في حالة فوز مرسي ...!!

أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .

: اضافة رد جديد اضافة موضوع جديد

الصفحة 2 من 2

: في حالة فوز مرسي ...!!

19-06-2012 04:25 مساءً [6]

: هانا

هانا

مشاهدة الملف الشخصي

البحث عن مواضيع العضو هانا

البحث عن ردود العضو هانا

شخصية هامة

تاريخ الإنضمام : 2008-08-27

رقم العضوية : 2

المشاركات : 3381

الدولة : مصر

الجنس :

تاريخ الميلاد : 8-8-2000

الدعوات : 1

قوة السمعة : 417

التعليم : ثانوي

الهواية : شعر; المشاركة الأصلية كتبت بواسطة: rose كنت مقاطعععععععععععععععععععععة
برااااااااااااااااااااافوووو يا روزا بس المهم ميكونش شفييق و شكرا لرأيك و ردك

: في حالة فوز مرسي ...!!

20-06-2012 06:18 مساءً [7]

MNS

مرشح للاشراف

تاريخ الإنضمام : 2008-09-24

رقم العضوية : 184

المشاركات : 4447

الدولة : ُEgypt

الجنس :

تاريخ الميلاد : 25-1-1994

قوة السمعة : 244

هو أولا عندنا فى البيت كنا مقتنعين بابو الفتوح والمرسى بس قررنا فى البيت أخيرا أن نعطى صوتنا لأبو الفتوح علشان الكتله التصويتيه بتاعت الاخوان كانت شبه مضمونه وهما كانوا منظمين
وكان هدفنا من كده هو أن لعل وعسى تكون الاعاده بين مرسى وأبو الفتوح بس يافرحه ما تمت لسه فى نسبه جهل كبيره فى الشعب اللى موصلش ليهم مفهوم الثوره وانتخبوا شفيق

فى جوله الاعاده طبعا كان صوتنا لمرسى لان مهما كان الاخوان كانوا ممن شاركوا فى الثوره وكان ليهم دور مؤثر بالرغم من وجود بعض الاخطاء الفادحه التى حدثت خلال الفتره الانتقاليه
ومهما كان الاخوان كان ليهم شهداء فى الثوره ومش هساوى بين الاخوان وبين شفيق
واذا كان خلاف بعض الناس مع الاخوان سياسيا فخلافنا مع شفيق هو خلاف دم
وبرضه معظم أهالى الشهداء ووالده خالد سعيد كانوا اعلنوا تاييدهم لمرسى فى جوله الاعاده
والسبب فى المشاركه فى جوله الاعاده هو مواجهه الفلول ومن أجل الحفاظ على دماء الشهداء لانى لو مكنتش هشارك فى الانتخابات يبقى كنت أنزل مظاهرات من أول يوم من اعلان نتيجه الجوله الأولى

ثانيا فى بعض الناس اللى قالوا أن المرسى لما بيناقشوه فى حاجه كان بيقول أنه هيرجع لراى حزبه وانا شايف برضه انه مش أخطا فى اى حاجه بل ده دليل على انه من الناس التى تعى الديمقراطيه بمعنى الكلمه زى مثلا رئيس الوزراء ببريطانيا أى حاجه تواجهه بيقول هيرجع ياخد راى حزبه اولا وهذا دليل على الديمقراطيه وده تم مناقشته سابقا فى بعض البرامج

وطبعا اذا شفيق كسب أكيد لأما بالتزوير وساعتها مش هسكت على الظلم وهشارك فى المظاهرات ده ولأما ديمقراطيا وده هيكون على ان الشعب معظمه ندل وميستحقش حياه كريمه بالمره ووقتها مش هنزل اشارك فى أى مظاهرات ويبقى وقتها وداعا يامصر وحفظكى الله

وبالنسبه للاعلان المكمل ده دليل على مراوغه العسكر فى تسليم السلطه وأن العسكر واضح طبعا أنهم عايزيين مزايا يعنى مجلس الشعب احنا اللى اخترناه أما المجلس العسكرى فمبارك هو اللى جابه من غير ارادتى والعسكر مش هيسيبوا أى مزايا تروح من بين ايديهم بالساهل الا بالضغط الشعبى.

: توقيع :MNS

: Once more into the fray
Into the last good fight I'll ever know
Live and die on this day
Live and die on this day

: في حالة فوز مرسي ...!!

