المشاركة الأصلية كتبت بواسطة: Leader شكرا بسمة علي موضوعك وطبعا مافيش زعل ولا حاجة دا حوار مصريين المفروض بيخافوا علي بعض اولا وعلي مصر ودا الاهم ... يعني مش مهم فرد المهم المجموع اللي هو في صورة مصر.. ربنا يحميها من كل حاقد ومن من له اهداف خاصة ....
اما بعد:::
انا كنت حابب انك تسردي هو د. مرسي عمل ايه من اول ما مسك حتي الآن ..اقصد مافعله وكان مؤثر بطريقة ايجابية وليس مجرد اقوال ... اتمني ان تخبري فعل فعل وليس كلام علي المطلق ... علشان اللي ميعرفش يعرف ...

أما بالنسبة لموقفي فانا لست مؤيد لد. مرسي وعندي اسباب كتير ممكن اذكرها مرة واحدة لكن هبدأ بآخر حاجة علي سبيل المثال
لما عمل الاعلان الدستوري والقرارات الأخيرة كده جالي احساس بان هناك صناعة لفرعون خارق للعادة بانه استحوذ علي كل السلطات والغريب ان اتعمل حشد من الاخوان قبل صدور حتي القرارات عند قصر الاتحادية !!! ما علينا لما الرئيس جه يقابل الشعب توجه لمقابلة مؤيديه من الاخوان (وهم كده كده مؤيدينه) لانه منهم وهم منه ... وتجاهل الناس اللي في ميادين مصر المختلفة ..التحرير مثلا.. اللي الاخوان كانوا دايما بيقولو ان التحرير رمز الثورة ... ولا الاتحادية بقت الرمز الجديد ... ومن هن أصبح هناك فرقة بقي في احنا وهم او اخوان ولا اخوان ... انما الرئيس أتي ليكون رئيس لكل المصريين ولحد الوقت هو رئيس لفصيل محدد في البلد ...... هذا مجرد سبب واحد من الاسباب
وللحوار بقية طويلة
تقبلي مروري وحواري

حضرتك تبقول جالك احساس هنحكم على الناس بالاحساس سورى ده اكبر ظلم
انا لما دخلت الموقع ده كان احساسى من نحيت ناس معين مش حلو خالص بس لما عرفتهم بحب اديقت من نفسى لانى ظلمتهم
هو توجه للناس المؤيد طبيعى لانه لو اتوجه للمعرضين (اللى هما كانوا بيرموا الدخليه باطوب وبيحرقوا ) كان ممكن يموتوه
وهو مش اتجهلم هو قال انا عايز كل الناس
هو رئيس لكل المصرين بدليل انه عمل اللى عاوزينه الناس اللى فى التحرير
فى لقاء مع الناس اللى المعارضين على قناه الجزيره
المذيع بيقوله انتو ايه مطالبكم قاله ان الريس لازم ياجل التأسيسيه شهرين المذيع قاله ما هما اجلوها
قاله عازين حق الشهداء قاله طيب ما الريس هيعيد المحاكمه
قاله حالنا وقف قاله طيب ما الريس بحالك
ده كان حوار فى التحرير والراجل ده قال انه جاى من دمياط يعنى هو لما هيروح التحرير ويسيب شغله فى دمياط الشغل هيمشى لوحده
ارجو ان حضرتك تقولنا بقيه الحوار

