الانتخابات نزيهة
بس فــ أحضان فكيهة
وفكيهة دي ست واعرة
كل مصيبة تلاقيها
———————–
في العباسية دور
جمل وحصان وطور
حتي بين السطور
قوانينها بنلاقيها
———————
علي كفوف الراحات
بتعري في البنات
وتدبح في الولاد
عاكشة الدنيا وما فيها
———————
سيبك من كان وكنا
وحمار كبير جابولنا
دا فكيهة باعتاهولنا
لاجل ان نبوس إيديها
——————–
أوعي ترد الحمار
لغضب فكيهة نار
زي بتوع التتار
جرايمها منها فيها
—————–
أصلها مالهاش صديق
ولا في الطريق رفيق
غير بس الواد فشيق
هو الحلو في عنيها
——————————–
كلمات : جلال حسانين
ومش هنرضى بالحمار ولا هنستسلم لامر فكيهة المفترية
مش هنرضي لا بالحمار ولا بفكيهة رغم جبروتها
من البداية واحنا بنقول ان الانتخابات دي لعبة زي نعم ولا