20-06-2012 06:20 مساءً [8]

MNS

مرشح للاشراف

تاريخ الإنضمام : 2008-09-24

رقم العضوية : 184

المشاركات : 4447

الدولة : ُEgypt

الجنس :

تاريخ الميلاد : 25-1-1994

قوة السمعة : 244

وبالنسبه لان مرسى ينفذ أو يحقق مطالب الثوره أنا لما رشحته فى الاعاده كنت مقتنع بيه بس لو أخد صلاحيات الرئيس المناسبه واللى تاهله أنه يقود البد وينفذ برنامجه ولكنه محققش المطالب الثوريه من حريه وديمقراطيه وعداله وكرامه وتوفير فرص عمل ونظافه للبلد جيده فأنا وقتها مش هنتخب الاخوان فى أى انتخابات بعد كده تانى

: توقيع :MNS

: Once more into the fray
Into the last good fight I'll ever know
Live and die on this day
Live and die on this day

: في حالة فوز مرسي ...!!

21-06-2012 03:04 صباحاً [9]

Galal Hasanin

مدير المنتدي

تاريخ الإنضمام : 2008-08-27

رقم العضوية : 1

المشاركات : 12108

الدولة : Egypt

الجنس :

الدعوات : 28

مشاركات مكتبة الميديا: 1033

قوة السمعة : 2896

موقعي : زيارة موقعي

التعليم : جامعي

الهواية : شعر

محمد ::: أم خالد سعيد انتخبت حمدين في الجولة الاولي وابطلت صوتها في الثانية ..مجرد تصحيح معلومة ولو ان ام خالد سعيد مش مقياس.
بقيت كلامك انا شبه مقتنع بيه عقليا (يعني تفكير في ان الاخوان منظمين وكتل تصويتية هايلة) وهم شاركوا في الثورة وليهم شهداء كل ده تمام ... لكن ما ننساش انهم مالهمش الا مصلحة الجماعة اولا ولو توافقت مع مصر "يبقي خير" ولو تعارضت "الجماعة أولا" ودا كان واضح من البدايات في المفاوضات مع عمر سليمان ... ثم بعد التنحي اخذوا علي عاتقهم "البرلمان شعب وشوري" ثم تأسيسية ثم تطلع الي الرئاسة يعني يبقوا حزب وطني بس بس بطعم الاخوان ... وكان الثوار في مجلس الوزراء بيموتوا والبنت تتعري وهم ودن من ... وودن من ... وكمان عند محمد محمود وغيره ... وكفاية في 25 يناير لما الاخوان نزلوا باعدادهم الهائلة يحتفلوا بنجاح الثورة اللي محققتش ولا هدف الا التوقيت الصيفي ومزيد من الشهداء والمصابين والبلطجية وافلام الطرف الثالث المهروسة اللي شككتنا حتي في نفسنا .... والامريكان اللي اتهربوا بعلم الاخوان ....
أما بعد محمد مرسي كل اللي يقدر يعمله انه يقص شريط افتتاح ويحيي الجماهير العريضة لان مالوش صلاحيات دا الكلام لو المجلس العسكري سابه يعدي ويفوز .... يعني حتي الانتخابات لعبة من العاب اللهو الخفي...
مع شكري وآسف علي الاطالة yes

: توقيع :Galal Hasanin

: Mr. Galal Hasanin
Expert Teacher of English Language
El-Malek El-Kamel High School
Mansoura Secondary High School

: في حالة فوز مرسي ...!!

21-06-2012 05:43 صباحاً [10]

MNS

مرشح للاشراف

تاريخ الإنضمام : 2008-09-24

رقم العضوية : 184

المشاركات : 4447

الدولة : ُEgypt

الجنس :

تاريخ الميلاد : 25-1-1994

قوة السمعة : 244

شكرا مستر ليدر على الرد والتعليق
أولا بالنسبه لجزء أم خالد سعيد اللى أنا قلته ده هو أن عم خالد سعيد على قناه الجزيره مصر قال أن المرسى أقرب ليهم عن شفيق بس ن ناحيه المقاطعه فده أنا مش متأكد منه بس أنا افتكرت لما هو قال كده أنه مؤيد للمرسى فى جوله الاعاده
وبالنسبه أن الاخوان ملهومش الا مصلحه الجماعه فده تمام فعلا وفعلا مش بيدورا الا على مصلحتهم وكانوا طماعين فى السلطه وحاولوا يسيطروا على حاجات كتير وفى التاسيسيه للدستور كان ليهم أخطاء فادحه وخلال الفتره الانتقاليه أنا قلت فى ردى كان ليهم أخطاء فادحه أنا مقلتش أنهم مغلطوش
وفى فرق بينهم وبين الحزب الوطنى منعا للخلط هو أن الحزب الوطنى كان بيوصل بالتزوير أما هما وصلوا باراده الشعب فى انتخابات مجلس الشعب والشورى وأنا كنت ضد أنهم ياخدوا نسبه كبيره تصل ل 47% بس اللى حصل أن أغلبيه الشعب اختارهم فده شىء من الديمقراطيه لازم نستوعبه ونعيه طالما مكنش فى تزوير

