علي الرغم من اني من الناس اللي بتحترم فكره الصداقات بين الولد و البنت..طبعا في حدود.
الا ان انا شايفه ان الموضوع د مفروغ منه.
انا لو متجوزه حد بحترمه و بقدره و بحبه لدرجه اني مستعده اتخلي عن اي شئ في سبيل رضاه
يبقي ببساطه انا ممكن اعمل منه صديق و زوج ..و ممكن افصل بين الصفتين
و د اكيد بيرجع لذكاء كل شخص
بس في المقابل ..لازم هو كمان يحترم شخصيتي ..و علي قد ما انا ممكن اكون بثق فيه بس د ميمنعش ان الانسان بطبعه غيور.
مهما كانت الصداقه دي واضحه قدامي.
من الاخر اللي مرضاهوش لنفسي اكيد مرضاهوش لغيري.
و لو انا شايفه ان مينفعش الشخص اللي هيكون جوزي يكون ليه صديقه يبقي انا كمان مينفعش اتطفل علي حياه واحده تانيه بدافع الصداقه.
مش معني كلامي ان الناس تقاطع بعضها لما تتجوز بس بيكون في حدود اكتر..و احترام كل واحد للتاني..و من وجهه نظري لو الواحد حس ان دا مجرد واجب عليه يبقي ملوش لازمه يستمر في الجوازه دي
لان الانسان لو بيحب حد ببساطه هيعمل كل اللي يرضيه من غير ما يحس باي ضغوط لان هو حابب يعمل كدا.
و اكيد هيلاقي في زوجته الصديقه الي تسمعه و تساعده.
المشكله دلوقتي ان بقي صعب تفهم اللي جوا كل انسان..الناس بقت غامضه لدرجه كبيره و الاسوا من كدا ان معدش في امان و ثقه بين الناس.

لا يصل لدرجة الافضاء بهمومه وادق اسراره الا الزوجة التي هي سكن لزوجها بكل ما حمل

من فرح او حزن او ادق شئ في حياته وهذا هو ما نعرفه في مجتمعنا الشرقي ...........

أما علاقات الزمالة فهي معروفة ولها ضوابطها وحدود لا يتعداها الا من كان في نفسه غرض

آخر ....

وبمنتهي البساطة من يرتضي أن يكون له صديقة (لو جاز هذا التعبير الذي أرفضه) فيجب عليه ان

يرتضي بأن يكون لزوجته صديق وعادي جدا يبقي لاخته صديق ومفيش مانع صديق خالتو الي مالا

نهاية من هذه الصداقة المذعومة ...