أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





يا مصر هانت وبانت كلها كام يوم

يا مصر هانت وبانت يا مصر هانت وبانت كلها كام يوم نهارنا نادي ونهار الندل مش باين الدولة مفضلش منها إلا حبة شــوم لو مش م ..



25-11-2011 01:19 صباحا
Galal Hasanin
menu_open عضوية موثقة
مدير المنتدي
rating
الأوسمة:1
وسام الادارة
وسام الادارة
معلومات الكاتب ▼
تاريخ الإنضمام : 2008-08-27
رقم العضوية : 1
المشاركات : 11824
الدولة : Egypt
الجنس : ذكر
الدعوات : 22
يتابعهم : 2
يتابعونه : 16
قوة السمعة : 2796
موقعي : زيارة موقعي
التعليم : جامعي
الهواية : شعر
 offline 


يا مصر هانت وبانت
يا مصر هانت وبانت كلها كام يوم
نهارنا نادي ونهار الندل مش باين
الدولة مفضلش منها إلا حبة شــوم
لو مش مصدق تعال عالميدان عاين
ياناس مفيش حاكم إلامن خيال محكوم
واللـي هيقعـد فـي بيته بعـدهـا خـاين
اللـي هيعـقــد كـأنـه ســــلـم التـانيـن
للأمن باديه وقاله هما ســاكنين فين
وصلت لضرب الرصاص …………
………………عالخلق في الميادين
حتى الجثث حجزوها اكمنهم خـايفين
يامصر أصبحنا أحياء وميتين مساجين
واللي هيقعد في بيته يبقى مش مفهوم
واللي هينـزل الهـي حارســه و صـاين
يا مصـر هانـت وبانـت كلهـا كـام يـوم
نهـارنا نادي ونهـار النـدل مــش باين
نهـارنـا نـادي وبـأيدينــا علـى فكــــــره
الصبح عنده فضول راح نعمل إية بكره
إيـده على الباب وخايف يلمــس الأكره
ادخـل يا أســـتاذ براحـتك والبلـد حــره
إحـنا زهقنا نشــوف الصـبح مـن بــره
ادخــل وخــرج بقـايـا العتمــه بـالمـره
الناس ديه حره وجنود الأمن مضطره
ياصبح طلعت روحنا لجل تيجي ياخي
طالعين نجيبها أهوا فى كل حاره وحي
حتـى لــو ضـربونـا بالـرصــاص الحي
شوف المداين كده مفروشه خلق وضي
دايمــاً مفاجــأه ودايمــاً وقتهــا معلـوم
الحـكــم لينــا وليــك الحــق يـا مداين
يا مصـر هانـت وبانـت كلهـا كام يوم
نهـارنا نـادي ونهـار النـدل مش باين
يا صف عسكر بدال الدرع شيلو اثنين
25 ينـايـر يـا شــباب فـاكـريـن
كان فيه انجليز ووزير الداخليه تخين
كان عنده برضه عساكر زيكم جامدين
ســابهم يموتـوا علاوله لم سأل فيهم
كانـوا شــبهكـم اســاميكـم اســاميهـم
يـا عسـكـري البهـوات اللـي بتحميهم
ممكـن يـردوا عليـك لمـا تناديهـم ؟؟؟
يا عسـكري أنـا أصلي بــس بسـتغرب
لو لاقي تأكل وتشرب قوم ياعم اضرب
اضرب عشان الوزير من ضربتك يطرب
لكـن هتشـتغــل ايـة لمـا الـوزيــر يهـرب
أمـا الشــديـد القــوي القــادر أبــو القـادر
برميـل تلامـه نشــع علي مصر من الآخر
لــو شــافتـه معــدده تكتـب ادب ســـاخـر
ثـابـت يـقــول للـهــرم يـا كـابتـن اتـأخــر
ولــم يــزل معتـقــد ان الـهــرم هيـقــوم
آدي الحجر والبشر قايمين ياسيد القوم
والديــن هيتـرد يا اللي عشــت متـدايـن
يا مصــر هانـت وبانـت كلهــا كـام يوم
نهـارنا نـادي ونهـار النـدل مــش بايـن
ده حـكــم أســرة ولا خـوفـو ولا خـفرع
ولا وجـع بـطـن يتعـالـج بزيـت خــروع
عمــل مســوجـر بعيــد عنـك ولا يطلـع
جربنا فيه كل شىء ملقينا شـىء ينفع
منفعــش بالأدويـه جـربنا ألـف طبيـب
ولا بعطـاره شــيوخ ليهـم بلح وزبيب
ولا بجحفـل مغـولي وضرب بالقباقيب
عمـل مسوجـر وســفلي شـغل تل أبيب





وشـــغـل أمـريكـا متغـلف وختمه عليه
ضيف زارنا ياعم من غير دعوه لابس بيه
قاعـد 30 ســنة مبيقولـش قاعـد ليه
والنيـه يديهــا لابنـه النابغـه بعـديـه
ويقـول قضا وقـدر بين البشر محتوم
قولناله طيب ومين قال للقدر معلوم؟
وايـش عرفك يا فخمتك بالذي كاين؟
يا مصـر هانـت وبانـت كلها كام يوم
نهارنا نادي ونهـار الندل مــش باين
……
تميم البرغوثى




:. كاتب الموضوع Galal Hasanin ، المصدر: يا مصر هانت وبانت كلها كام يوم .:


dh lwv ihkj ,fhkj ;gih ;hl d,l



عزيزي القارئ ضع رداً لنعرف هل نحن علي صواب أم خطأ
ونرجو الابلاغ عن أي رابط لا يعمل


تقييم الموضوع:
الرجاء تقييم الموضوع
توقيع :Galal Hasanin
Mr. Galal Hasanin

Expert Teacher of English Language
El-Malek El-Kamel High School
Mansoura Secondary School for Girls
Mansoura
01004004263
ربما يعجبك هذا أيضا





الكلمات الدلالية
يا ، مصر ، هانت ، وبانت ، كلها ، كام ، يوم ،


 








الساعة الآن 02:13 صباحا


وسوم المنتدى