ومينفعش نتهم أن الاخوان ساعدوا فى تهريب الأمريكان وهما ما شاركوش فى كده وكانوا ضد ده والاخوان نفوا الكلام ده أكثر من مره وكانوا طالبين استجوابات فى مجلس الشعب بس للاسف المجلس العسكرى وحكومه الجنزورى كانوا بينفذوا بس اللى هما عايزينه ومجلس الشعب المنتخب من قبل الناس لم يكن له أى قيمه
والجنزورى اللى فى أول يوم لاجتماع مجلس الشعب محضرش فى مجلس الشعب وكان من الواجب حضوره
وللاسف الاخوان ايدوا حكومه الجنزورى فى البدايه وده لوحده خطأ فادح وانقلب عليهم بعد كده فى كل حاجه واحنا كلنا شفنا كده وأنا شايف أن حكومه عصام شرف كانت أرحم من حكومته وكان من النتائج حل مجلس الشعب وأن المجلس العسكرى استعاد السلطه التشريعيه مره تانيه وكل ده ضحك على الشعب

وبالنسبه لسعى الاخوان للرئاسه فده هدف ليهم منقدرش ننكر كده بس هما فى البدايه حاولوا يرشحوا واحد مدنى مستقل ميكنش من الاخوان زى المستشار حسام الغريانى أو حسن منصور ولكن فى الاخر كلاهما تأسفا ورفضوا الترشح ولم يبقى لهم خيار سوى أنهم رشحوا خيرت الشاطر ثم مرسى وكانوا رافضين تماما ترشيح أبو الفتوح لما حدث من خلافات بينهم

وللاسف أنا ملقتش الاخوان بس طماعين فى السلطه بس لقيت برضه السلفيين كان نفسهم يبقى حازم صلاح موجود وأنه يكسب ولما خرج نسبه كبيره من السلفيين مشاركتش فى الجوله الاولى وأنا متأكد من كده وفى الأخر تطلع الجماعه الاسلاميه تعتذر على أنها وأن السلفيين معرفوش يايدوا أبو الفتوح كويس وكان السبب الحقيقى أن فى نسبه منهم ما شاركتش وفى الأخر اضطروا غصب عنهم يشاركوا فى جوله الاعاده خوفا فقط من فوز شفيق
ونفس الموضوع لابو الفتوح وحمدين صباحى معرفوش يوحدوا نفسهم على مرشح وكل واحد فيهم عايز هو اللى يكسب وكل واحد يقول سنحسمها من أول جوله وفى الأخر هما الاتنين حسموها من الجوله الأولى وخسروا بكل أسف
ووصل شفيق بس اختيار سىء من الشعب لأما بالتزوير لأما باختيار شعب ندل
وانا شايف أنه كان بالتزوير وكان نفسى الاخوان يقاطعوا الجوله التانيه وننزل كلنا ثوره من جديد لان مفيش مطلب ليه واحد اتحقق وحق الشهداء مشفتهوش
بس للاسف لما استكمولوا المشاركه قلت لازم أشارك وفى ناس كتير اضطروا يشاركوا خوفا من فوز شفيق ليس الا
وفعلا عند حضرتك حق يامستر أنها مسرحيه هزليه شديده الردائه وأكيد المجلس العسكرى مصلحته أن يبقى ليه مزايا والصلاحيات تكون بايده وفى حاجه أنا كنت حلفت لاصحابى أن شفيق هو اللى هيكسب مش مرسى
والسبب فى ناس من العسكر وناس لواءات ومنهم لواء ليه صله قرابه من والدى قال ده حلم أن العسكر يضربوا تعظيم سلام لواحد مدنى ما بال حضرتك يامستر أنه يكون واحد من الاخوان

والمجلس العسكرى واخد لحد دلوقتى بعد فوز أى رئيس صلاحيات متمكنش الرئيس القادم أنه يعمل حاجه تخليه يبقى منظر فقط ولا ليه أى لازمه والاخوان طبعا رافضين كده وجموع الشعب برضه

