بالعلم فقط

بالعلم فقط هتكون اقوى انسان فى الكون

بالعلم فقط هنكون اقوى دولة فى العالم
اوعى تكون فاكر ان الدوله القويه قويه فى جيشها وبس

واوعى برضه تكون فاكر ان الحروب اللى جايه هتبقى حروب بالاسلحه
لان التاريخ الطويل للانسان علمه ان الحرب خسارة للطرفين

الحرب اللى جايه او الحاليه عباره عن سباق...سباق العقل والتفكير
سباق الابتكار....او تقدر تقول سباق السبق

القدس مش هتتحرر طول ماحنا متخلفين....زمان كانت بتحرر بالاسلحه ايام صلاح الدين الايوبى بس ده زمان

قوتنا هتتغلب على اسرائيل فى حالة تفوقنا عليها فى البحث العلمى ولو تفوقت عليها فى البحث العلمى هتتفوق عليها عسكريا وفى كل حاجه تانيه.

العالم مش هيعرفك غير لما يفتح جهاز او علبه ويلاقى مكتوب عليها
Made in egypt

الصين رجعت زمن التتار تانى وبدأت تكتسح العالم من جديد لكن مش بالاسلحه (بالعلم).

اليابان بعد قنبلتى نجازاكى هيروشيما العالم كله قال خلاص الدوله دى انتهت من الوجود ومش هيقوملها قومه بعد كده
لكن بعد 10 سنين من العمل والبحث العلمى فاجئت العالم كله وبقت من رواد صناعة السيارات والتكنولوجيا فى العالم.

وزى ما اطفال غزة بتموت كل يوم بسبب ان مفيش حد يدافع عنهم لاننا عاجزين امام قوة اسرائيل العلميه ثم العسكريه

برضه معرفناش ندافع عن اطفالنا فى اسيوط لان مفيش خطة علميه لتطوير المرور والسكك الحديده فى مصر
وقبلهم برضه كتير ماتو فى حواث قطارات وطرق بسبب الاهمال.

من الاخر





هتفضل فى خريطة العالم التالت طول مانت مبتهتمش بالعلم والبحث العلمى ومعنى انك من العالم التالت انك مستهلك وبس وعايش عاله على العالم.

جدد تاريخك واكتبه بالقلم الجاف (لانه مبيتمسحش) يارب نفهم.

•––––ılılı.ılılı M.NaSh'aT ılılı.ılılı––––•