أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





نصيحة علي تليفون الأب .. مؤثرة جدا

نصيحة علي تليفون الأب .. مؤثرة جدا الزوج : الو .. ايوة انا جى فى السكة اجيب ايه وانا جى ؟ الزوجة : ولا حاجة ..



31-01-2016 01:02 صباحا
Galal Hasanin
menu_open عضوية موثقة
مدير المنتدي
rating
الأوسمة:1
وسام الادارة
وسام الادارة
معلومات الكاتب ▼
تاريخ الإنضمام : 2008-08-27
رقم العضوية : 1
المشاركات : 11824
الدولة : Egypt
الجنس : ذكر
الدعوات : 22
يتابعهم : 2
يتابعونه : 16
قوة السمعة : 2796
موقعي : زيارة موقعي
التعليم : جامعي
الهواية : شعر
 offline 


نصيحة علي تليفون الأب .. مؤثرة جدا


MjY5MjM5MQ6565SH2

الزوج : الو .. ايوة انا جى فى السكة
اجيب ايه وانا جى ؟
الزوجة : ولا حاجة .. انا جبت كل حاجة الصبح
الزوج : طيب اوك .. انا مسافة السكة واكون فى البيت
جهزى الغدا عشان جعان
الزوجة : حاضر

سابت التليفون ونسيت تقفل ..
وقبل ما يقفل الزوج السكة ..
سمع زوجته وابنه آدم بيتكلموا ....

آدم : هو بابا ما سألش عليا يا ماما؟ ..
الأم : طبعاً يا حبيبى .. دا بيحبك قوى
آدم انا عارف انه ماسألش عليا ..
طب لو هو بيحبنى ..
ماعلمنيش الشطرنج زى ما طلبت منه ليه؟

كل ده والأب حاطط التليفون على ودنه
ركن العربية ووقف يسمع

سمع آدم بيكمل حديثه و بيقول لها ..
انتى عارفة السنة اللى فاتت ..
اول ما الاجازة بدأت ..
اخدت الشطرنج اللى كان جايلى هدية في حفلة نجاحي
ورحت له عشان يعلمنى ..
وبعد ما علمنى حركتين ..
جاله تليفون ولبس ونزل ..
ولما جه كان نسى ..

انتى عارفة يا ماما
مين اللى علمنى الشطرنج .. ؟
ابو هانى صاحبى ..
لما شافنى عمال اتحايل على هانى ..
قاللى تعالى وانا اعلمك ..

الأم : طب وطى صوتك عشان هو زمانه جى ..

كل ده وهو عمّال يسمع ..

آدم : عارفة يا ماما اقولك على حاجة ..
لما باروح اقعد عند هانى صاحبى ..
وباباه يكون راجع من الشغل ..
الاقى هانى يقوللى ..
معلش هاسيبك دقيقة
ويخرج يسلم على باباه ..
واقعد اسمع انا من جوة صوت باباه ..

حضن هانــــــى فييييييين؟ ....
حضن هانى اهوووووو ..
والاقيه داخل الاوضة يكمل لعب ..
بس بيبقى داخل وباباه شايله ..

الكلمة هزته جداً وهو قاعد فى العربية ..

مامته اخدته فى حضنها وقالت له ..
مش انا كل يوم لما بترجع من المدرسة ..
باخدك فى حضنى ..

وهنا سمع الكلمة اللى فتحت سيول دموعه ..
وهو لسة قاعد فى العربية ..

قال لها يا ماما .. انا جعان لحضن بابا ..
قالت له .. يا آدم بابا بيرجع من شغله تعبان
قال لها .. عارف .. وبيبقى شايل حاجات كتير
وبيدخل يكمل شغل وتليفونات فى البيت ..
عارف ..

سكت آدم لأن هو دا الرد المعتاد ..
طب انا هاخد موبايلك العب بيه
لحد ما بابا ييجى ..

بسرعة قفل الخط قبل ما ابنه ياخد باله ..
بس والخط بيتقفل ..
كانت بتتفتح قدامه ..
ابواب اتقفلت وهو مش واخد باله ..

وقعد يفتكر كلام آدم ..
زى ما يكون شريط سنيما ..
ومع كل كلمة بيفتكرها ..
كانت مشاعره بتتهز ..
وسؤال من غير اجابة
إزاى عدّوا 6 سنين من عمر ابنه..
من غير ما يفكر يحضنه ؟
ساعتها حس ..
انه هو اللى محتاج حضن آدم ..

عدّى على محل ..
واشترى شطرنج جديد ..
وحطه فى شنطة هدية ..
ورجع جرى على البيت ..
ماكانش عارف هيعمل ايه ..
ولا هيبدأ ازاى ..
كل اللى كان عارفه ..
انه لازم يبدأ ..
ساب ورق الشغل فى العربية ..
وما اخدش فى ايده
غير شنطة الشطرنج ..

