منتديات كويك لووك
موضوع بعنوان :ثورة تايهة ياولاد الحلال !!!
الكاتب :Galal Hasanin
كلمة حلوة وكلمتين ... حلوة يا بلدي
في يوم كام وعشرين قول كدة 25 يناير سنة 2011 كان يوم ولا كل يوم عندي وعند كل اللي حبوها وعشقوها
جت الجميلة الطيبة بعد حمل دام سنين وايام واكنمل وبقي كل شئ (مش تمام) واستعدت واستعدينا ووضعت بنت
جميلة قلنا نسميها "ثورة" ملامحها من ملامحي وصوتها من شجوني في عنيها شفت صبحي وخلاص سكنت جفوني
والكل جه يهني احمد بطرس ويني والزفة في الميدان رافعين مناديلهم والثورة فرحانة تجري تناديلهم ... كبرت بينا الوليدة
لعبت هنا وهناك .. وفجأة ملقيتهاش :: جريت اسأل عليها ملقتهاش في الميدان .. قلت اسأل الجيران .. يا خسارة قافلين شبابيكهم !!
جريت علي الميادين اشوف يمكن هناك لمة تساعدني ..لقيت زحمة وبتدور علي قرشين وكام واحد في حلقة ذكر وشيخ واقف
لقيت صلبان وكام أسيس ومش عارفين بيعملوا ايه .. وراجل عسكري بشنبات .. وجندي علي الحدود كان مات ..
وعربية وكان فيها حرامي كبير بيتفسح .. ومحكمة وشاح أخضر وكام مجرم بيتمختر ..
لقيت نفسي مع نفسي وجنب الحيط .. هناك دوشة هناك هيصة صويت زغاريت
يا خسارة مافي واحد يساعدني ... ماحدش شاف يا ناس بنتي ماحدش شاف يا ناس ثورة؟؟
"ثورة تايهة يا ولاد الحلال واللي يلاقيها عنوانا ميدان التحرير"