بس اللى حصل فى الاخر أن المجلس العسكرى ضحك على الشعب كله ومش هنكر كده وبعد سنه ونص فى الشارع ألاقى كل واحد يقولى مش فارقه معايا يجى مرسى أو شفيق أنا عايز استقرار أقوله وحق الشهداء قالى ياخدوه عند ربنا
للاسف الناس تعبت وزهقت من الثوره وراح من عندهم مفهوم الثوره ومش فارق معاهم شهداء ولا غيره وده بسبب أن فيه نسبه كبيره من الشعب جاهل فعلا واكبر دليل اللى اختاروا شفيق نسبه كبيره من الناس قليله الوعى بحجه عوده الأمن ونسبه أخرى من اصحاب المصالح
وبالنسبه لأن شفيق يرجع الأمن ولا هيرجع أمن ولا حاجه أول حاجه هيعملها أنه هيطلع روح الشعب المصرى واحد ورا واحد وهنكون رجعنا بكده لنظام مبارك اللى احنا أصلا لسه فيه

ودلوقتى الاخوان مش معاهم مجلس شعب ولما تتعاد الانتخابات ياريت يزيد وعى الناس ومش نركز كلنا المره دى على حد معين لازم يبقى فى تنوع خاصه أن الوقت الحالى اختلف عن قبل كده بعد الثوره الناس مش لاقيه أى أحزاب منظمه غير الاخوان والنور ممكن بسبب التنظيم أو عايزيين يجربوا الاسلاميين والدين بس دلوقتى بدأ تظهر أحزاب نفسى تبقى منظمه زى الدستور لسه فى بدايه طريقه بس ان شاء الله مسرته هتبقى كويسه وحزب الوسط كان عجبنى بس المشكله فى الاشخاص اللى رشحوها فى محافظتى كان فى منهم ناس عارفها وأنا شايف أنهم ميستحقوش انهم يتحطوا على اول القائمه وغيره
واللى كسبوا فى المخافظه عندنا مشفتهمش فى مجلس الشعب غير مره واحده يوم حلف القسم بعد كده مشفتهمش فى التلفزيون غير مره واحده كمان فمش هختارهم تانى فى مجلس الشعب

وفعلا يامستر الاخوان خاصه كان ليهم أخطاء فادحه جدا فى الفتره الانتقاليه لا يمكن تخطيها
والثوار كان ليهم أخطاء فى عدم التوحد
بس ربنا يسهل ونعرف نتوحد ونعرف نرجع ثورتنا وهفضل ديما مؤمن بان الثوره مستمره حتى لو معظم الشعب مش بيفكر فى الثوره او حق الشهداء وده اللى شايفه فى الناس فى مدينتى خاصه فأكيد هختار أى طريق فى حياتى أحقق بيه أهدافى ومش هستسلم للواقع المرير الا لما أعرف أوصل لحل أحقق بيه أهدافى
وشكرا مستر ليدر على تصحيح الخطأ الذى ورد فى ردى السابق
واشكرك على الاطاله لتوضيح رأيك ووجهه نظرك

: توقيع :MNS

: Once more into the fray
Into the last good fight I'll ever know
Live and die on this day
Live and die on this day

اضافة رد جديد اضافة موضوع جديد

الصفحة 2 من 2

المواضيع المتشابهه
عنوان الموضوع	الكاتب	الردود	الزوار	آخر رد
كيفية الحفاظ على تلاجات كريازى بحالة جيدة من خلال الصيانة الدورية	اروي	1	268	اروي
الرحالة - المسافرون العرب	نوبارا	0	455	نوبارا
التعبير عن النصيحة باستخدام قاعدة IF الحالة الاولي والثانية	Galal Hasanin	1	2686	Galal Hasanin
خريج توكتوك مع عمرو الليثى يلخص حالة مصر	Mona Galal	0	1282	Mona Galal
مذكرة المتيني لاحالة مرتضي منصور للصلاحية	Galal Hasanin	0	1739	Galal Hasanin

الكلمات الدلالية

في ، حالة ، فوز ، مرسي ، ...!! ،

« ضابط جيش يحاول الإدلاء بصوته في الانتخابات | بالفيديو الشيخ الزغبي ينصف البرادعي و يعتذر عن تاييده للعسكر ويعتذر لشباب 6 ابريل وحركة كفاية »

الساعة الآن 11:14 PM

سياسة الخصوصية