logo

أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





04-03-2009 06:07 مساءً
معلومات الكاتب ▼
تاريخ الإنضمام : 2008-08-29
رقم العضوية : 10
المشاركات : 339
الدولة : Egypt
الجنس :
قوة السمعة : 23

سنة دراسية 8 شهور






طوووووول السنة بطيخ

اخر شهر بس هو اللى مذاكرة

و خش ع الامتحانات

و يوم الامتحان يكرم المرء او يهان



ييجى الصيف

الأجازة

الحرية

الفراغ

النوم طول النهار و السهر طول الليل

العربدة

و العربدة تحلى مع الشلة

العواطلية






***





بررررم بررررررم
برررررررم بررررررررررم

- الوووو .. مين

- انت صحيت يا حيوان

- عايز ايه يا سى زفت ؟ بتصحينى ليه ؟

- صحى الموت ياخويا .. قوم يا عم الجثة الساعة داخلة على 4

- ايه ؟؟ 4 الفجر ؟؟

- لا طبعا العصر يا نانوس عين مامته .. هو احنا بنصحى قبل كده يا خفيف

- 4 العصر و بتصحينى يا جزمة و من غير رباط .. اقفل بدل ما اصب عليك اللعنات و سيبنى انام

- بس اسمع بس يا بوز الإخص انت .. دانا محضرلك بروجرااااام للخروج انهارضة .. انما ايه .. ميخرش المية ..

- ميخرش المية ؟ قول يا عم الطشط

- شوف يا سيدى .. اولا هنطلع على حتة كافيه فى المعادى لسه فاتح جديد
انما ايه جامد طحن فحت رزع ضرب

هوالمينيمام 55 جندى ( 55 جنيه يعنى ) معلش انا عارف انه غالى شوية بساييييييه مش هتصدق عندهم شيشة بجميع انواع الفاكهة الصيفية و الشتوية والربيعية و الخريفية و الدقهلية وشك فى الحيط و قفاك ليا

- ايوة بس ده مبلغ و قدره .. هنجيبه منين يا سبع البرومبة

- متخاااافش عااااااااامل حسابى .. مانا هاكلم الوالا تامر الفنجرى بق ابن الغنية ده اللى خرج معانا المرة الفاتت
و نبرشط عالواد .. مش بقولك بروجورام ميخرش المية .. نياااااااهاهاهاها .. نياااااااااهاهاها

- خلاص يا عم العفريت خرمتلى ودنى بالضحكة الحمارة بتاعتك دى
طب و مين تانى هييجى

- استنى بس اكملك البروجوورام .. هنطلع م الكافيه ع الساعة 12 كده

- هنطلع طبعا مش شايفين قدامنا و الدخان طالع من وداننا

- ماتخاااااافش عااااامل حسابى .. انا بقى عارف الجو ده طالبة معاه ايه .. أحدث أفلام الوالا سعد الصغنـن " لخمة راس "

فيلم هااااااااايل هندخله حفلة ميدنايط ..

- طب و الاكل يا عم البروجراامر

-متخااااااافش والله عاااااااامل حسابى .. هنطلع من الفيلم جاعنين طبعا ..و فيه مننا اللى رجع و جاب اللى فى بطنه فى الكافيه و فيه اللى رجع فىالسيما
بس احنا لسه طالعين من " لخمة راس " يبقى لاااازم ناكل لحمة راااس
هنطلع على عم عبده تلوث ندب الأكلة التماااااام
مش بقولك عامل حسابى ... نياااااااااااااااااااااااااها..

- خلاص خلاص طب و بعد ما ناكل و نرجع اللى كلناه هنعمل ايه يا فكيك ؟

- عيب يا شقيق عيب يا مان عيب يا كوتش عيب يا كوبلن .. و دى تفوتنى بردو

هنعمل الحاجة اللى لا تخلو منها اى خروجة شبابية تكون تماموووز .. هنطلع على أى موووول نتلطع قدام البوابة نعاكس فى مخاليق ربنا
و يمكن ربنا يكرمنا و نختم اليوم اللظيظ ده بخناقة

- طيب كلم باقيت الاوغاد بقى و قلهم يبقوا يجيبوا بطايقهم معاهم عشان احتمال نبات فى القسم الليلة دى

- اكلم مين يا منيل انت .. العيال مترصصة ع القهوة مستنين اما اصحيك ياللا قوم يا مدهول على عينك

- طب بقولك ايه .. عايز اسالك على حاجة من اول المكالمة

هو مين معايا ؟

- ايه الخفة دى ؟احنا هنهظر ولا ايه ؟ انا عمك و تاج راسك ياض

- عمى ايه انا ابويا مالوش اخوات ولاد ..

- انت هتقوم ولا اجيلك البيت اقرفك فى عيشتك ؟

- لا لا متجيش انت عارف ان امى مش بتطيق تسمع سيرتك

- مانا عارف , ماهو امى انا كمان مباتطقش تسمع سيرتى ..

المهم خلص بقى و انجز

سلالم

- سلاحف







و كل يوم على كده لحد ما الاجازة تخلص

و الدراسة تدخل .. و البطيخ يشتغل

و تيجى الاجازة اللى وراها و هلوما جرجر

و لا حياة لمن تنادى

رحمة الله على الشباب

توقيع :Ahmed Adel
هتشوفونى ع القناة التانية إن شاء الله ف شهر 6 .. قولوا آآآآآآمين
robocon2009
ربما يعجبك هذا أيضا


look/images/icons/i1.gif رحمة الله على الشباب
  04-03-2009 06:47 مساءً   [1]
معلومات الكاتب ▼
تاريخ الإنضمام : 2008-08-27
رقم العضوية : 5
المشاركات : 2138
الجنس :
الدعوات : 1
قوة السمعة : 37
هههههههههههههههه والله موضوع دمه خفيف قوى
تسلم يااحمد موضوع مميز زى ما متعودين منك
وفعلا رحمة الله على الشباب


look/images/icons/i1.gif رحمة الله على الشباب
  04-03-2009 09:45 مساءً   [2]
معلومات الكاتب ▼
تاريخ الإنضمام : 2008-08-29
رقم العضوية : 10
المشاركات : 339
الدولة : Egypt
الجنس :
قوة السمعة : 23
ههههههههه شكرا يا نونا ع المرور والرد الكريم..
توقيع :Ahmed Adel
هتشوفونى ع القناة التانية إن شاء الله ف شهر 6 .. قولوا آآآآآآمين
robocon2009

اضافة رد جديد اضافة موضوع جديد



المواضيع المتشابهه
عنوان الموضوع الكاتب الردود الزوار آخر رد
المحامي سعد بن عبدالله الغضيان ضياء الغاطري
0 336 ضياء الغاطري
ملك الاردن عبد الله الثاني يتبرع لترميم قبر المسيح الغير موجود أصلا في عقيدتنا الإسلامية darkedima
0 1959 darkedima
المقصود بختم الله علي قلوبهم Galal Hasanin
0 1928 Galal Hasanin
لماذا حرم الله لحم الخنزير ؟ midogabir
0 1733 midogabir
اهداف مصر و اوغندا هدف عبد الله السعيد (2017/1/21) مراسل كويك لووك
0 1379 مراسل كويك لووك

الكلمات الدلالية
لا يوجد كلمات دلالية ..









الساعة الآن 07:40 PM