logo

أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





16-06-2012 10:18 صباحاً
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس :
تاريخ الميلاد : 25-1-1994
قوة السمعة : 244

303512_309394119150949_1659853213_n






أحب أبدأ الموضوع بقصيدتتين أعجبونى

والأولى لمحمد الأباصيرى


سبنى ومشى مبارك .............. الشعب جابوا تانى بإيديه
هتقولى ازاى دا مرمى ف طره ... اومال شفيق دا بيعمل ايه

انضحك علينا ف محكمه .................. والعدل تاه بينا يا بيه
شعبنا دا شعب غلابه ............. وبأى كلام مضحوك عليه
ضحكوا علينا وقالوا ثوره ............. والنظام رجعين كدا ليه
قالولنا حق الشهدا هيرجع ...... يوم القيامه نتحاسب فيه
دم الشهيد بينا دا ضاع ............. والشعب للظلم انصاع
وقلب أمه دا حرقوه ................ قال بالفلوس هيطافوه!




والثانيه



252388_2784039699776_1988752827_n



رائعة احمدفؤاد نجم - سيادة المخلوع ... ارجعلنا


سيادة المخلوع ... ارجعلنا


... مش انت واحد مننا ؟؟

و عمرك في يوم ما سرقتنا

...ولا خدت مليم مننا

ما تيجي طب ترجعلنا

تقعد بأهلك وسطنا

أهو مرة تاكل أكلنا

وتلبس يا خويا من لبسنا

وتعيش في حارة او في شارع زينا

قلت ايه ؟؟ يا حارق دمنا

سيادة المخلوع ... ارجعلنا

وغداك يا سيدي عندي أنا

رز و بطاطس مسرطنة

لحمة ؟؟... مفيش من سنة

فاكهة ؟؟... تعيش انت و أنا

و الشاي .. بآخر معلقة م السكر اللي كان عندنا

اشرب و فوق وركز بقه .. علشان نكمل حكينا

سيادة الرئيس ... ارجعلنا

مش سبت الحكم .. لأجلنا ؟؟ـ

ما تيجي تسمع حكمنا !!ـ

أفكرك ؟؟ ولا انت فاكر زينا

قطار اتحرق من كام سنة

وغازنا اللي طار من أرضنا ... لعدونا

وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا

ومركبة بأحلى شباب ... ييجوا من ايطاليا غرقانين .. والقرش ياكل لحمنا

والله كانوا زينا

ويمكن أحسن مننا

لهم بيوت و ولاد و عيشة و حلم .. زي حلمنا

اتغربوا و اتبهدلوا .. لما الفساد طال كل حاجة في أرضنا

واللي ما ماتش .. قاعد في غربته .. والغريب بيذلنا

اقول كمان ؟؟ ولا كفاية ... و اهو انت عارف عننا

أصبر هتسمع حكمنا

سيادة الرئيس ... ارجعلنا

ولو انت واحد مننا

فعلا يهمك أمرنا

بينا عالنائب العام .. تفتنله على ولاد الحرام ... مصوا بلدنا و دمنا

و افتن دي فتنة مش حرام .. ده حقنا

دا لو انت واحد مننا

أصبر هتسمع حكمنا

سيادة الرئيس ... ارجعلنا

اقعد معانا و زينا

هعرفك .....ـ

دي (أم خالد) أمنا

ودول أهل (سالي) أهلنا

و(عمر بن بنونة ) إبننا

فسر و احكي و قللهم .. و قللنا

واستسمح الروح اللي منورة في الجنة عند ربنا

هتقول مكنش قصدنا ؟؟ـ

دول ماتوا غصب عننا ؟؟ـ

كداب و فاجر .. و اللي يصدقك زيك .. والكدب ريحته منتنة

تتشل إيد اللي ضرب ،، و اللي أمر ،، و عليكوا لعنة ربنا

أصبر هتسمع حكما

أيوه بقول ارجع لنا

ياللي سرقت حلمنا

وغربتنا و نهبتنا ... و في كل حتة أهنتنا

إحنا اللي سال دمنا

في الأربعين و اسكندرية و التحرير يشهدلنا

آدي القفص ... أقف هنا

والشعب يحكم .. مش أنا

صدقني ... هي بينة

من فوق سبع سماوات .. قالها ربنا

العين بالعين والسن بالسن ... و هو دا بقه حكمنا ... و مفيش غيره عندنا ..






