منتديات كويك لووك
موضوع بعنوان :أغنية من كلماتي
الكاتب :عبدالرحمن الحصري
أقدم لكم اليوم تجربتي الاولي مع الكتابة بالعامية .. انتظر اراءكم بدون مجاملة
الكلمات :
مشتاق القلب يجيلك
ويقولك عاللي في نفسه
عاشق امله يحكيلك
ويسمع قلبك همسه
دقاته بتخرج منه
في بعادك موج مجنون
مش لاقي شط لحبه
مش لاقي لقلقه سكون
مشتاق ترجع لياليك
مشتاق يلمح في عنيك
اسراره وروحه ونفسه
ويقولك عاللي في نفسه !!
***
مجروح في غيابك نبضه
وحياته الام وجراح
ماهو قلبك وطنه وأرضه
وهواك كل الافراح
طولت غيابك ليه
وناسيه دايما حيران
حزنه شاغل لياليه
لهواك ولقاك عطشان
احلامه يعيش وياك
ويقضي سنينه معاك
وتكونله نهاره وشمسه
ويقولك عاللي في نفسه
***
بيضيع من غيرك وقته
في حنينه وشوقه إليك
بيعيش أحلامه لوحده
ومالوش في حياته شريك
من غيرك تايه هايم
في دموع وألم وعذاب
يحلم وتطول احلامه
ويلاقي الحلم سراب
عايش امله تلاقيه
وتعيش جنبه تهنيه
وتداوي جراحه ويأسه
ويقولك عاللي في نفسه
***
في بعادك يحلم بيك
وتزيد عنده الاشواق
مش قادر ينسي عينيك
ويعيش في بعاد وفراق
محتاج لوجودك جنبه
محتاج قلبك يداويه
يمسح دمعة أيامه
ويعيد ضحكة لياليه
لو تيجي هيجري عليك
ويمد ايديه لايديك
يوصفلك حبه وحسه
ويقولك عاللي في نفسه
***
( مستني أراءكم بس بدون مجاملة يا احلي شباب في احلي منتدي )