ها طيب وبعدين؟؟
سؤال بسأله لنفسي كتير جدا
تقريبا في كل حاجة في حياتي
ها طيب وبعدين ؟؟؟
لو بصينا هنلاقي مش بس انا لوحدي اللي بستخدمه لا كلنا
تقريبا من يوم م بنبتدي ناخد قرارات في حايتنا
نتيجه الثانويه العامه والاهل والاصحاب فرحانين وانت مبسوط
وبعدين تقف وتسال نفسك و ادي النتيجه ظهرت
طيب ها وبعدين؟؟
هتختار انهي كليه وبعد الاختيار برضه تدخل وتسال نفسك واديني دخلت
ها طيب وبعدين ؟؟
هذاكر ولا هقضيها زي معظم شباب الجامعه تهييس وتكبير دماغ
ويوم م تذاكر وتمتحن وتنجح وتقديرك ميعجبكش تسال نفسك
وادي تقدير وحش
ها طيب وبعدين؟؟
هكمل كده ولا اشد حيلي السنه الجايه
ويستمر السؤال معاك منين م تروح
وفعلا مبيفارقنيش
في كل يوم اصحي واسال نفسي
ها طيب وبعدين؟؟
هتعمل ايه
حتي يوم م حبيت سالت نفسي اديك لقيت الانسانه المناسبه
ها طيب وبعدين؟؟
هتقف ولا تروح تكلمها
ويوم م كلمتها سالت نفسي
ها طيب وبعدين؟؟
هتفضل مكانك ولا هتعمل حاجة عشان تستحقها
وحتي يوم م عرفت انها مش ليا مقفلتش علي روحي وعيطت لا قولت قدر الله وما شاء فعل
واكيد اختار الصالح بس
ها طيب وبعدين؟؟
هتكتئب ولا تفرحلها
وتحضر فرحها كمان
وفي مذاكرتي اخلص جزء واسال نفسي
ها طيب وبعدين؟؟
اريح ولا اكمل جزء كمان
حتي يوم م حزنت سألت روحي
ها طيب وبعيدن؟؟
هتفضل كده ولا هتفوق وتكمل ولا تفضل مكانك بتبكي علي شيء راح ومش هيرجع تاني
ودلوقتي في مستقبلي وتفكيري فيه بسال نفسي كل يوم
ها طيب وبعدين ؟؟؟
انا بكتب البوست ده ليه ووجعت دماغكم ليه
عشان اقول ان اي موضوع في حياتنا ليه بدايه لكن عامل زي خيط التريكو بيكر وراه اسئلة كتير
معظمها بيبقي
ها طيب وبعدين ؟؟؟
بس المهم مش السؤال ..المهم هتجاوب عليه بأيه
واجابتك هتكون انهزاميه واستسلاميه ولا لأ
منقـــــــــــــولـــ