كان مجرد حلم بعد الثوره أن احنا نبقى شعب محترم ليه كيان نحمى ثورتنا نعيش حياه كريمه مفيش ظابط يوقفنى ويبهدلنى وأنا مش متهم ولا عملت حاجه مفيش اعتقالات سياسيه
كان نفسى أما أدخل أى مكان الخدمات تكون متوفره لكل مواطن عادى مفيش أى تفرقه بس للاسف كل مكان أدخله ألاقى فيه رشوه محستش بيوم بأى حياه كريمه محستش بكرامتى فى بلد باعت كرامه شعبها....... كرم الله مصر والمصريين فى القرأن الكريم ولكن نحن لم نكرم أنفسنا بتصرفاتنا وقيادتنا الهزيله يعاملنا الكثير بخارج وطننا على أننا عبيد...... كل مواطن حاطط هدف وهو أنه يخرج من مصر يبعد عن مصر.... كل حاجه نقول ده شعب هيفضل طول عمره كده شعب حابب الذل والمهانه

قامت الثوره علشان تحقق هدف من أهداف كل مواطن..... علشان تنشر الوعى فى نفوسنا ..... قناه السويس والغاز الطبيعى والذهب وحاجات كتير فى مصر فين حقى فيها؟!!!! كل حاجه كان يتقال أن مصر فقيره بس الحقيقه اللى وجدناها أنها غنيه بكل المقاييس ولكن لا توجد عداله اجتماعيه تماما قيادات تنهب فلوسنا وثرواتنا ومعيشيينا فى ذل وهوان ....... حكومه تبهدل فى الشعب والشعب يقتل فى بعضه ده اللى احنا شفناه

اذا أنا وانا فى بلدى ومش عارف أجيب حقى ومش لاقى كرامتى ايه اللى يخلينى أعيش فيها من أصله؟! واذا خرجت من بلدى هلاقى كرامتى ازاى وأنا مش لاقيها فى بلدى؟!
احنا فى بلد محدش بيجيب حقه فيها الا بالدراع للاسف وقضاء غريب ..... أمهات الشهداء أولادهم ماتوا ومش عارفيين يجيبوا حق ولادهم فى البلد اللى باعتنا دى

ضحكوا علينا وقالوا دى ثوره....ضحكوا علينا وقالوا ده استفتاء......ضحكوا علينا وقالوا دى انتخابات مجلس شعب.....ضحكوا علينا وقالوا دى انتخابات الرئاسه
وفى الاخر طلع ما يمثل انقلاب عسكرى ناعم وأنا كنت نايم....ده كان مجرد حلم عندى ....دى كانت مجرد فكره أنى أبقى مواطن مصرى ليه كرامه وليه حقوق
درست حقوق انسان وأنا حتى ملقتش ليه حق زى حقوق الحيوانات

اذا كانت انتخابات رئاسيه نزيهه وجاءت فعلا بشفيق فانه فعلا سيكون شعبا لا يستحق أى ثوره ولا يستحق أى حياه كريمه فمن الديمقراطيه أن أحترم رأى الاغلبيه طالما كانت نزيهه ...... حق الشهيد ضيعناها ومعرفناش نجيبه كل مجرم حقير متواطىء أمثال مبارك والعادلى مخدوش عقاب يذلهم ويهينهم ويحسسهم أنهم مجرد كلاب سلطه وكلاب العادلى أخدوا براءه وجمال وعلاء براءه
أما بقى الثوار اللى ماتوا حقهم مدفون فى ارض شعبها ذليل واذا احنا كنا شعب نذل مش يستحق أى كرامه فالشهداء ليهم أحسن كرامه وحقهم اذا احنا مجبنهوش فهم هيجيبوه يوم القيامه
بس أنا أو أى مواطن كان عنده حلم لم يعد أمامنا سوى خيارين أما أن نقوم بثوره جديده وأما ان نرضى بحياه الذل ونصبح كالعبيد


بعد كل جريمه قالوا المرتكب طرف ثالث وأنا مش عارف لحد دلوقتى بقالنا سنه ونص مش عارفيين مين هو الطرف الثال ده غير أنى بخاف منه ولما بيظهر بتضيع حقوق الناس
580117_366880156707093_801850627_n

كان حلم جميل وهفضل أحلم

فى الاخر هقول


كما أن للبيت رب يحميه
فللبلد رب يحميها
لك الله يا مصر
ياريت كل واحد يقولى احساسه ايه دلوقتى بعد الثوره واللى حصل !!!


