السلام عليكم ورحمة الله وبركاته ..

كان فى ف دماغى من كام يوم خاطر كدة قلت اشوف رايكم فيه ..

لو انت معاك عربية بتروح وتيجى بيها من الجامعة كل يوم ..

جيت ف يوم خارج من الجامعة الساعة 2 ف عز الزحمة ..؟؟

او فى اواخر ديسمبر وقت المطر الغزير اوى والناس غرقانه ف المطر ..

لقيت واحدة زميلة لك تعرفها شخصيا او شكليا بس واقفة ومتبهدلة ف زحمة المواصلات او ف بهدلة المطر ..

هل تقبل انك تعرض عليها التوصيل ..؟؟

ولو انتى البنت دى .. هل تقبلى التوصيلة دى ..؟؟

على اعتبار ان الشخصين كل واحد فيهم عارف ان التانى محترم جدا ودغرى ومش بتاع حركات ..

طبعا الموضوع له زوايا كتير للمناقشة .. فى من الناحية الزوقية وفى من الناحية الاجتماعية وفى من الناحية الدينية وفى نواحى كتير .. ياريت اشوف ردودكم ..