المشاركة الأصلية كتبت بواسطة: رحمة حبيبتى بسمة

الاختلاف فى الرأى لا يفسد فى ا لود قضية

وانا فرحت ما مرسى مسك الحكم وقلت مسلم هيتقى ربنا فى شعبه

ولكن

ايه اللى عامله لشعب مصر حتى الان

حوادث اسيوط .القمامة فى كل مكان

واخرها تسبب فى اهدار دم المصريين

وفتنة فى مصر ربنا يستر منها

لا لكل حاكم يتبب فى قت شعبه

حوادث اسيوط هو ذنبه ايه فيها اللى يتحاسب عليها سواق القطار ومسؤل السكه الحديد
ازاى اصل المزلاقان مفتوح ده اهمال من المسؤال عن السكه يعنى الريس هيمى وراء كل قطار ولا عند كل سكه
يـــــــــاما حوادث حصلت وكنا بنقول قضاء وقدر نصيبهم كده وبتقفل الموضوع
اما بالنسبه للقمامه اصلا اتعودنا عليها من 30 سنه انا متهايلى لو نزلنا الشارع مش لقينا قمامه هنمرض
هو اول لما مسك الحكم عمل حمله للنظافه
اهدار دم المصرين :ـــــــــــــ> قال هيعيد الحكم يعنى يعمل ايه اكتر من كده
اما بالنسبه للفتنه اكتشفوا ان عمرو موسى متفق مع سفيره اسرائيل لشغل الريس بمشاكل داخل البلد علشان هما يضربوا فى غره برحتهم والريس ميكونش فايق لغزه
وكمان البرداعى بيدعو اميركا لحل الازمه فى مصر على اساس ان البلاد دى تتمنا لينا الخير من امته بقيت امريكا حلوه

شكرا يابسمه على طرح الموضوع
وللاسف انا مكنتش عايز أتكلم فى السيايه خالص تانى فى المنتدى علشان كنت دايما بسبب مشاكل من زمان بس هضطر اتكلم

اولا أنا مؤيد لمرسى فى بعض القرارات ومعارض فى بعض القرارات الاخرى وده طبيعى بالنسبه لاى مواطن
وشايف أن أداء الحكومه ضعيف حتى الان
بس أولا واخيرا بعترف ان مرسى هو رئيسى ورئيس لكل المصريين ما دام جاء باراده شعبيه
وبالنسبه للقرارات الاخيره بتاعته مؤيد طبعا الاعلان الدستورى فى فكره أنه يشيل النائب العام السابق ويعيد المحاكمات ويحصن مجلس الشورى أما التاسيسيه مفمش هقدر أتكلم عنها علشان مكنتش متابع الخلاف اللى فيها ومعرفتش ايه أوجه الخلاف اللى فيها لما أقرا عنها هبقى أتكلم....
وتحصين قراراته مش هيفرق كتير معانا علشان هو هيبقى التحصين لمده شهريين فقط لحين وضع الدستور والتحصين ده يتشال ويبقى ده اللى مطلوب
واللى بيقول انه بيستغل السلطه التشريعيه ده بسبب وجود فراغ فيها من الاساس وهو اضطر يستخدمها لاقاله النائب العام وبايده كل التاييد فيه استخدامها حاليا واللى مش عاجبه يبقى مكنش مجلس الشعب يتحل
لان مجلس الشعب برضه كان جاى باراده شعبيه

وللاسف الان فى معارضه لمصلحه مصر ده أنحنى لها تعظيما وفى معارضه فقط من اجل اسقاط الرئيس او محاوله افشاله وده حسبى الله ونعم الوكيل فيها

يعنى لما معارضه تقول نهجم على مقرات الاخوان ونحرقها ده يدل على شده جهلهم وتخلفهم والاخوان من حقهم الدفاع عن مقراتهم بكل السبل المتاحه لهم ومش هلومهم على كده خالص

وفى نقطه أنا ضدها اللى يعارض الرئيس معارضه من اجل مصر ميحطش ايده فى ايد الفلول.....

وبالنسبه لموضوع النظافه أنا شايفه غير فعال حتى الان علشان تطبيقه محتاج وقت طويل مش فى شهرين بس هنبقى زى امريكا تركيا برضه حتى الان لم تنهى هدفها فى مجال النظافه....
والعيب مش فى العمال المسئوليين عن النظافه ولكا العيب أيضا فى جزء جاهل من الشعب لما يرمى ( الزباله ) جمب صندوق الزباله ويسيب الصندوق فاضى... وده مشهد شفته كتيييييييير قوى

شكرا لكل اللى شاركوا
وشكرا لتغريد ردك سليم ده فعلا اللى عاوزه اقوله

محمد مش عارفه اقولك ايه انت سليم اوى فى تفكيرك

على العموم لكل وحدا وجه نظره بس يا جماعه حرااام اوى اللى بيحصل كل يوم دم
هى دى مش بلدنا ولا ايه

اللهم اهدي الاحوال في البلاد وانصر مصر يارب