تم تحرير الموضوع بواسطة :MNS بتاريخ:16-06-2012 05:59 مساءً
توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day
ربما يعجبك هذا أيضا


look/images/icons/i1.gif كان مجرد حلم
  16-06-2012 10:58 مساءً   [1]
معلومات الكاتب ▼
تاريخ الإنضمام : 2008-08-27
رقم العضوية : 6
المشاركات : 9822
الدولة : EG
الجنس :
الدعوات : 29
قوة السمعة : 1561
التعليم : جامعي
الهواية : طهي
حاسة بالحزن الشديد وقلبى يبكى على كل شهيد وعلى كل مصاب فى ثورة جميلة قامت لتحقق حلم رائع وفى النهاية رجعنا زى زمان واصعب من زمان

حاسة بآه جوايا

كان نفسى يكون بكرة لبلدى ولاولادى احلى من اللى فات
بس على رأيك يا محمد كان حلم


توقيع :رحمة
quicklook4u-bffcd6e0bc


look/images/icons/i1.gif كان مجرد حلم
  17-06-2012 08:45 صباحاً   [2]
معلومات الكاتب ▼
تاريخ الإنضمام : 2008-08-27
رقم العضوية : 4
المشاركات : 6616
الدولة : مصر- Egypt
الجنس :
تاريخ الميلاد : 17-5-1994
الدعوات : 8
قوة السمعة : 815
موقعي : زيارة موقعي
التعليم : جامعي
الهواية : الانترنت
ليه نبرة الحزن و الاستسلام دى
دى ثورتنا احنا و احنا الى هنجحها ان شاء الله مهما حصلت عليها مؤامرات دنيئة لاجهاضها
لازم نتحد تانى و نوعى كل الناس باهداف الثورة من جديد لان احنا هوا هواه نفس اشعب الى قام بالثورة الاولى مش ناس غيرنا احنا الى اتضربنا فى الميادين و اتخنقنا بغازاتهم اسامة و رصاصهم المميت و كان كل الناس واقفين بكل قوة بس لما كانوا فاهمين اما دلوقتى بيشتتوا افكار الناس بعيد عن الثورة سواء فى انتخابات فاشلة او ازمات مفتعلة او امن قال ايه لسه مرجعش علشان الشرطة زعلانة ؟!!!
فمحدش يستهين بدورة فى انه وعى الى حولية سواء باكلام المباشر و لو (فلول) يبقى بالتلميح لغاية لما يقتنع انا مثلا فى امتحان العربى كان فى موضوع التعبير نكتب عن البطولة فكتبت عن الثوار و الشهداء و دورهم ف اسقاط الفساد و كلام من ده يمكن الى يقرا الموضوع يقتنع بكلامى :) بس لو فلول عليه العوض ف الامتحان :D
فالحلم لسة ماضعش و هيفضل موجود جوانا لغاية لما نموت ولازم الثورة تكمل اكيد

اضافة رد جديد اضافة موضوع جديد



المواضيع المتشابهه
عنوان الموضوع الكاتب الردود الزوار آخر رد
صور موديلات يونيفورم - مكان لبيع اليونيفورم ( بأقل الاسعار 01223182572 ) nemoooo
0 288 nemoooo
شركة مدينة نصر للإسكان والتعمير شيماء محمد
0 196 شيماء محمد
شقق للبيع في كمبوند تراس احدث مشاريع شركة التعمير والإسكان للاستثمار العقاري شيماء محمد
0 277 شيماء محمد
كمبوند سراي مدينة نصر للاسكان والتعمير شيماء محمد
0 274 شيماء محمد
جميع خدمات السوشال ميديا في مكان واحد فقط كريمة افندم
0 322 كريمة افندم

الكلمات الدلالية
كان ، مجرد ، حلم ،









الساعة الآن 03:31 PM