منتديات كويك لووك
(نسخة قابلة للطباعة من الموضوع)
https://www.quicklook4u.com/vb/t12804
أنقر هنا لمشاهدة الموضوع بهيئته الأصلية

بهية زى ما هى
عابر سبيل 29-06-2011 04:38 صباحاً
بهيه

لما ضاعت منى حبيبتى
لما خطفوا منى مدينتى
يوم ماتاهت بيا سفينتى
كانو شوية لصوص
جاين مستحلفين للارض والمكان
جاين قاصدين حبيبتى
ويتوهوا السفينة
فى بحر ملهش مينا
كتروا فيها اللصوص
وخلوا مصر غابة
وقدروا عالغلابه
قلنا بهية !!
قالوا جعانة .. تشتغل عندنا خدامة!
صرخنا كفاية...!! كفاية...!
قال الزعيم لا مش كفاية !
لسه الهرم والسد والقناية!
واحنا السيادة والقيادة والريادة !
واللى مش عاجبه يمشى.. يا يتحمل امننا
وامن العصابة !
ربطوا على عنيكى العصابة
لكن فى اخر يناير
لقيت شبابها ساير
مكتوب فى قلبه ثاير
وجبينه فى السما
ورايح عالميدان
قصده المعنى الكبير
حالفين يكونوا شمعة
نورها ماينطفيش

صرخ الولد ....
بن البلد......
مايهمنيش أموت أعيش
وتعيشى انتى بهيه زى ماانتى
منتديات كويك لووك

Copyright © 2009-2024 PBBoard® Solutions. All Rights Reserved