابراهيم3
قصه جميله يا ساره ربنا يجعل ايامهم كلها سعاده ويوفق اى اتنين بيحبوا بعض ويجعل ايامهم خير وحب


01-01-2010 02:04 صباحا
مشاهدة مشاركة منفردة [5]
نور الايمان
menu_open
مرشح للاشراف
rating
معلومات الكاتب ▼
تاريخ الإنضمام : 2009-08-08
رقم العضوية : 13480
المشاركات : 829
الدولة : ام الدنيا مصر
الجنس : أنثى
الدعوات : 2
يتابعهم : 0
يتابعونه : 0
قوة السمعة : 8
 offline 
look/images/icons/i1.gif ساره وابراهيم3
موضوع رائع وقصة جميلة
شكرا سارة طارق
توقيع :نور الايمان

00b5602d52



المواضيع المتشابهه
عنوان الموضوع الكاتب الردود الزوار آخر رد
يوميات ساره وابراهيم ساره طارق
1 970 ساره طارق
يوميات ساره وابراهيم 2 ساره طارق
2 920 رحمة

الكلمات الدلالية
لا يوجد كلمات دلالية ..


 








الساعة الآن 02:24 مساء


وسوم المنتدى