وقف بالهدية على باب الشقة ..
وبدل ما يفتح بالمفتاح ..
رن الجرس ..
عشان عارف ان آدم هيجرى يفتح الباب ..
واول ما آدم فتح ..
لقى باباه واقف شايل الهدية ..
ولقاه واقف بيضحك ضحكة ..
اول مرة يشوفها

مين يا آدم ..
قال لها .. دا بابا

فضل آدم يبص للهدية ..
بس قال فى سره ..
اكيد دى حاجات بابا ..

باباه دخل ..
وآدم قفل الباب
وهو فى طريقه لأوضته ..
كان باباه لسة واقف على الباب ..

سمع باباه بيقول له .. حضن آدم فين؟
آدم اتسمر مكانه .. وابتدا يلف راسه
كأنه بيتأكد ان اللى سمعه صح
قال له .. بتقول حاجة يا بابا ..
قال له .. بقولك ..
حضن آدم فين . ؟؟

صرخ آدم وهو بيترمى فى حضن ابوه ..
حضن آدم اهوووووووووو ..
باباه رمى شنطة الهدية على الأرض ..
وحضن ابنه ..





فضل يبوس فى كل حتة فى ابنه وهو شايله ..
وكأنه اول مرة يشوفه ..

خرجت مراته من المطبخ ..
حالاً الغدا هيكون جاهـــ ....
وقفت مكانها وهى شايفاه داخل شايل آدم ..
وكأن الاتنين فى دنيا تانية مش حاسين بحاجة ..
فضل شايله لحد ما قعد وهو فى حضنه ..
شاور لها بايديه انه مش هيتغدى دلوقتى ..

وفضل الوقت يعدى .. آدم نام ..
وشوية كمان هو نفسه نام ..
وكأن مش آدم بس
اللى كان جعان لحضن ابوه ..

صحى آدم ..
لقى نفسه فى حضن ابوه
بص لابوه وهو نايم ..
وضحك وكمش جسمه ..
وكمل نوم ..
بس لما صحيوا ..
كان فيه حياة جديدة مستنياهم

خلوا بالكم من تصرفاتكم مع ولادكم ..
ماتخلوهمش يحسوا بالغيرة من بيوت اصحابهم ..
خلوهم يعرفوا يعنى ايه حضن بابا وماما
لأنهم لو ما شبعوش من جوة البيت
هيدوّروا انهم يشبعوا من برة ..
بس الشبع اللى من برة ..
تمنه غالى ..
وانتو اللى هتدفعوا الفاتورة ..
وعلى فكرة ..
انتو كمان جعانين لحضنهم ..

انا واثق ان آدم وابوه ..
مش مجرد قصة ..
آدم موجود فى بيوت كتير ..
وواثق كمان ان فيه ابهات وامهات كتير
جعانين لحضن ولادهم ..
اشبعوا من ولادكم وشبّعوهم ..
دا شبع البيوت ببلاش ..

القصة منقولة لما فيها من عبر يغفل عنها الكثير من الآباء ليس بغضا في اطفالهم ولكن اعباء الحياة تأخذنا في طاحونة لا تتوقف من أجل توفير مستقبل طيب لهم ونسينا "حاضرهم"

ارجوا التعليق علي القصة





kwdpm ugd jgdt,k hgHf >> lcevm []h



عزيزي القارئ ضع رداً لنعرف هل نحن علي صواب أم خطأ
ونرجو الابلاغ عن أي رابط لا يعمل


 
 

تقييم الموضوع:
الرجاء تقييم الموضوع
توقيع :Galal Hasanin
Mr. Galal Hasanin

Expert Teacher of English Language
El-Malek El-Kamel High School
Mansoura Secondary School for Girls
Mansoura
01004004263
ربما يعجبك هذا أيضا




المواضيع المتشابهه
عنوان الموضوع الكاتب الردود الزوار آخر رد
بالفيديو اتصال تليفوني خاطي يحمل الكثير من مشاعر التسامح مراسل كويك لووك
0 550 مراسل كويك لووك
هدفي الزمالك في تليفونات بني سويف 2/صفر Galal Hasanin
1 25075 Galal Hasanin
العادلي لمديرأمن السويس فى مكالمة تليفونية اقتلوهم رحمة
0 824 رحمة
بيان بمواقع التنسيق الالكترونى بالجمعيات الاهلية لكل محافظة والعنوان وارقام التليفونات رحمة
2 6185 رحمة
--مخدرات على الفيس نوك وتليفونات اتوصيل المحدرات رحمة
4 1199 mohed

الكلمات الدلالية
نصيحة ، تليفون ، الأب ، مؤثرة ،


 








الساعة الآن 01:36 صباحا


وسوم المنتدى